Génesis 26:4 - Bible in Tzeltal Bachajón

⁴ Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Bible in Tzeltal de Oxchuc y Tenejapa

⁴ Ya me cac' esmajuc ats'umbal, jich yipal ya xc'otic te bit'il eq'uetic ta ch'ulchan. Soc ya me cac'bey sq'uinalin spisil in q'uinal to te ats'umbale. Ta swenta ats'umbal ya me x'ac'bot bendición ta spisil ta jchajp mach'atic ayic ta balumilal.

Génesis 26:4 ပူးပေါင်းရင်းမြစ်များ

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 35:12

Te q'uinal la jca'be te Abraham soc Isaac, ha'at ya ca'bat soc ats'umbal ta patil bahel, xchi.

Génesis 47:27

Hich nahin Israel ta Egipto ta sq'uinal Gosén; ha la yu'untayic, soc bayel p'ohlic.

1 Crónicas 27:23

Te David ma ba la yahtay te mach'atic ma to stahojic jtahb (20) ya'bilal, como te Jehová yaloj te ya yac' p'ohluc te Israel hich te bin ut'il eq'uetic ta ch'ulchan.

Salmos 72:17

Ac'a ayinuc spisil ora te sbihile; ac'a halajuc te c'alal ay te c'ahc'ale. Spisil te nacionetic ac'a yich'ic bendición ta scuenta, ac'a yalbeyic lec sc'oblal.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Hechos 3:25

Ha'ex yal-snich'anex te jalwanejetic soc ay ta acuentahic te c'op chapbil yu'un Dios soc te jme'jtatic, te hich la yalbe te Abraham: Ta scuenta ats'umbal ya x'a'bot bendición spisil ta chahp te mach'atic ayic ta bahlumilal, te xchihe.

Gálatas 3:16

Bueno, ay bintic yaloj Dios ta stojol Abraham soc te sts'umbale. Ma ba ya yal: soc spisil sts'umbal, ma xchihuc, hich te bin ut'il sc'oblal tsobolic ya'iyel, pero jtuhl nax: soc ats'umbal, xchi, ha te Cristo abi.

Gálatas 3:8

Te Shun Dios, te bin ut'il nahil yiloj te toj ya x'ilotic yu'un Dios te jyanlumetic ta scuenta sch'uhunel yo'tanic, nahil la yalbe te Abraham te lec yach'il c'op, te hich la yal: Ya me x'a'bot bendición spisil nacionetic ta acuenta, te xchi sc'oblale.

Deuteronomio 13:17

Ma me xatsac te bin ac'bil ta scuenta lajel, scuenta yu'un te Jehová ya sloq'ues ta atojol te sc'ahc'al yilimba, ya sc'uxultayat soc ya sna'bat yo'bolil aba, ya yac' p'ohlucat, hich te bin ut'il jc'axel yalbeyej ta jamal te ame'atatic,

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Hebreos 11:2

Ha nix ta scuenta te lec c'oht sc'oblalic te antiguo me'iltatiletique.