Génesis 3:16 - Bible in Tzeltal Bachajón

¹⁶ Hich la yalbe te antse: Ya cac' tohyuc awocol ta alajel; ay awocol ya x'alajat. Ya xc'oht ta stojol amamalal te sc'anojel awo'tan, soc ha ya scuentahinat, xchi sc'oblal.

Bible in Tzeltal de Oxchuc y Tenejapa

¹⁶ Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

Génesis 3:16 ပူးပေါင်းရင်းမြစ်များ

Génesis 4:7

Teme lec bin yac apas, ¿ma bal lecuc ac'oblal ya xc'ohat yu'un? Yan teme ma lecuc bin yac apas, ay ta ti'nahil te mulile; ha ya sc'anat, pero ha'at ya me atsal, xchi.

1 Crónicas 4:9

Te Jabes, ha muc' xan sc'oblal c'oht yu'un te yermanotac. Te snan la ya'be sbihilin Jabes, yu'un la yal: Como c'ax jwocol ta yalatayel, xchi.

Ester 1:20

Te bin ya yal ta mandar te ajwalil ya me yich' a'iyel ta ban c'alal scuentahinej, aunque c'ax muc', hich spisil te antsetic ya me yich'ic ta muc' te smamalalic, pajal te mach'a muc' sc'oblal soc peq'uel sc'oblal, xchi.

Salmos 48:6

Tsacotic ta xiwel tey a, soc hich sc'uxul te bin ut'il ya x'ayin yal ants,

Isaías 13:8

Bayel me ya xiwic, ya xcuentahinotic yu'un wocol soc sc'uxul; hich sc'uxul te bin ut'il ya x'ayin yal te antse. Xcham yo'tanic jujutuhl te c'alal te ya yil sbahic, stsacoj c'ahc' te sit yelawic.

Isaías 21:3

Ha yu'un te bayel sc'uxul te jbaq'uetal, la stsacon te swocol te sc'uxul, hich te bin ut'il swocol te ya x'ayin yal te antse. Te mel-o'tan ma xya'bon ca'iy c'op, noj te co'tan ta xiwel te c'alal la jquile.

Isaías 53:11

Ya me yil te bin ya xloc' yu'un a te swocol te sch'uhlel, lec me ya ya'iy yu'un; te ca'bat te toj yo'tan ya me yac' te toj ya xc'oht tsobolic ta scuenta te bintic sna'oj, soc ya me scuchbe te smulique.

Jeremías 13:21

¿Bin yac awal yu'un te c'alal Jehová ya yac' scuentahinat te mach'atic la anohptes te ha awamigo ya xc'ohtic? ¿Ma bal yacuc ya'beyex sc'uxul, hich te bin ut'il ants te ya x'ayin yale?

Jeremías 22:23

Ha'at te nahinemat ta Líbano, te apasoj apechech ta cedrohetic, ya me x'ahcanajat te c'alal ya xtal te sc'uxule, ha te sc'uxul hich te bin ut'il ants ya x'alaj.

Jeremías 4:31

La jca'iy aw hich te bin ut'il yaw ants te ya x'ayin yal, hich bin ut'il swocol ants c'alal ya x'ayin ba-alal yu'un; ha te aw yu'un te yantsil-nich'an Sión, te ya shach sc'ab soc te hich ya yal: ¡Obol jba, ya xlaj quip ta scaj te jmilawetic! xchi te Jehová.

Jeremías 49:24

Laj yip te Damasco, ya xbaht ta ahnel, tsacot yu'un xiwel soc wocol, tsacot yu'un sc'uxul, hich te bin ut'il ants ya x'alaj.

Jeremías 6:24

La jca'iybetiquix sc'oblal, mayuc yip te jc'abtique. La yu'untayotic pich'il-o'tanil, hich te bin ut'il sc'uxul ya ya'iy te ants ya x'alaj.

Números 30:13

Spisil te bin schapoj o spisil te bin jc'axel yaloj ta jamal te ya spase, te smamalal ya xhu' ya yac' te chapal ya xhil o ya slajimbe sc'oblal.

San Juan 16:21

C'alal ya x'ayin yal te ants, ay sc'uxul, como la stahix yorahil; pero te c'alal ayinix a te alale, ma ba ya sna'ix te swocole, como tse'el yo'tan yu'un te ayinix ta bahlumilal jtuhl alal.

1 Corintios 11:3

Pero ya jc'an yac ana'ic te bin ut'il te Cristo ha jolal yu'un spisil winiquetic, te winic ha jolal yu'un te ants, soc te Dios ha jolal yu'un te Cristo.

1 Corintios 14:34

te antsetic ma me xc'opojic ta banti yac atsob abahic; como ma xpas te ya xc'opojic, ac'a yac' sbahic ta cuentahinel, hich te bin ut'il ya yal te Ley.

1 Corintios 7:4

Te ants ma stuqueluc yu'un te sbaq'uetal, ha yu'un te smamalal; hich nix te winique ma stuqueluc yu'un te sbaq'uetal, ha yu'un te yihname.

Colosenses 3:18

Antsetic, ac'a abahic ta cuentahinel yu'un te amamalalic, hich te bin ut'il ya sc'an pasel ta scuenta te Cajwaltique.

1 Tesalonicenses 5:3

Te c'alal hich ya yalic: Lamal q'uinal, lec ay spisil, repente nax ya xtal jinel ta stojolic, hich te bin ut'il ya xhahch sc'uxul c'alal ya x'ayin yal te antse, ma ba ya xhu' ya x'ahnic loq'uel.

1 Timoteo 2:13

Como ha nahil la yich' pasel te Adán, patil te Eva;

1 Timoteo 2:15

Pero ya xcol ta scuenta alajel, teme ay sch'uhunel yo'tan, sc'uxul yo'tan, ch'ultesbil soc lamal yo'tan ya x'ayin.

Tito 2:5

te yacuc stsahtay sbahic, te sacuc yo'tanic, yacuc yo'tantayic ya'tel ta snahic, lecuc yo'tanic, te yacuc yac' sbahic ta cuentahinel yu'un te smamalalic, scuenta yu'un hich ma xbohlob sc'oblal a te sc'op Diose.