Génesis 20:7 - Bible in Tzeltal Bachajón

⁷ Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Bible in Tzeltal de Oxchuc y Tenejapa

⁷ Jich yu'un ticuna sujt'el ta stojol smamlal te antse, te melel j'alwanej cu'un te Abrahame. Ya me xc'opoj awu'un ta jtojol, jich me ya xcuxinat. Yan teme ma x'aticun sujt'ele, jc'axel ya xlajat soc spisil mach'a ay awu'un —xi' sc'oplal yu'un te Diose.

Génesis 20:7 ပူးပေါင်းရင်းမြစ်များ

Génesis 12:15

Ha nix hich te príncipaletic yu'un faraón la yilic soc la yalbeyic yutsil sc'oblal ta stojol te faraón. Hich ic'ot bahel ta sna faraón te antse.

Génesis 12:17

Pero te Jehová la ya'be tulan wocol ta chamel te faraón soc sjunal sna ta scaj te Sarai, te yihnam Abram.

Génesis 2:17

yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

Génesis 20:18

como te Jehová jc'axel la smacbe yalajib te antsetic ayic ta sna Abimelec ta scaj te Sara te yihnam Abraham.

Génesis 20:3

Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

Génesis 20:8

Ha yu'un sab hahch te Abimelec, la sticon ta iq'uel te a'batetic yu'un, la yalbe ya'iyic spisil te bin halbot. Te winiquetic bayel xiw yo'tanic yu'un.

Génesis 23:6

Tatic, a'iya awa'iy te bin ya calbatcotic. Ha'at ich'bilat ta muc' cu'uncotic; muca te mach'a chamen awu'un ta banti mero lequil muquenal cu'uncotic. Mayuc mach'a ya yal te ma ba ya ca'batcotic amuquenal, ma ba ya jcomatcotic te yac amuc te mach'a chamen awu'un, xchihic.

2 Samuel 24:17

C'alal la yil David te ch'ul a'bat te yac ta slajinel te pueblo, hich la yalbe te Jehová: Ho'on la jta jmul, ho'on la jpas te bin chopole. ¿Bin la spasic te ants-winiquetic ini? Ya calbat wocol te ha'uc ya xc'oht ac'ab ta jtojol soc ta stojol te sna te jtate, xchi.

1 Reyes 13:6

Ha yu'un te ajwalil la yalbe te winic yu'un Dios: Awocoluc, c'opombon te Jehová te Dios awu'un, scuenta yu'un ya xlecub a te jc'abe, xchi. Hich te winic yu'un Dios la sc'opon te Jehová, hich lecub te sc'ab te ajwalil, hich c'oht te bin ut'il ay ta nahil to.

2 Reyes 5:11

Te Naamán ilin bahel, hich la yal: La jcal te yacuc xloc' tal stahon, ya stehc'an sba, ya sc'opon ta scuenta sbihil te Jehová te Dios yu'un, soc ya shach sc'ab, ya sc'ases ta banti ay te chamel, hich ya xlecubon ta c'a'el-chamel.

1 Crónicas 16:22

Ma me xapiquic te mach'atic tsahbilic cu'un, ma me ayuc bin chopol yac apasbeyic te jalwanejetic cu'un, xchi.

2 Crónicas 30:18

Como bayelic te talemic ta Efraín, Manasés, Isacar soc Zabulón, ma ba la spasic hich te bin ut'il ts'ihbabil hilel, la swe'ic te pascua aunque ma ba la sch'ultes sbahic. Pero te Ezequías la sc'opombe Dios ta stojolic, hich la yal: Te Jehová, te lec yo'tan, ac'a spasbe perdón te mach'atic schahpanej yo'tanic ta slehel te Dios,

Job 34:19

te pajal ay ta yo'tan te príncipaletic, te pajal c'ohem ta yo'tan te jc'ulej soc te pobre, como spisilic ha ya'tel sc'ab stuquel?

Job 42:8

Ha yu'un yo'tic ya me atsaquic huqueb jcolel torohetic soc huqueb tat tuminchijetic, bahanic ta stojol te ca'bat Job, ac'ahic scohtol chic'bil mahtanil ta acuentahic. Te ca'bat Job ya sc'opombeyex Dios, soc ya quich'be ta cuenta te sc'op scuenta yu'un ma ba ya ca'beyex awocolic yu'un te ma ba stojil la awalbonic jc'oblal, hich te bin ut'il la yal te ca'bat Job, xchi.

