Génesis 26:3 - Bible in Tzeltal Bachajón

³ Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Bible in Tzeltal de Oxchuc y Tenejapa

³ Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 26:3 ပူးပေါင်းရင်းမြစ်များ

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Génesis 13:17

Hahchan, ocliya te q'uinal, bin yilel te snahtil soc te sjamalil, yu'un ha ya ca'bat aq'uinalin, xchi sc'oblal.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 17:8

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Génesis 20:1

Te Abraham loc' bahel tey a, baht ta sq'uinal Neguev; c'oht spas snahil-pac' ta Gerar te ay ta ohlil yu'un Cades soc Shur. Nahin ta Gerar hich te bin ut'il jyanlum.

Génesis 25:11

C'alal chamenix a te Abraham, Dios la ya'be bendición te Isaac te snich'an. Tey nahin ta pozo ‘Te mach'a cuxul te ya yilon’ te xchi sbihile.

Génesis 26:12

Te Isaac la sts'un sts'unub-yawal tey a; ha nix ta ha'bil la sc'ajbe ho'winic (100) buelta te site; a'bot bendición yu'un Jehová.

Génesis 26:14

Ay bayel tuminchijetic, wacaxetic soc a'batetic yu'un; hahch ta ti'ti'o'tantayel yu'un te filisteohetique.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Génesis 28:15

Ya joquinat, ya jcanantayat bayuc ya xbahat soc ya quic'at suhtel tal li' ta q'uinal ini; ma ba ya jpihtesat ha to c'alal ya xc'oht ta pasel cu'un spisil te bin la jcalbat, xchi.

Génesis 31:3

Ha yu'un hich halbot yu'un Jehová te Jacob: Suhtan bahel ta slumal atat soc ta banti ay te awermanotac; ya joquinat bahel, xchi.

Génesis 35:12

Te q'uinal la jca'be te Abraham soc Isaac, ha'at ya ca'bat soc ats'umbal ta patil bahel, xchi.

Génesis 39:2

Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

Génesis 39:21

Pero joquimbil yu'un Jehová te José, la ya'be yil sc'uxul yo'tan soc la yac' te lec ilot yu'un te jcuentahinwanej yu'un te cárcel.

Génesis 48:21

Te Israel hich la yalbe te José: Ya xwayix jbaq'uetal; pero ya me sjoquinex te Dios soc ya me yiq'uex suhtel bahel ta slumal te ame'atatique.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

1 Crónicas 16:16

ha te c'op la schap soc Abraham, ha te bin la yal ta jamal ta stojol Isaac,

Salmos 105:8

Spisil ora ya sna' te chapbil-c'op yu'un, ha te c'op te la yal ta mandar yu'un jmil ta caj ts'umbalil,

Salmos 105:9

ha te c'op la schap soc Abraham, ha te bin yaloj ta jamal ta stojol Isaac.

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Salmos 39:12

A'iybon jc'op, Jehová, a'iybon awa'iy caw. Ma me xch'abat ta stojol te oq'uel cu'un, como hichon te bin ut'il jyanlum ta atojol, soc jbehyomon, hich te bin ut'il spisil te jme'jtate.

Éxodo 2:24

A'iybot yu'un Dios te yahcanic, soc la sna' xan te c'op schapoj soc Abraham, Isaac soc Jacob.

Éxodo 3:12

La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Éxodo 6:8

Ya cotsesex tey ta q'uinal te la jtoy jc'ab ta yalel ta jamal te ya ca'be te Abraham, Isaac soc Jacob. Ya ca'beyex awu'untayic te q'uinale. Ho'on Jehovahon, xchi.

Isaías 43:2

Te c'alal ya xc'axat ta ha'etic, ho'on ya joquinat; te c'alal ya c'axat ta muc'ul-ha'etic, ma ba ya smulat. C'alal ya xc'axat ta c'ahc', ma ba ya xchic'at; ma ba ya spetat te yat c'ahq'ue.

Isaías 43:5

Ma me xiwat, como joquinejat; ya quic'bat tal awal-anich'nabic ta stojol banti ya xloc' tal c'ahc'al soc ya jtsobat tal c'alal ta smahlib c'ahc'al.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

Números 23:19

Te Dios ma hichuc te bin ut'il winic te ya ya'iy lot, soc ma hichuc te bin ut'il snich'an winic te ya suht sc'op. Te bin la yal, ¿ma bal yacuc spas? Teme c'opoj, ¿ma bal yacuc sc'ohtes ta pasel?

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Deuteronomio 34:4

Hich halbot yu'un te Jehová: Ha te q'uinal ini te jc'axel la jcalbe ta jamal te Abraham, Isaac soc Jacob: Ya ca'be ats'umbal, te xchihone. La jca'bat awil ta asit, pero ma ba ya x'ochat bahel tey a, xchi sc'oblal.

Filipenses 4:9

Te bin la anopic, te la awich'ic, la awa'iyic soc te la awilic ta jtojol, ha me xapasic; ha me ya sjoquinex te Dios yu'un lamal-o'tanil.

Hebreos 11:9

Ta scuenta sch'uhunel yo'tan hich nahin te bin ut'il jbehyom ta yan q'uinal te halbot ya x'a'bot yich', la snahin nahilpac' soc Isaac soc Jacob, te ha nix yu'unic ya xc'oht te bin yaloj te Diose,

Hebreos 6:17

Ha nix hich te Diose, te bin ut'il la sc'an te jamal ya ya'be sna'ic te mach'atic ya xbaht yich'ic te bin halbil yu'un te ma xyanij te bin snopoj ta yo'tan, la yal ta jamal te ha melel.