Génesis 28:3 - Bible in Tzeltal Bachajón

³ Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Bible in Tzeltal de Oxchuc y Tenejapa

³ Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 28:3 ပူးပေါင်းရင်းမြစ်များ

Génesis 1:28

Dios la yac'ticlambe bendición, hich la yalbe: Sitinan soc p'ohla abahic, nojesahic ta swohlol te bahlumilal, soc tuhunahic te q'uinale. Ajwalilat ya xc'ohat yu'un te schayul ha'etic, te mutetic te ya xwihlic ta toyol soc spisil te chambahlametic te ya xbehenic ta lumq'uinal, xchi.

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 17:20

Yan te Ismael, la jca'iy te bin la awal. Ya ca'be bendición, ya cac' p'ohluc bayel sts'umbal; ha stat lahchayeb ajwaliletic ya xc'oht, soc muc'ul nación ya xc'oht cu'un.

Génesis 24:60

La ya'beyic bendición te Rebeca, hich la yalic: Ha'at quihts'inatcotic, ha'uc me nanil ya xc'ohat yu'un tsobol ta mil, soc te ats'umbal ya yu'untaybeyic spuertahul te scontratac, xchihic.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Génesis 27:33

Te Isaac bayel nihc yu'un, hich la yalbe: ¿Mach'a a hiche te xtaluquix, te la yich' tal te nutsbil ti'bal, la ya'bon soc la jti' spisil te c'alal ma to xtalat a? La jca'beyix bendición, ya me xc'oht ta stojol te bendición, xchi.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 41:52

La ya'be sbihilin te schebal snich'an Efraín, yu'un hich la yal: Dios la yac' sitinon ta q'uinal te banti ay jwocol, xchi.

Génesis 43:14

Te Dios te spisil ya xhu' yu'un ac'a sc'uxultayex te winic soc te yacuc scoltaybotic tal te yan awermanohic soc te Benjamín. Teme ya xpojboton te jnich'nab, hichuc abi, xchi.

Génesis 48:3

hich la yalbe te José: Te Dios te spisil ya xhu' yu'un la yac' sba ta ilel ta jtojol ta Luz te ay ta sq'uinal Canaán, soc la ya'bon bendición,

Génesis 48:4

soc hich la yalbon: Ya cac' xmuc'ubat soc ya cac' xp'ohlat, ya cac' te bayel ta chahp nación ya xc'ohat, soc ya ca'be te patil ats'umbal te q'uinal ini, ha yu'unic ya xc'oht spisil ora, xchi.

Génesis 49:25

ta scuenta te Dios yu'un atat, te ha ya scoltayat, ta scuenta te Dios te spisil ya xhu' yu'un, te ya ya'bat bendición, ha te bendicionetic yu'un te ch'ulchan ay ta toyol, ha te bendicionetic yu'un te sc'ubulil ha' ay ta ye'tal, ha te bendicionetic yu'un chu'ul soc yalajib ants.

Génesis 9:1

Dios la ya'be bendición te Noé soc te snich'nab, hich la yalbe: Sitinan, p'ohla abahic, nojesahic te q'uinale.

Salmos 127:1

Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Salmos 127:3

Te al-nich'anetic ha te bin ya x'a'botic quich'tic yu'un te Jehová, ha mahtanil te sit te yawil alal.

Éxodo 1:7

Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Éxodo 6:3

Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

2 Corintios 6:18

Ho'on Atatonic ya xc'ohon, ha'ex ach'ix queremetic cu'un ya xc'ohex, xchi te Cajwaltic te spisil ya xhu' yu'une.

Apocalipsis 21:22

Mayuc templo la jquil tey a, como ha templo yu'un te Cajwaltic Dios te spisil ya xhu' yu'un, soc te Jcolel Tuminchij.

Rut 2:4

Ha yorahil a te loc' tal ta Belén te Booz, hich la yalbe te j'a'teletic yu'une: Ac'a sjoquinex te Jehová, xchi. Ac'a ya'bat bendición te Jehová, xchihic.