Génesis 22:3 - Bible in Tzeltal Bachajón

³ Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Bible in Tzeltal de Oxchuc y Tenejapa

³ Jich yu'un te Abraham buen sab a jajch' ta yan c'aal, la xchajban sburro. La yic' bael te snich'ane, ja' te Isaac, soc la sjoin bael cheb abatetic yu'un. La xch'uybey bael si'il te milbil smajt'an te Diose. Jajch'ic ta beel, bajt' ta banti albot yu'un te Diose.

Génesis 22:3 ပူးပေါင်းရင်းမြစ်များ

Génesis 17:23

Ha yu'un te Abraham la yic' tal te Ismael te snich'an, soc spisil te a'batetic te ayinemic ta sna soc spisil te mach'atic smanoj ta staq'uin, spisil te winiquetic te ay ta sna, la ya'be yich'ic circuncisión, hich te bin ut'il halbot yu'un Dios.

Génesis 21:14

Hich buen sab hahch te Abraham, la yich' tal pan soc jun nuhcul yawil ha', la ya'be sq'uech bahel te Agar, soc la ya'be te yal, la sticon bahel soc. Hich loc' bahel, melmonel ta behel ta jochol taquin q'uinal Beerseba.

Génesis 22:18

Ta scuenta ats'umbal ya x'a'bot bendición spisil nacionetic ta swohlol bahlumilal, yu'un te la ach'uhumbon te jc'ope, xchi.

Génesis 22:2

Hich halbot yu'un: Ic'a bahel te Isaac te hip jtuhl anich'an te bayel c'ux ta awo'tan, bahan soc ta q'uinal Moriah, tey ta banti wits ya calbat, ya me xc'oht awac' ta scohtol chic'bil mahtanil, xchi.

Génesis 22:4

Yoxebal c'ahc'al a la shach sit te Abraham, la yil ta namal te lugar.

Salmos 119:60

Ya jsuj jba, ora nax ya jpas te mandariletic awu'une.

Eclesiastés 9:10

Spisil te bintic yac apas, pasa soc spisil awip, como ta stsobojibal mach'atic chamenic, te banti ya xbahat, mayuc a'tel, mayuc bin ay ta chahpanel, mayuc bin ay ta na'el soc mayuc p'ijil-o'tanil tey a.

San Mateo 10:37

Te mach'a c'ax hich c'ux ta yo'tan a te sme'stat te bin ut'il te ho'one, ma xtuhun cu'un. Te mach'a c'ax hich c'ux ta yo'tan a te yal-snich'anic te bin ut'il te ho'one, ma xtuhun cu'un.

San Lucas 14:26

Te mach'a ya xtal ta jtojol, teme ma ba ya sloq'ues ta yo'tan te sme'stat, yihnam, yal-snich'nab, sbanquiltac, swixitac, yihts'inab soc nix te scuxlejale, ma xhu' ya x'och ta jnopojel cu'un.

Gálatas 1:16

te ya ya'bon jna'be sba te Snich'an scuenta yu'un ho'on ya calbe sc'oblal ta yohlil te jyanlumetic, ma ba la joc'obe te mach'a ch'ich'-baq'uet,

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Josué 3:1

Te Josué sab hahch, loc' bahel ta Sitim soc spisil snich'nab Israel, c'ohtic c'alal ta muc'ul-ha' Jordán, tey c'oht spas scampamentohic te c'alal ma to ba sohlic bahel a.

Josué 8:10

Hahch ta buen sab te Josué, la stsob tal te winiquetic yu'un, ha nahilij bahel yu'unic soc te mamaletic yu'un Israel, mohic bahel ta stojol Hai.