Génesis 22:12 - Bible in Tzeltal Bachajón

¹² Hich halbot yu'un: Ma me xyahl ac'ab ta stojol te querem, ma me ayuc bin xapasbe, yu'un la jna'ix te axi'oj te Diose, yu'un ma ba la acom aba te yac awa'bon te hip jtuhl anich'an, xchi.

Bible in Tzeltal de Oxchuc y Tenejapa

¹² Albot yu'un: —Ma me xyal ac'ab, ma me xamil te quereme. La jna'ix stojol te bit'il awich'oj ta muc' ta melel te Diose, yu'un ma ja'uc la ana'bey yo'bolil sba te jip jtul anich'ane, jun awo'tan ya ac'an amilbon jmajt'anin —xi'.

Génesis 22:12 ပူးပေါင်းရင်းမြစ်များ

Génesis 20:11

La sjac' te Abraham: La jcal ta co'tan: Melel li' ta lugar ini mayuc ta xi'el te Diose, ya me smilonic ta scaj quihnam.

Génesis 22:13

Hich te Abraham la shach sit, la yil ta spat ay tat tuminchij ipajem xulub ta ch'ixiletic. Baht stsac talel te tat tuminchij, ha la smil scuenta scohtol chic'bil mahtanil te ha sjelol c'oht te snich'ane.

Génesis 22:16

hich la yal: Calojix ta jamal ta jtojol, xchi te Jehová, te bin ut'il hich la apas, te ma ba la acom aba te yac awa'bon te hip jtuhl anich'an,

Génesis 22:2

Hich halbot yu'un: Ic'a bahel te Isaac te hip jtuhl anich'an te bayel c'ux ta awo'tan, bahan soc ta q'uinal Moriah, tey ta banti wits ya calbat, ya me xc'oht awac' ta scohtol chic'bil mahtanil, xchi.

Génesis 26:5

te bin ut'il la ya'iybon jc'op te Abraham soc la sch'uhumbon jmandar, la sch'uhun spasel spisil bin la jcalbe, xchi.

Génesis 42:18

Ta yoxebal c'ahc'al te José hich la yalbe: Pasahic ini, hich ya xcuxajex a, yu'un te ho'one jxi'oj te Diose:

Nehemías 5:15

Pero te yantic gobernadoretic te nahil ay cu'un la ya'beyic swocol te pueblo, la sc'ambeyic cha'winic (40) ta sehp plata yu'un pan soc vino, soc te a'batetic yu'unic la ya'beyic swocol te pueblo. Pero te ho'one, ma hichuc la jpas, ta scaj la jxi' te Diose.

Job 1:1

Ta sq'uinal Uz ay jtuhl winic Job sbihil, lec soc toj yo'tan ta winiquil, yich'oj ta muc' te Dios soc mayuc bin chopol ya spas.

Job 28:28

Hich la yalbe te ants-winiquetic: Ha p'ijil-o'tanil te yich'el ta muc' te Cajwaltique, soc ha lequil nohptesel te yihquitayel te bin chopole, xchi.

Job 5:19

Ya scoltayat loq'uel ta waqueb awocol, ta shuquebal ma ba ya stahat te bin chopole.

Salmos 1:6

Como te Jehová ya scanantaybe sbe te mach'atic toj yo'tanic, yan te sbe te mach'atic chopol yo'tanic ya yac' te ch'ayel ya xbahtic.

Salmos 111:10

Te shahchibal te p'ijil-o'tanil ha te yich'el ta muc' te Jehová; spisil te mach'atic ya spasic te mandariletic yu'un ya sna'ic q'uinal ta lec. ¡Ay ta halbeyel yutsil sc'oblal sbahtel q'uinal!

Salmos 147:11

te Jehová ya smulan te mach'atic ya x'ich'ot ta muc' yu'unic, te mach'atic smuc'ulinej yo'tanic te sc'uxul yo'tane.

Salmos 2:11

Socuc xiwel ac'a abahic ta a'batinel yu'un Jehová, tse'eluquex me ta stojol soc nihcuc me awo'tanic.

Salmos 25:12

¿Mach'a a te winic te ya yich' ta muc' te Jehová? Ha ya x'a'bot sna' yu'un te be te ya sc'an ya stsahe.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Éxodo 20:20

Te Moisés hich la yalbe te pueblo: Ma xiwex. Ha tal ya'iybeyex awo'tanic te Diose, scuenta yu'un ma sch'ay te xiwel yu'un ta atojolic soc te ma ba yac ale amulic a, xchi.

Proverbios 1:7

Te shahchibal te p'ijil-o'tanil ha te xi'el te Jehová; te mach'atic ma sna'ic q'uinal ya yihlayic te p'ijil-o'tanil soc te nohptesele.

Eclesiastés 12:13

Te slajibal spisil te bin ay ta a'iyel, ha ini: Ich'a ta muc' te Diose soc ch'uhumbeya te mandariletic yu'une, como hich ay spisil te ay ta scuenta spasel te ants-winiquetique.

