Génesis 20:3 - Bible in Tzeltal Bachajón

³ Pero ta ahc'abal c'oponot yu'un Dios ta swayich te Abimelec, hich halbot: Ya me xlajat ta scaj te ants awic'oje, yu'un nuhpunem, ay smamalal, xchi sc'oblal.

Bible in Tzeltal de Oxchuc y Tenejapa

³ Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Génesis 20:3 ပူးပေါင်းရင်းမြစ်များ

Génesis 12:17

Pero te Jehová la ya'be tulan wocol ta chamel te faraón soc sjunal sna ta scaj te Sarai, te yihnam Abram.

Génesis 12:18

Ha yu'un te faraón la yic' tal te Abram, hich la yalbe: ¿Bin a te la apasbon? ¿Bin yu'un ma ba jamal la awalbon teme ha awihname?

Génesis 20:7

Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Génesis 28:12

Ta swayich la yil ay mohibal te' ipajem hahchel ta lum, c'ohem sni'il c'alal ta ch'ulchan. Yacalic ta mohel ta cohel ch'ul a'batetic yu'un Dios tey a.

Génesis 31:24

Ta ahc'abal c'oponot yu'un Dios ta swayich te Labán te arameo-winic, hich halbot yu'un: Tsahtaya me aba, ma me ayuc bin chopol yac awalbe te Jacob, xchi sc'oblal.

Génesis 37:5

La ya'iy wayich te José, la smelbe ya'iyic te sbanquiltac; c'ax hich la sp'ajic yu'un a.

Génesis 37:9

La ya'iy yan wayich te José, la smelbe ya'iyic te sbanquiltac, hich la yal: Ay yan jwayich. La jquil te la snijan sbahic ta jtojol te c'ahc'al, u, soc bulucheb eq'uetic, xchi.

Génesis 40:5

Ta schebalic, te jc'asesej-copa soc te jpas-pan yu'un te ajwalil yu'un Egipto, te ayic ta cárcel, la ya'iyic wayich ta junax ahc'abal; yantic sc'oblal a te bin la swayichtayic ta tuhlultuhl.

Génesis 40:8

Hich la yalic: Yu'un la jca'iycotic wayich, pero mayuc mach'a ya sna'be scuentahil, xchihic. Te José la yalbe: ¿Ma bal ha'uc yu'un Dios te ya yac' ta na'beyel scuentahil? Halbonic ca'iy te awayichic, xchi.

Génesis 46:2

Ta swayich c'oponot yu'un Dios ta ahc'abal te Israel, hich halbot: Jacob, Jacob, xchi. Li' ayoni, xchi te Jacob.

1 Crónicas 16:21

ma ba la yac' te ay mach'a ya x'uts'inotic yu'un; ta scuenta sc'uxulic ta o'tanil yu'un Dios la ya'be castigo te ajwaliletic.

Job 33:15

Ta wayichil, ta nahal sitil, te c'alal ya x'och swayel te winic, c'alal wayalix ta swayib a,

Job 33:17

scuenta yu'un ya ya'be yihquitay te bin yac ta spasel, soc yu'un ya yihquitay te stoybahil,

Salmos 105:14

Dios ma ba ac'otic ta uts'inel yu'un, soc ha ta scajic te la yalbe tulan mandar te ajwaliletic:

Jonás 3:4

Te Jonás hahch bahel ta yutil te muc'ul pueblo, jun c'ahc'al behen ochel, hich yac ta yalel: Ta cha'winic c'ahc'al ya me xlaj te Nínive, xchi.

Números 22:9

Te Dios tal ta stojol Balaam, la sjoc'obe: ¿Mach'atic a te winiquetic sjoquinejat? xchi.

San Mateo 1:20

Te c'alal hich yac sna'bel a, chicnaj ch'ul a'bat yu'un Cajwaltic ta swayich, hich halbot yu'un: José, sts'umbalat David, ma me xaxi' te yac awic' awihnamin te María, como te bin ut'il ayix yal, ha ta scuenta te Ch'ul Espíritu.

San Mateo 27:19

Te c'alal hucul ta chahpajibal te Pilato, ticombot ta halbeyel yu'un te yihnam: Ma me ayuc bin xapasbe te mach'a toj yo'tan, como te naxe c'ax bayel jwocol la jca'iy ta jwayich ta scuenta te winique, xchi.