Génesis 24:7 - Bible in Tzeltal Bachajón

⁷ Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Bible in Tzeltal de Oxchuc y Tenejapa

⁷ Melel te Cajwaltic Dios te ay ta ch'ulchan, te la yic'on loq'uel tel ta sna te jtat ta jlumal soc ta slumal te quermanotaque, ja' la sc'oponon, jich la yalbon: “Ya cac'bat soc ats'umbal in q'uinal to”, te la yutone. Ja' me ya sneeltes bael ch'ul abat yu'un te bit'il tey ya xc'o alebey yinam a te jnich'ane.

Génesis 24:7 ပူးပေါင်းရင်းမြစ်များ

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 16:7

Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur.

Génesis 17:8

Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 24:3

ya jc'an te yac awal ta jamal ta stojol Jehová, te Dios yu'un te ch'ulchan soc te Dios yu'un te bahlumilal, te ma ba yac alehbon yihnam te jnich'an ta stojol te yantsil-nich'nabic te cananeohetic te ayon ta yohlilique.

Génesis 24:40

La sjac': Te Jehová, te mach'a behenemon ta stojol, ya me yac' sjoquinat te ch'ul a'bat yu'un soc ya yac' te lec ya xc'oht te behel awu'une. Ya me alehbon yihnam te jnich'an ta banti ay quermanotac ta sna te jtate.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Esdras 1:2

Hich ya yal te Ciro ajwalil yu'un Persia: Te Jehová te Dios ta ch'ulchan, ya'beyejon ta jcuenta spisil ta ban c'alal smacoj te ajwaliletic ta bahlumilal; soc ha la yalbon mandar te ya jpasbe sna ta Jerusalén te ay ta sq'uinal Judá.

Salmos 103:20

¡Halbeyahic yutsil sc'oblal Jehová, ha'ex ch'ul a'batetic yu'un, ha'ex te tulan awa'telic te yac apasic te bin ya yal, te yac ach'uhunic spasel te sc'ope!

Salmos 136:26

¡Halbeyahic wocol te Dios yu'un te ch'ulchan, como sbahtel q'uinal ay te sc'uxul yo'tane!

Salmos 32:8

Ya ca'bat ana' soc ya ca'bat awil te be te banti ya sc'an ya xbehenat; ya cac' jsit ta atojol.

Salmos 34:7

Te ch'ul a'bat yu'un Jehová ay ta sjoyobal te mach'atic ya yich'ic ta muc', soc ha ya scoltay.

Salmos 73:24

La atojobteson ta scuenta bin yac awa'bon jna', ta patil yac awic'on ta utsilal.

Éxodo 13:5

Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Éxodo 33:2

Ya jticon bahel ta atojol ch'ul a'bat, soc ya jtenticlan loq'uel te cananeo, amorreo, heteo, ferezeo, heveo soc te jebuseo.

Isaías 63:9

Ta spisil te swocolic, ha nix hich la ya'iy wocol, ha coltayotic yu'un te ch'ul a'bat te ay ta stojol. Ta scuenta sc'uxul yo'tan soc sna'beyel yo'bolil sbahic la yac'ticlan ta libre; la shachticlan, la speticlan bahel spisil ora c'alal ta namey.

Daniel 2:44

Te yorahil te ajwaliletic ini te Dios ta ch'ulchan ya me shach jchahp ban c'alal ya scuentahin jtuhl ajwalil te mayuc bin ora ya xlaj, soc ma ba ya x'ac'ot hilel ta sc'ab yan nación; ha ya swuyticlan soc ya slajinlan spisil te jchahp ban c'alal scuentahinejic te ajwaliletic ini, pero sbahtel q'uinal ya xhil stuquel,

Jonás 1:9

La sjac' te Jonás: Te ho'one hebreohon, quich'oj ta muc' te Jehová te Dios ta ch'ulchan, te la spas te mar soc te lumq'uinal, xchi.