Salmos 25:14

Te Jehová jun yo'tan soc te mach'atic ya yich'ic ta muc', ya ya'be sna' te chapbil-c'op yu'une.

Éxodo 18:17

Ha yu'un te snihal-mamal Moisés hich la yal: Ma lecuc te bin yac apas.

Éxodo 4:16

Te Aarón ya sc'opon te pueblo ta acuenta; ha awe ya xc'oht, soc ha sjelolat Dios ya xc'ohat yu'un.

Éxodo 7:1

Te Jehová la yalbe te Moisés: Ilawil, hich c'ohemat cu'un te bin ut'il dios ta stojol faraón, soc te abanquil Aarón hich ya xc'oht te bin ut'il jalwanej awu'un.

Jeremías 14:11

Hich la yalbon te Jehová: Ma me xac'oponon yu'un te lecuc ya xc'oht te pueblo ini.

Jeremías 15:1

Ha yu'un hich la yalbon te Jehová: Aunque ya stehc'an sbahic ta jtojol te Moisés soc Samuel, ma ba tey ay co'tan ta stojol a te pueblo ini. ¡Tenticlana loq'uel ta jtojol, ac'a bahtuquic!

Jeremías 27:18

Teme ha jalwanejetic soc teme yich'ojic te sc'op Jehová, ac'a sc'oponic te Jehová te scuentahinej spisil scuenta yu'un te bintic hilemic te ya xtuhunic ta sna Jehová soc te ayic ta sna te ajwalil yu'un Judá soc ta Jerusalén te manchuc ya x'ich'otic bahel ta Babilonia, xchi.

Ezequiel 3:18

Teme ya calbe te mach'a chopol yo'tan: Ya me xlajat, teme xchihone, teme ma ba yac awalbe te ya yihquitay hilel te schopol a'tel, yu'un hich ya xhu' ya xcuxaj a, te mach'a chopol yo'tan ya me xlaj ta scaj te smule, pero ya ca'bat ta acuenta te sch'ich'ele.

Ezequiel 33:8

C'alal hich ya calbe te mach'a chopol: ¡Ha'at te chopolat, ya me xlajat! ya cut, teme ma ba yac awalbe te yacuc xhil te be yu'une, te mach'a chopol ya me xlaj yu'un te smule, pero ya ca'bat amulimbe te sch'ich'ele.

Levítico 6:4

te bin ut'il stahoj smul soc stahoj falta, ya me suht te bin la yelc'an o te la suj ta yaq'uel, te bin a'bibil ta scuenta o te bin ch'ayem te la sta,

Levítico 6:7

Te sacerdote hich ya spasbe te stojel mulil yu'un ta stojol Jehová, hich ya sta perdón yu'un te biluc mulil te la sta falta yu'une, xchi te Jehová.

Hechos 8:24

La sjac' te Simón: C'opombonic Cajwaltic te manchuc ya xc'oht ta jcuenta te bin la awalique, xchi.

1 Corintios 14:4

Te mach'a ya xc'opoj ta yan c'op, stuquel nax ya sta yip yo'tan; yan te mach'a ya yal te sc'op-jalwanej, ya ya'be yip yo'tan te iglesia.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Hebreos 13:4

Apisilic ich'biluc me ta muc' awu'unic te nuhpunel, ma socuc mulil te yac awic' abahique. Ya me x'ich'otic ta c'op yu'un Dios te mach'atic ya ya'iyic chijil-o'tanil soc te ya ya'iyic antsiwej soc antsinel.

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

1 Samuel 12:19

Ha yu'un spisil te pueblo hich la yalbeyic te Samuel: C'opona te Jehová te Dios awu'un ta jcuentacotic ho'otcotic te a'batotcotic awu'un, te manchuc ya xchamotcotic, como ta spisil te jmulcotic, la jtahcotic xan yan mulil te la jc'ancotic ajwalil cu'uncotic, xchihic.

1 Samuel 12:23

Hich te ho'one, ma me jta jmul ta stojol Jehová yu'un te ya jquehchan yalel wocol ta stojol ta acuentahique; ya ca'beyex anopic bin ut'il ay te lequil be soc te toj behe.

1 Samuel 7:5

Patil hich la yal te Samuel: Tsobahic spisil Israel ta Mizpa, ya jc'opombeyex te Jehová, xchi.

1 Samuel 7:8

Ha yu'un hich la yalbeyic te Samuel: Ma me xquehchajat ta c'op ta stojol Jehová te Dios cu'untic, te yacuc scanantayotic te ma ba ya x'ochotic ta sc'ab te filisteohetique, xchihic.