Génesis 26:8 - Bible in Tzeltal Bachajón

⁸ Te c'alal ayix bayel c'ahc'al te tey ay a, te Abimelec ajwalil yu'un te filisteohetic la yil ta ventana te Isaac yac ta smech'el te Rebeca te yihnam.

Bible in Tzeltal de Oxchuc y Tenejapa

⁸ Jalajemix bayal c'aal tey a te Isaaque. Jun buelta te Abimelec te ajwalil yu'un te filisteoetic, la yil ta ventana, yac ta smeyel Rebeca te Isaaque.

Génesis 26:8 ပူးပေါင်းရင်းမြစ်များ

Génesis 26:7

Te winiquetic tey a la sjoc'obeyic sc'oblal te yihname. La sjac' te Isaac: Ha quihts'in, xchi, como la xi' yalel te ha yihnam, yu'un la yal ta yo'tan te ya wan xmilot yu'un te winiquetic ta scaj te Rebeca, yu'un buen t'ujbil ants.

Génesis 26:9

Ha yu'un te Abimelec la sticon ta iq'uel te Isaac, hich la yalbe: Melel ha awihnam te ants ini. ¿Bin yu'un: Quihts'in, xchihat? xchi. La sjac' te Isaac: Yu'un la jcal ta co'tan: Ya wan xlajon ta scuenta, xchi.

Proverbios 7:6

La jquil ta sventanahul jna, te banti jamajtic;

Eclesiastés 9:9

Tse'eluc me awo'tan soc awihnam te c'ux ta awo'tan, ta spisil acuxlejal te mayuc scuentahil, te ya'beyejat ta ye'tal ch'ulchan. Ha me te bin a'bilat te c'alal cuxulat soc te tulan ya x'a'tejat ta ye'tal te ch'ulchane.

Cantares 2:9

Te mach'a c'ux ta co'tan hich c'ohem te bin ut'il gacela-chij, o te bin ut'il jcolel tat chij. Ilawil, ay ta pat ts'ahc, yac ta yilel tal ta ventana, yac shu'sitaybel ta banti jamajtic.

Isaías 62:5

Hich te bin ut'il jtuhl querem ya xnuhpun soc ach'ix, hich te aquerem-nich'nab ya me yic' yihnaminat; hich te bin ut'il ay yutsil yo'tan te querem ta stojol te slecol, hich ay yutsil yo'tan Dios ta atojol.

Jueces 5:28

Te snan Sísara ya yil ta ventana, ta ventana hich ya x'awon: ¿Bin yu'un ma xtal ta ora te carreta yu'une? ¿Bin yu'un ma xchicnaj sc'op te carretahetic yu'un? xchi.