Génesis 3:17 - Bible in Tzeltal Bachajón

¹⁷ Soc la yalbe te winique: Te bin ut'il la ach'uhumbe sc'op te awihnam, te la alo'be sit te te' te la jcalbat: Ma me xalo'be sit, te xchihone, bohlobix sc'oblal te lumq'uinal ta acuenta, wocol yac ata awe'el ta lumq'uinal te jayeb c'ahc'al cuxulat.

Bible in Tzeltal de Oxchuc y Tenejapa

¹⁷ Yan te winique, jich albot yu'un te Cajwaltique: —Te bit'il la ach'uunbey sc'op te awinam te la alo'bey sit te te' te la calbate: “Ma me xalo'bey sit”, te la cutate, bolob me sc'oplal te lumq'uinal ta awenta, ay awocol ya xwe'at te jayeb c'aal ya xc'axat ta q'uinale.

Génesis 3:17 ပူးပေါင်းရင်းမြစ်များ

Génesis 3:11

La yal te Diose: ¿Mach'a la yalbat te mayuc ac'u' apac'? ¿Yu'un bal la alo'be sit te te' la jcalbat te ma me xalo'be te site? xchi.

Génesis 3:18

Ya xcol bayel ta chahp ch'ixetic, soc yac awe'ic itaj te ya xcol ta q'uinal.

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Génesis 5:29

la ya'be sbihil Noé yu'un hich la yal: Ha te ya ya'botic lecubuc q'uinal ca'iytic yu'un te jwocoltic ta a'tel ta scaj te lumq'uinal te la yac' bohlobuc te Jehová, xchi sc'oblal yu'un.

Génesis 8:21

Te Jehová c'alal la ya'iy te sumet yic', la yal ta yo'tan: Ma xcaq'uix xan bohlobuc sc'oblal te lumq'uinal ta scaj te ants-winiquetic, como ta scolel sch'ihyelic to ya snopticlan ta yo'tanic te bintic chopol. Ma ba ya jlajinix spisil bintic cuxajtic hich te bin ut'il la jpasixe.

Job 14:1

Te winic te ayintesbil yu'un ants com nax te scuxlejal soc nojel ta wocol.

Job 21:17

¿Jayeb buelta tup'en sc'ahq'uic te mach'atic chopolic, te ya xtal jinel ta stojolic, te ya x'a'bot swocolic yu'un te yilimba Dios?

Salmos 127:2

Tojol te sab ya xhahchex soc c'ubix ahc'abal a ya xwayex, te yac awe' pan atahoj scuenta sc'uxul awa'tel, como Dios ya ya'be swayel te mach'atic c'ux ta yo'tan.

Eclesiastés 2:11

Patil la jquil spisil te bintic jpasoj ta jc'ab soc te ca'tel te la jpase. Tojol ay soc ha snutsel te iq'ue; mayuc bin loc' a ta ye'tal ch'ulchan.

Eclesiastés 2:17

Ha yu'un la jp'aj te cuxlejal, como te bintic ya yich' pasel ta bahlumilal, ma lecuc la jca'iy. Spisil tojol nax, ha snutsel te ic' c'ohem.

Eclesiastés 5:17

Soc te jayeb c'ahc'al cuxul ya xwe' ta yihc'al q'uinal, soc bayel swocol, ay schamel soc xut'xon q'uinal ya ya'iy.

San Mateo 22:12

hich la yalbe: Amigo ¿bin ut'il ochat tal li'i te ma ba alapoj c'u'ul yu'un il-nuhpunel? la yut. Ma ba weht bin la yal yu'un te winique.

San Mateo 25:45

Hich me ya xhalbotic: Jamal ya calbeyex, te bin ut'il ma ba la apasbe te mach'a mero peq'uel ay, ho'on ma ba la apasbonic abi, xchi me sc'oblalic.

San Lucas 19:22

Ha yu'un halbot yu'un te yajwal: Chopol a'batat, ta scuenta nix ac'op te ya quich'at ta c'op. Teme la ana' te tulan winicon te ya quich' te bin ma ho'ucon cac'oj soc ya jtsob te bin ma ho'ucon jts'unoj,

San Juan 16:33

La jcalbeyex ini scuenta yu'un ayuc lamal q'uinal awu'unic ta jcuenta. Ay me awocolic li' ta bahlumilal, pero ayuc me smuc'ul awo'tanic, ho'on la jtsalix te bahlumilale, xchi.

Romanos 3:19

Jna'ojtic te spisil bintic ya yal te Ley, ha ya yalbe te mach'atic ayic ta scuenta te Ley, scuenta yu'un spisilic ya xmahc yehic soc spisil bahlumilal ya xhil ta scuenta ich'el ta c'op yu'un Dios,

Hebreos 6:8

Yan te lumq'uinal te ya xcol ch'ix soc ha'mal tey a mayuc bin ya xtuhun a, soc quechel yich'bel bohlc'optayel soc ya me yich' chiq'uel.