Génesis 23:9 - Bible in Tzeltal Bachajón

⁹ te yacuc schombon te ch'en yu'un Macpela te ay ta sti'il te sq'uinale; te yacuc schombon ta mero stojol scuenta muquenal cu'un ta awohlilic, xchi.

Bible in Tzeltal de Oxchuc y Tenejapa

⁹ te yacuc xchonbon te nailch'en Macpela te ay ta sti'il te sq'uinale. Ya me cac'bey te mero stojole, jich me cu'un ya xc'ot te muquenal manchuc me ay ta awolilic —xi'.

Génesis 23:9 ပူးပေါင်းရင်းမြစ်များ

Génesis 23:10

Te Efrón te heteo-winic tey ay a ta yohlil te snich'nab Het, ha la sjac'be sc'op te Abraham ta stojol te snich'nab Het soc spisil te mach'atic yacalic ta ochel bahel ta yochibal te pueblo, hich la yal:

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 23:8

Hahch sc'opon, hich la yal: Teme yu'un yac awa'bon jmuc te mach'a chamen cu'un, a'iybon awa'iy hiche te jc'ope, c'opojanic cu'un ta stojol Efrón te snich'an Zohar,

Génesis 25:10

ha te sq'uinal te snich'nab Het te la sman te Abraham. Tey mucot a te Abraham soc te Sara te yihname.

Génesis 49:29

Ta patil hich la spasticlan ta mandar: Ya xchamonix. Ya me amuconic ta banti mucul te jme'jtatic ta ch'en te ay ta sq'uinal Efrón te heteo-winic,

Génesis 50:13

la yich'beyic bahel sbaq'uetal ta sq'uinal Canaán, la smuquic hilel ta muquenal ch'en ta sq'uinal Macpela te ay ta stojol banti ya xloc' tal c'ahc'al yu'un Mamre, ha te ch'en soc te q'uinal te Abraham la smambe te Efrón te heteo-winic scuenta muquenal.

1 Crónicas 21:22

Te David hich la yalbe te Ornán: A'bon te yawil swuyojibal trigo awu'un scuenta yu'un ya jpasbe scajtajib smahtan te Jehová. Chombon hich te bin ut'il stojol, scuenta yu'un ya xquehchaj te tulan chamel ta stojol te pueblo, xchi.

1 Crónicas 21:24

Pero te ajwalil David la yalbe te Ornán: Ma'uc, ts'acal me ya jtoj, como ma ba ya ca'be Jehová te bin ay awu'un, soc ma ba ya ca'be scohtol chic'bil mahtanil te mayuc bin la jtoj a, xchi.

Romanos 12:17

Ma me xasutbeyic ta bin chopol te mach'a chopol bin ya spasbeyex; pasahic te bin lec ta stojol spisil ants-winiquetic.

Romanos 13:8

Ma me ayuc mach'a ay abetic yu'un, ha nax me abetic te c'ux yac awa'iy abahique, como te mach'a c'ux ya ya'iy ta yo'tan te spat-xuhc, hich hu'em yu'un spasel te bin ya yal te Ley,