Génesis 22:2 - Bible in Tzeltal Bachajón

² Hich halbot yu'un: Ic'a bahel te Isaac te hip jtuhl anich'an te bayel c'ux ta awo'tan, bahan soc ta q'uinal Moriah, tey ta banti wits ya calbat, ya me xc'oht awac' ta scohtol chic'bil mahtanil, xchi.

Bible in Tzeltal de Oxchuc y Tenejapa

² Albot yu'un te Diose: —Ic'a bael te jip jtul anich'an Isaac te bayal c'ux ta awo'tane, baan soc ta sq'uinal Moriah. Tey ta bay wits te ya calbate, ya me xc'o amilbon jmajt'anin te anich'an, scojt'ol me ya yich' chiq'uel ta jtojol —xi' sc'oplal yu'un te Diose.

Génesis 22:2 ပူးပေါင်းရင်းမြစ်များ

Génesis 17:19

La sjac' te Diose: Ya me x'ayin squerem-al te awihnam Sara, ya me awa'be sbihilin Isaac. Ha nix hich ya ca'be te chapbil-c'op cu'un scuenta chapbil-c'op yu'un te sts'umbal ta patil bahel te ma xlaj sc'oblal.

Génesis 21:12

Pero halbot yu'un Dios te Abraham: Ma xamel awo'tan yu'un te querem soc te criada awu'une. Ch'uhuna spisil te bin ya yalbat te Sara, como ta scuenta Isaac ya xchicnaj ats'umbal.

Génesis 21:3

Te Abraham la ya'be sbihilin Isaac te snich'an te ayin ta scuenta Sara.

Génesis 22:12

Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Génesis 22:16

hich la yal: Calojix ta jamal ta jtojol, xchi te Jehová, te bin ut'il hich la apas, te ma ba la acom aba te yac awa'bon te hip jtuhl anich'an,

Génesis 22:3

Hich te Abraham buen sab hahch, la schahpan sburro, soc la yic' bahel cheb ya'bat soc te Isaac te snich'ane. La sch'uybe si'il te scohtol milbil mahtanil, hahch ta behel, baht ta banti halbot yu'un te Diose.

Génesis 22:9

C'alal c'ohtic ta lugar te banti halbot yu'un Dios, te Abraham la spasbe scajtajib ta chiq'uel mahtanil, la schahpambe te si'il, la sc'ol ta chuquel te Isaac, soc la sjawan ta ba si' ta scajtajib ta chiq'uel mahtanil.

Génesis 8:20

Te Noé la spasbe scajtajib ta chiq'uel mahtanil te Jehová, la stsa te chambahlametic soc mutetic te lec sc'oblalic, la yac' scohtol chic'bil mahtanil ta scajtajib.

2 Reyes 3:27

Ha yu'un la stsac te sba-nich'an te sc'oblal ya xhil ta sjelol ta ajwalil, la yac' ta chic'bil mahtanil ta sba ts'ahc. Hahch bayel ilimba ta stojol Israel, hich te israeletic la yihquitayic hilel, suhtic bahel ta sq'uinalic.

2 Crónicas 3:1

Te Salomón hahch ta spasel te sna Jehová ta Jerusalén, ta wits Moriah, ta banti la yac' sba ta ilel Jehová ta stojol David te stat; tey ta lugar te schahpanejix te David ta swuyojibal trigo yu'un te Ornán te jebuseo-winique.

Miqueas 6:7

¿Lec bal ya ya'iy te Jehová teme ay bayel ta mil (1,000) ta coht tat tuminchijetic o lajunmil (10,000) uc'umetic yu'un aceite? ¿Ya bal ca'be te jba jnich'an scuenta stojol te jtoybahil, ya bal ca'be te sit jbaq'uetal scuenta stojol smul te jch'uhlele?

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Romanos 5:8

Pero te Dios la yac' ta ilel te sc'uxul yo'tan ta jtojoltic te bin ut'il cham Cristo cu'untic te c'alal ayotic to ta mulil a.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

Hebreos 11:17

Ta scuenta sch'uhunel yo'tan te Abraham, c'alal tsajot yu'un Dios, la yac' ta milbil mahtanil te Isaac, ha te mach'a ya xbaht yich' te bintic yaloj Dios, la yac' ta milbil mahtanil te hip jtuhl snich'an,

Jueces 11:31

mach'ayuc a te ya xloc' tal stahon ta sti'il jna te c'alal ya suhton tal ta tsalel te amonetic, yu'un Jehová ya xc'oht, ha ya ca'be scuenta scohtol chic'bil mahtanil, xchi.

Jueces 11:39

C'alal ts'acay te cheb u, suht tal ta stojol te state. Ha la spas te bin jc'axel yaloj ta jamal te ya spase. Mayuc bin ora tahot ta winic te ach'ixe.