Génesis 24:52 - Bible in Tzeltal Bachajón

⁵² C'alal la ya'iy te ya'bat Abraham te bin la yalic, la spahcan sba ta lum ta stojol Jehová.

Bible in Tzeltal de Oxchuc y Tenejapa

⁵² Te yabat Abraham la yaiy stojol te bila la yalique. Jich la spajc'an sba ta lum, la yalbey bayal wocol te Cajwaltique.

Génesis 24:52 ပူးပေါင်းရင်းမြစ်များ

Génesis 24:26

Te winic la squejan sba, la yalbe wocol te Jehová,

Génesis 24:48

Soc la jquejan jba ta yalbeyel wocol te Jehová; la jcalbe yutsilal sc'oblal te Jehová te Dios yu'un te cajwal Abraham te bin ut'il la stojobteson ta be ta sc'ambeyel te yantsil-nich'an snich'ajun te cajwal yu'un ya yihnamin te snich'ane.

Génesis 24:51

Li' ay te Rebeca, ic'a bahel hiche, ha'uc yihnam ya xc'oht te snich'an te awajwal, hich te bin ut'il yaloj te Jehová, xchihic.

1 Crónicas 29:20

Patil te David hich la yalbe spisil te pueblo: Halbeyahic yutsilal te Jehová te Dios awu'unic, xchi. Ha yu'un spisil te pueblo la yalbeyic yutsilal te Jehová te Dios yu'un te sme'static, la squejan sbahic ta stojol te Jehová soc ta stojol te ajwalil.

2 Crónicas 20:18

Ha yu'un te Josafat la snijan sba c'alal ta lum, ha nix hich spisil Judá soc te mach'atic nahinemic ta Jerusalén la squejan sbahic ta stojol Jehová ta sch'uhuntayel.

Salmos 95:6

La'ic, ya jquejan jbahtic ta stojol, ya jch'uhuntaytic, ac'a jquejan jbahtic ta stojol Jehová, te Jpaswanej cu'untic,

San Mateo 2:11

C'alal ochic bahel ta na, la yilic te alal soc te snan, ha te María. La squejan sbahic soc la sch'uhuntayic. La sjamic te yawil sc'uhlejalic, la ya'beyic smahtanin oro, pom soc mirra.

1 Samuel 1:28

Ha yu'un hich nix ya ca'be te Jehová. Te jayeb c'ahc'al cuxul, ha me yu'un stuquel te Jehová, xchi. Tey la squejan sba ta sch'uhuntayel te Jehová.