Génesis 3:14 - Bible in Tzeltal Bachajón

¹⁴ Te Jehová Dios hich la yalbe te chane: Te bin ut'il hich la apas: bohlobix ac'oblal ta yohlil spisil alaq'uil chambahlam soc ta yohlil spisil te ha'mal chambahlametic. Ta atahn ya xbehenatix, soc ts'u'lum yac alo' te jayeb c'ahc'al cuxulat ta q'uinal.

Bible in Tzeltal de Oxchuc y Tenejapa

¹⁴ Te Cajwaltic Dios jich la yalbey te chane: —Te bit'il jich la apas, c'ax jich bolobix ac'oplal te bit'il spisil yantic chambalametic. Ya me atas aba te ya xbeenate, soc ts'ubil lum ya alo' jayeb c'aal cuxulat ta q'uinal.

Génesis 3:14 ပူးပေါင်းရင်းမြစ်များ

Génesis 3:1

Te chan ha bayel xan sp'ijil yu'un lo'loywanej a te bin ut'il spisil yantic chambahlametic ta q'uinal te pasticlambil yu'un Dios. Hich la yalbe te antse: ¿Hich bal la yalbat te Diose: Ma me xalo'be sit spisil te te'etic ayic ta ts'umbil q'uinal, xchi bal te Diose? xchi.

Génesis 4:11

Yo'tic bohlobix ac'oblal ta lumq'uinal te la yuch'be sch'ich'el awihts'in te la amile.

Génesis 9:6

Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

Salmos 72:9

Te mach'atic nahinemic ta jochol taquin q'uinal ya me squejan sbahic ta stojol, soc ya me sleq'uic ts'u'lum te scontratac.

Isaías 29:4

Hich peq'uel ya xc'ohat, ya xc'opojat c'alal ta lum. Ya xloc' tal ta ts'ubilum te ac'ope, ya xchicnaj ac'op ta lum hich te bin ut'il yesomba, sajson ya xloc' ac'op ta lum.

Isaías 65:25

Te ha'mal-ts'i' soc te alal-tuminchij ya me sjoquin sbahic ta we'el, te choj ya me swe' ac hich te bin ut'il j'a'tel-wacax, yan te chane ya me swe'elin ts'u'lum. Ma ba ya yuts'inic soc ma ba ya sjinic ta spisil te ch'ul wits cu'un, xchi te Jehová.

Levítico 20:25

Ha yu'un te ha'exe ya me atsahtayic te bin chambahlamil te lec sc'oblal soc te bohloben sc'oblal, soc te mut te bohloben sc'oblal soc te lec sc'oblale. Ma me xabohlobtes ac'oblalic ta scaj chambahlametic, mutetic soc te chambahlametic te staslajan ya xbehenic ta lum, te parte la jcac' te ha bohloben sc'oblalique.

Miqueas 7:17

Ya me sleq'uic ts'u'lum hich te bin ut'il chan, hich te bin ut'il te chanetic ta q'uinal; Yaquic ta nihquel a ya xloq'uic tal ta banti snac'oj sbahic, soc bayel xiwel ya xtalic ta stojol Jehová te Dios cu'untic, ya me xiwic ta atojol.