Génesis 24:12 - Bible in Tzeltal Bachajón

¹² Hich la yal: Jehová, Diosat yu'un te cajwal Abraham, ya calbat wocol te yacuc acoltayon yo'tic, soc yacuc ac'uxultaybon te cajwal Abraham.

Bible in Tzeltal de Oxchuc y Tenejapa

¹² La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Génesis 24:12 ပူးပေါင်းရင်းမြစ်များ

Génesis 15:1

Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Génesis 24:21

Te winic xcham yo'tan yu'un te ach'ixe, ma ba c'opoj, yu'un la sc'an ya yil teme Jehová yac'oj te ay scuentahil te namal behel yu'une.

Génesis 24:27

hich la yal: Bayel yutsil sc'oblal te Jehová te Dios yu'un te cajwal Abraham, te ma ba la yihquitay te sc'uxul yo'tan soc te smelelil sc'op ta stojol te cajwal, te la stojobteson tal ta sbehlal te sna yermanotac te cajwal, xchi.

Génesis 24:42

Ha yu'un nax hulon ta pozo, hich la jcal: Jehová, Diosat yu'un te cajwal Abraham, teme yac awac' te lec ya xc'oht te behel cu'une,

Génesis 24:48

Soc la jquejan jba ta yalbeyel wocol te Jehová; la jcalbe yutsilal sc'oblal te Jehová te Dios yu'un te cajwal Abraham te bin ut'il la stojobteson ta be ta sc'ambeyel te yantsil-nich'an snich'ajun te cajwal yu'un ya yihnamin te snich'ane.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 27:10

Ya me apahchambe swe' te atat scuenta yu'un ya ya'bat bendición te c'alal ma to xcham a, xchi.

Génesis 27:20

Pero te Isaac la sjoc'obe te snich'an: ¿Bin ut'il ay a te la ata ta ora te ti'bale, jnich'an? xchi. Te Jehová te Dios awu'un, la scoltayon ta slehel, xchi te Jacob.

Génesis 28:13

Te Jehová teq'uel ta yahc'olal, hich la yal: Ho'on Jehovahon, Dioson yu'un atat Abraham, soc Dioson yu'un Isaac. Te lumq'uinal te banti metselat ya ca'bat aq'uinalin soc ats'umbal.

Génesis 31:42

Te manchuc sjoquinejon te Dios yu'un te jtat, te Dios yu'un Abraham soc te yich'oj ta muc' te Isaac, jochol jc'ab a la aticonon suhtel te hichuque. Pero Dios la yilbon te jwocol soc te ya'tel jc'ab, ha yu'un te la yutat ahc'abe, la yut.

Génesis 32:10

¡peq'uel ayon ya ca'iy yu'un spisil te c'uxultayel awu'un soc te stalel jun awo'tan ta stojol te a'bat awu'une! Ha nax quich'oj jnahbate' te c'alal c'axon bahel ta muc'ul-ha' Jordán, yo'tic cha'tsohb loq'uemonix a.

Génesis 32:9

Patil hich la yal te Jacob: Diosat yu'un te jtat Abraham, soc Diosat yu'un te jtat Isaac, Jehová, ha'at te la awalbon: Suhtan bahel ta alumal soc ta stojol awermanotac, lec ya xc'ohat cu'un, te xchihate,

Génesis 43:14

Te Dios te spisil ya xhu' yu'un ac'a sc'uxultayex te winic soc te yacuc scoltaybotic tal te yan awermanohic soc te Benjamín. Teme ya xpojboton te jnich'nab, hichuc abi, xchi.

1 Reyes 18:36

C'alal la sta yorahil te ya yich' aq'uel te scohtol chic'bil mahtanil, te jalwanej Elías nohpoj bahel, hich la yal: ¡Jehová, Dios yu'un Abraham, Isaac soc Israel, ac'a ta na'el yo'tic te ha'at Diosat ta Israel soc te ho'on awa'baton, soc te ta scuenta amandar te hich yacon ta spasel!

2 Reyes 2:14

La stsac te smehyil-pac' Elías te hil yu'un, la smaj a te ha'e, hich la yal: ¿Banti ay te Jehová, te Dios yu'un Elías? xchi. C'alal la smaj te ha', la sjam sba ta jujujehch, sohl bahel te Eliseo.

Nehemías 1:11

Ya calbat wocol, Jehová, te yacuc awa'iybe sc'op te a'bat awu'un soc te sc'op te a'batetic awu'un, te mach'atic ya sc'an ya yich'ic ta muc' te abihile. Ac'a te lecuc ya xc'oht te a'bat awu'un, te lecuc ya xc'oht ta stojol te winic ini, xchihon. Ta hich ora ho'on jc'asesej-copahon yu'un te ajwalil.

Nehemías 2:4

¿Bin yac ac'an? xchi te ajwalil. La jc'opon te Dios ta ch'ulchan,

Salmos 118:25

Jehová, awocoluc, coltayawotcotic; awocoluc, Jehová, ac'a te lec ya xc'ohotcotique.

Salmos 122:6

C'opombeya Dios te ayuc lamal q'uinal ta Jerusalén; ¡te yacuc xp'ohl bintic ay yu'un te mach'atic c'uxat ta yo'tan!

Salmos 127:1

Teme ma ha'uc te Jehová ya spas te nahe, tojol ya x'a'tejic te mach'atic ya spasique. Teme ma ha'uc te Jehová ya scanantay te pueblohe, tojol ya xcanantayot yu'un te jcananetique.

Salmos 37:5

Ac'a ta stojol Jehová te be awu'un, ha ac'a smuc'ulin awo'tan, hich ya spas te bin ya sc'an pasele.

Éxodo 3:15

Soc Dios hich la yalbe xan te Moisés: Hich me xawalbe te snich'nab Israel: Te Jehová te Dios yu'un ame'atatic, te Dios yu'un Abraham, Isaac, soc Jacob la sticonon tal ta atojolic, xchihan me. Ha me jbihil scuenta sbahtel q'uinal; hich ya xna'boton jba sbahtel q'uinal.

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Proverbios 3:6

Ta spisil te bintic yac apas, na'a me te Jehová, ha ya stojobtesbat te behetic awu'un.

San Mateo 22:32

Ho'on Dioson yu'un Abraham, Dioson yu'un Isaac, soc Dioson yu'un Jacob, te xchihe? Ma ha'uc Dios yu'un te mach'atic chamenic, ha Dios yu'un te mach'atic cuxulic, xchi te Jesús.

Filipenses 4:6

Ma me ayuc bin ya sna'ulan awo'tanic yu'un, pero ta scuenta sc'oponel Dios soc yalel wocol, a'beya sna' Dios spisil te bintic yac ac'ambeyic, soc halbeyahic wocol Dios yu'un.