Génesis 20:6 - Bible in Tzeltal Bachajón

⁶ Hich halbot ta swayich yu'un te Diose: Ya jna' te jun awo'tan la apas ini. Ha yu'un la jcomat ta slehel mulil ta jtojol, ha scuentahil te ma ba la jca'bat apic.

Bible in Tzeltal de Oxchuc y Tenejapa

⁶ Albot xan ta swaich yu'un te Diose: —Jna'oj stojol te ma'yuc bila amen anopoj ta awo'tan te bit'il jich c'an apase. Jich ma la cac'bat ale amul ta jtojol, ma ba la cac'bat apic.

Génesis 20:6 ပူးပေါင်းရင်းမြစ်များ

Génesis 20:18

como te Jehová jc'axel la smacbe yalajib te antsetic ayic ta sna Abimelec ta scaj te Sara te yihnam Abraham.

Génesis 26:11

Ha yu'un te Abimelec hich la yalbe mandar spisil te pueblo: Teme ay mach'a ya yuts'in te winic ini o ha te yihnam, ya me xlaj, xchi.

Génesis 3:3

ha nax te sit te te' ay ta yohlil te ts'umbil q'uinal la yalbotcotic te Diose: Ma me xalo'beyic sit stuquel, ma me xapicbeyic sit, scuenta yu'un ma ba ya xchamex, xchi.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Génesis 31:7

pero la slo'loyon, lajuneb buelta la syanijtesbon te jtojole. Pero Dios ma ba la yac' te ya yuts'inon.

Génesis 35:5

C'alal hahchic ta behel, tal tulan xiwel yu'un Dios ta stojol te pueblohetic ta sjoyobalic, hich ma ba la snutsic te snich'nab Jacob.

Génesis 39:9

Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

Salmos 51:4

Ha'at nax ta atojol te jtahoj jmul, ha'at nax atuquel, la jpas ta atojol te bin chopol, scuenta yu'un ya xna'ot te stojil bin yac awal, soc te stojil ya xchahpanwanat.

Salmos 81:12

Ha yu'un la jquihquitay yu'un ya spasic te bin la sc'an yo'tanic, yu'un ya st'unic te snopojibal yu'unique.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Éxodo 34:24

Ya jten loq'uel ta atojol te nacionetic soc ya jmuc'ubtesbat te aq'uinale. Mayuc mach'a ya sbic'tal-o'tantaybat aq'uinal te c'alal ya xtal atehc'an aba oxeb buelta ta jujun ha'bil ta stojol Jehová te Dios awu'une.

Proverbios 21:1

Te yo'tan te ajwalil hich ay te bin ut'il be-ha' ta sc'ab Jehová, ha ya stojobtes bahel chican bin ya sc'an yo'tan stuquel.

Proverbios 6:29

Hich ay te mach'a ya yantsibe yihnam te spat-xuhc; te mach'a ya ya'iy antsiwej ya me yich' castigo.

Levítico 6:2

Teme ay mach'a ya sta smul, te ha ya sta falta ta stojol Jehová te bin ut'il ma ba ya ya'beyix te bin ay yu'un te spat-xuhc te a'bibil scuentahin o a'bibil hilel ta sc'ab, o te ya yelc'ambe o ya sbohlobtesbe sc'oblal te spat-xuhc,

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.

1 Corintios 7:1

Te bin ut'il ay sc'oblal te bintic la ajoc'obonic ta hun: Lec teme ma ba ya sta sba soc ants te winique.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

2 Tesalonicenses 2:11

Ha scuentahil te Dios la sticombe tal lo'loyel te ay yip, yu'un hich ya sch'uhunic a te lotiyel,

2 Tesalonicenses 2:7

Como hahchemix ta a'tel te bin muquen ay yu'un te bin chopole; ha nax ay mach'a yac ta scomel ta ora ini ha to c'alal ya yich' loq'uesel bahel.

1 Samuel 25:26

Yo'tic, cajwal, ¡yiloj Jehová, soc cuxulat! te Jehová la scomat ta smalel ch'ich' soc ma ba la ya'bat te yac apac ac'abal. Hich me ac'a c'ohtuc te bin ut'il Nabal te acontratac soc spisil mach'atic ya sle bin chopol ta stojol te cajwal.

1 Samuel 25:34

Como ¡yiloj Jehová, te Dios yu'un Israel! te la scomon te mayuc bin chopol la jpasbat, te manchuc la asuj tal aba atahbelon, pajel mayuc cuxulix jtuhluc winic yu'un Nabal te hichuque, xchi.