Jeremías 19:5

La spasbeyic toyol awilaletic yu'un Baal yu'un ya schiq'uic te snich'nabic scuenta chic'bil mahtaniletic yu'un Baal; te mayuc calbeyej mandar o te la jta ta halel, soc mayuc hich tal ta co'tan.

Jeremías 32:40

Ya jpas chapbil-c'op soc te sbahtel q'uinal ya xhalaj: Ha te ma ba ya xquehchajon ta spasbeyel te bintic lec, soc ya cac' te ya yich'onic ta muc' scuenta yu'un mayuc bin ora ya yihquitayonic.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Mateo 16:24

Ha yu'un te Jesús hich la yalbe te jnopojeletic yu'une: Teme ay mach'a ya sc'an ya st'unon, ac'a sloq'ues sba ta yo'tan, ac'a sq'uech bahel scruz soc ac'a st'unon.

San Mateo 19:29

Mach'ayuc a te yihquitayej hilel sna, sbanquiltac, swixitac, yihts'inab, stat, snan, yihnam, yal-snich'nab o sq'uinal ta scuenta te jbihile, ho'winic (100) xan buelta ya x'a'bot, soc ya me yich' scuxlejalic sbahtel q'uinal.

San Mateo 5:16

Hich me yac asacubtes q'uinal ta stojol te ants-winiquetic, scuenta yu'un ya yilic te lec awa'telic soc hich ya yalbeyic yutsil sc'oblal a te Atatic ay ta ch'ulchan.

San Juan 3:16

Como hich c'ux ta yo'tan Dios te bahlumilal te la sticon tal te hip jtuhl Snich'an, scuenta yu'un spisil te mach'atic ya sch'uhunic ma ba ya xch'ayic, ay scuxlejalic sbahtel q'uinal yu'un.

Hechos 9:31

Hich lamal q'uinal la ya'iyic te iglesiahetic ta spahmal sq'uinal Judea, Galilea soc Samaria; behbe yich'bel yipic soc spisil ora la yich'ic ta muc' Cajwaltic, soc behbe p'ohlel soc yich'bel yip yo'tanic ta scuenta te Ch'ul Espíritu.

Romanos 5:8

Pero te Dios la yac' ta ilel te sc'uxul yo'tan ta jtojoltic te bin ut'il cham Cristo cu'untic te c'alal ayotic to ta mulil a.

Romanos 8:32

Te mach'a la sloq'ues ta yo'tan te mero Snich'an, te la yac' ta c'abal ta jcuentatic jpisiltic, ¿bin ut'il ma ba pajal ya ya'botic spisil soc a?

1 Corintios 10:13

Mayuc c'ohem ta acuentahic sujel ta mulil te ma hichuc ya xc'oht ta scuenta spisil ants-winiquetic; pero stalel jun yo'tan ta jtojoltic te Diose, ma ba ya yac' te yac awich'ic tsajel te ma xcuhch awu'unic, ha pajal ya yac' soc te tsajel te bin ut'il ya xhu' ya xloq'uex ta stojol te tsajel, scuenta yu'un ya xcuhch awu'unic a.

2 Corintios 8:12

Como teme nahil ay sc'anojel awo'tanic te yac awaq'uic te mahtanil, ay ta cuenta te bin ay awu'unic, ma ha'uc te bin mayuc awu'unique.

Hebreos 11:19

Como te Abraham sch'uhunej te ay yu'el te Dios te ya xhu' ya scha'cuxajtes ta yohlil mach'atic chamenic; soc hich ya'iyel te tey nix la scha'ic' a te snich'ane.

Hebreos 12:28

Te cuentahinel yu'un Dios te yac quich'beltic ma xhu' ta niquel, ha yu'un ac'a me caltic wocol yu'un, soc ac'a cac' jbahtic ta a'batinel ta stojol Dios soc xiwel soc yich'el ta muc', hich te bin ut'il lec yo'tan yu'une.

Santiago 2:18

Pero ay mach'a ya yal: Te ha'ate ay sch'uhunel awo'tan, te ho'one, ay ca'tel, xchi. A'bon quil te sch'uhunel awo'tan te mayuc ya'telul, te ho'one, ya ca'bat awil ta scuenta ca'tel te sch'uhunel co'tane.

Apocalipsis 19:5

Loc' tal c'op ta muc'ul-huctajibal te hich la yal: Halbeyahic yutsil sc'oblal te Dios cu'untic, apisilic te ayex ta a'batinel yu'un soc te axi'ojic, muc' biq'uit, xchi.

1 Samuel 15:22

Ha yu'un hich la sjac' te Samuel: ¿Ha bal c'ax lec xan yo'tan Jehová yu'un scohtol chic'bil mahtaniletic soc milbil mahtaniletic, te bin ut'il sch'uhumbeyel te sc'op Jehová? Ha lec xan a te xch'uhumbeyel smandar te bin ut'il a'beyel milbil mahtaniletic; soc ha lec xan a te a'iybeyel sc'op te bin ut'il sjuhp'el tuminchijetic.