Números 11:12

¿Yu'un bal ho'on la jwol spisil te pueblo ini? ¿Ho'on bal la jcalatay, yu'un te hich yac awalbon: Peticlana bahel, hich te bin ut'il ya spet chu'alal te jcanan-alal, c'alal ta q'uinal te jc'axel la awal ta jamal te yac awa'be te sme'statique?

Números 14:16

Te bin ut'il ma ba hu' yu'un Jehová te ya yotses bahel ta q'uinal te jc'axel yalojix ta jamal te ya ya'be, hich la smilticlan hilel ta jochol taquin q'uinal, xchihic me yu'un.

Números 14:30

Ta smelelil mayuc jtuhluc ya x'ochex ta q'uinal te la jtoy jc'ab ta yalel ta jamal te tey ya cac' ya xnahinex a, ha nax te Caleb snich'an Jefone, soc te Josué snich'an Nun.

Números 32:11

Te mach'atic loq'uic tal ta Egipto te ayix jtahb ya'bilalic ma ba ya yilic te q'uinal te la jcalbe ta jamal te Abraham, Isaac soc Jacob te ya ca'beyic, yu'un ma ba jun yo'tan la st'unonic bahel;

Hechos 7:5

Ma ba la ya'be sq'uinal tey a, ni jxeht'uc banti ya xc'oht te yoque; pero halbot yu'un Dios te ha ya x'a'bot sq'uinalin soc sts'umbal ta patil te q'uinal, aunque ma to ayuc snich'an a.

Deuteronomio 1:8

Ilawil, la jca'beyex te q'uinale; ochanic, u'untayahic te q'uinal te jc'axel la yal ta jamal te Jehová te ya ya'be te ame'atatic, ha te Abraham, Isaac soc Jacob, soc te patil al-nich'anetic yu'unique, xchi.

Deuteronomio 34:4

Hich halbot yu'un te Jehová: Ha te q'uinal ini te jc'axel la jcalbe ta jamal te Abraham, Isaac soc Jacob: Ya ca'be ats'umbal, te xchihone. La jca'bat awil ta asit, pero ma ba ya x'ochat bahel tey a, xchi sc'oblal.

Hebreos 1:14

¿Ma bal meleluc te spisil te ch'ul a'batetic ha espírituhetic te ayic ta a'batinel, te ticombilic ta scoltayel te mach'atic ya yich'ic te colele?

Hebreos 11:9

Ta scuenta sch'uhunel yo'tan hich nahin te bin ut'il jbehyom ta yan q'uinal te halbot ya x'a'bot yich', la snahin nahilpac' soc Isaac soc Jacob, te ha nix yu'unic ya xc'oht te bin yaloj te Diose,

Josué 1:6

Ac'a me fuersa soc ayuc me yip awo'tan, yu'un ha'at yac awa'be yich'ic te q'uinal te pueblo ini te la jcalbe ta jamal te sme'static te ya ca'beye.

Josué 24:3

La jquic' loq'uel ta jehch muc'ul-ha' te atatic Abraham soc la jquic' tal ta spahmal sq'uinal Canaán; la jcac' p'ohluc te sts'umbal soc la jca'be te Isaac.

Apocalipsis 11:13

Ta hich ora tal tulan nihquel, hemts'uj cohel jun ta slajunxeht'el te muc'ul pueblo. Lajic j'ohlil swaxaclajunbahc' (7,000) ta tuhl yu'un te nihquele. Te jayeb xan hilic bayel xiw yo'tanic yu'un soc la yalbeyic yutsil sc'oblal te Dios yu'un te ch'ulchane.

Jueces 2:1

Te ch'ul a'bat yu'un Jehová loc' tal ta Gilgal, baht ta Boquim, hich la yal: Ho'on la jloq'uesex tal ta Egipto soc la jquiq'uex tal ta q'uinal te la jcalbe ta jamal te ame'atatic te ya ca'be, hich la jcalbe: Mayuc bin ora ya jlajimbe sc'oblal te chapbil-c'op cu'un ta atojolic;