Génesis 20:1 - Bible in Tzeltal Bachajón

¹ Te Abraham loc' bahel tey a, baht ta sq'uinal Neguev; c'oht spas snahil-pac' ta Gerar te ay ta ohlil yu'un Cades soc Shur. Nahin ta Gerar hich te bin ut'il jyanlum.

Bible in Tzeltal de Oxchuc y Tenejapa

¹ Te Abraham loc' bael tey a, been bael ta sq'uinal Néguev. C'o nainuc ta lum Gerar te ay ta olil q'uinal yu'un Cades soc yu'un Shur.

Génesis 20:1 ပူးပေါင်းရင်းမြစ်များ

Génesis 10:19

Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa.

Génesis 12:9

Loc' bahel tey a te Abram, c'unc'un behen bahel ta stojol te Neguev.

Génesis 13:1

Hich loc' tal ta Egipto te Abram, toj bahel c'alal ta Neguev soc yihnam soc spisil bintic ay yu'un, soc te Lot.

Génesis 14:7

Tey suhtic a, c'ohtic ta En-mispat, ha te Cades, la sjimbeyic spisil te sq'uinal te amalequetic soc te amorreohetic te nahinemic ta Hazezon-tamar.

Génesis 16:1

Te Sarai, te yihnam Abram, ma ba alaj; pero ay jtuhl scriada egipcia-ants, Agar sbihil.

Génesis 16:14

Ha yu'un la ya'be sbihil te pozo: Pozo yu'un te Mach'a Cuxul te ya yilon, xchi. Ay ta ohlil yu'un Cades soc Bered.

Génesis 16:7

Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur.

Génesis 18:1

Te Jehová la yac' sba ta ilel ta stojol Abraham ta jihte' yu'un Mamre te c'alal hucul ta sti'il snahilpac' ta yorahil sc'uxul c'ahc'al.

Génesis 21:34

Bayel c'ahc'al nahin ta sq'uinal filisteohetic te Abraham.

Génesis 24:62

Te Isaac loq'uemix talel ta pozo ‘Te mach'a cuxul te ya yilon’, te xchi sbihile, como nahinem ta Neguev.

Génesis 25:18

Te sts'umbalic nahinic ta Havila c'alal ta Shur te ay ta stojol Egipto ta sbehlal Asiria. Tey nahinic a soc la scontrahinic te yermanotac.

Génesis 26:1

Tal wi'nal ta q'uinal, yanix wi'nal a te c'ax c'alal cuxul to a te Abraham. Ha yu'un te Isaac baht ta Gerar ta banti ay te Abimelec te ajwalil yu'un te filisteohetique.

Génesis 26:20

te jcanan-tuminchijetic ta Gerar la yut sbahic soc te jcanan-tuminchijetic yu'un Isaac, hich la yalic: Cu'uncotic te ha'e, xchihic. Ha scuentahil te Esek sbihil c'oht te pozo, como yutoj sbahic yu'un.

Génesis 26:26

Te Abimelec loc' tal ta Gerar, baht ta banti ay te Isaac; tal soc jtuhl smohlol te Ahuzat sbihil, soc te Ficol, capitán yu'un te soldadohetic yu'une.

Génesis 26:6

Ha yu'un te Isaac nahin ta Gerar.

Salmos 29:8

Te sc'op Jehová ya yac' nihcuc te jochol taquin q'uinal; te Jehová ya yac' nihcuc te jochol taquin q'uinal yu'un Cades.

Éxodo 15:22

Te Moisés la yic' loq'uel bahel ta Mar Rojo te Israel, bahtic ta jochol taquin q'uinal Shur. Behenic bahel oxeb c'ahc'al, ma ba la stahic ha'.

Números 13:26

C'ohtic ta stojol te Moisés, Aarón soc spisil te pueblo yu'un te snich'nab Israel ta Cades ta jochol taquin q'uinal Parán. La yalbeyic te Moisés, Aarón soc spisil te pueblo bin la yilic, soc la ya'be yilic te sit ts'unub-awalil yu'un te q'uinale.

Números 20:16

Ha yu'un awonotcotic ta stojol Jehová, la ya'iy jc'opcotic, la sticon tal jtuhl ch'ul a'bat, la sloq'uesotcotic tal ta Egipto. Yo'tic li' ayotcotic ta Cades, te pueblo ay ta sti'il te aq'uinale.

Deuteronomio 1:19

Loc'otic tal ta Horeb, la jbehentaytic spisil te xiweltic sba muc'ul jochol taquin q'uinal te awilojic, ta sbehlal te witsiltic yu'un amorreohetic, hich te bin ut'il la spasotic ta mandar te Jehová te Dios cu'untic, hich c'ohotic ta Cades-barnea.

Deuteronomio 32:51

Ha ta scaj te achebalic ma junuc awo'tanic la awac' abahic ta jtojol ta stojol te snich'nab Israel, ta ha'etic ta Meriba-cades ta jochol taquin q'uinal Zin, ma ba la awich'onic ta muc' ta yohlil te snich'nab Israel.

1 Samuel 15:7

Te Saúl la ya'be guerra te amalequetic c'alal Havila ha to ta Shur te ay ta stojol banti ya xloc' tal c'ahc'al yu'un Egipto.