Génesis 2:9 - Bible in Tzeltal Bachajón

⁹ Te Jehová Dios la yac' coluc ta lumq'uinal spisil ta chahp te'etic te t'ujbil ta ilel soc te lec ta lo'beyel sit. Soc ta yohlil te ts'umbil q'uinal ay te te' scuenta cuxlejal soc te te' scuenta sna'el te bintic lec soc te bintic ma lecuque.

Bible in Tzeltal de Oxchuc y Tenejapa

⁹ Te Cajwaltic Dios la yac' ch'iuc ta lumq'uinal spisil ta jchajp te'etic te t'ujbilic sba soc lec ta lo'el site. Soc la yac' xan jpejt' te' ta yolil awalts'unubil te ya yac' cuxinel, soc ay yan jpejt' te' ya yac' ta na'el te bila lec soc te bila ma lecuque.

Génesis 2:9 ပူးပေါင်းရင်းမြစ်များ

Génesis 2:17

yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

Génesis 3:22

Soc hich la yal te Jehová Dios: Pajal c'ohemix soc ho'otic te winique, te bin ut'il ya sna' bin lec soc te bin ma lecuc. Ha yu'un ma sc'an te ya shach sc'ab yu'un ya stsac slo'be sit te te' scuenta cuxajel, te hich ya xcuxaj sbahtel q'uinal a, xchi.

Génesis 3:24

Hich la sten loq'uel ta ts'umbil q'uinal te winic, la yac' querubinetic ta stojol banti ya xloc' tal c'ahc'al yu'un te ts'umbil q'uinal Edén, soc la yac' espada te yac ta tihlel te ya sjimulan sba yu'un ya smacbe sbehlal te te' scuenta cuxlejal.

Génesis 3:3

ha nax te sit te te' ay ta yohlil te ts'umbil q'uinal la yalbotcotic te Diose: Ma me xalo'beyic sit stuquel, ma me xapicbeyic sit, scuenta yu'un ma ba ya xchamex, xchi.

Génesis 3:5

Sna'oj Dios te bin ora yac alo'beyic te sit ya me xjahm asitic, pajal soc Dios ya xc'ohex, ha te yac ana'ic te bin lec soc te bin ma lecuque, xchi.

Proverbios 11:30

Te sit ya yac' mach'a toj yo'tan ha te' yu'un cuxlejal, ha p'ij te mach'a ya x'ic'awan ta lequil be.

Proverbios 3:18

Ha te' yu'un cuxlejal ya xc'oht yu'un te mach'a ya yich'; bayel yutsil te mach'atic ya sq'uejic.

Isaías 44:25

te ya cac' te ma xc'oht ta pasel te señahiletic yu'un te lotil jalwanejetic; te ya cac' te sonso ya xc'oht te jna'ojeletic; ya cac' ya sut ta spatic te mach'atic ay sp'ijilic soc ya jsutp'in ta sonsohil te sp'ijil yo'tanique.

Isaías 47:10

Como ha la smuc'ulin awo'tan te achopolil, hich la awal: Mayuc mach'a ya yilon, xchihat. La slo'loyat te ap'ijil soc te bintic ana'oj, soc la awal ta awo'tan: Ho'on nax, mayuc yan, xchihat.

Ezequiel 31:16

La jcac' nihcuc te nacionetic yu'un te xnilet te yahl cohel, te c'alal pajal la jcac' cohel ta stsobojibal mach'atic chamenic soc te mach'atic ya xcohic bahel ta muquenal. Spisil te tsahbil te'etic yu'un Edén, te t'ujbil te'etic yu'un Líbano, spisilic te ya yuch'ic ha', muc'ub q'uinal la ya'iyic ta sc'ubulil te q'uinale.

Ezequiel 31:18

Te te'etic ta Edén ¿bin pajal soc amuc'ul soc awutsil? Pajal me ya xcohat bahel soc te te'etic yu'un Edén ta sc'ubulil te q'uinale; ya me xhilat ta yohlil te mach'atic ma ba yich'ojic circuncisión, te mach'atic lajic ta espada. Ha te faraón ini soc spisil te pueblo yu'une, xchi te Jehová, te Ajwalil.

Ezequiel 47:12

Ta jujujehch sti'il te muc'ul-ha' ya xcol spisil ta chahp te'etic te ya yac'ticlan sit. Ma ba ya xluhbaj ya'binal soc spisil ora ay sit. Ta jujun u ya yac'ticlan sit, como te ya'lel yac ta loq'uel tal ta ch'ul awilal. Te sit ya xtuhun yu'un we'elil soc te ya'binal ya xtuhun yu'un pox.

San Juan 6:48

Ho'on te panon scuenta cuxlejal.

1 Corintios 8:1

Te bin ut'il ay sc'oblal te milbil mahtaniletic ac'bilic ta stojol loc'ombahetic, jna'ojtic te jpisiltic bayel na'bil cu'untic. Te bin na'bil ya yac' toybahil, yan te c'uxul-o'tanil ya xmuc'ubteswan.

Deuteronomio 6:25

Ha stojil ta pasel cu'untic teme buen tsahtaybil cu'untic ya jpastic spisil te mandariletic ini ta stojol Jehová te Dios cu'untic, hich te bin ut'il la spasotic ta mandar, xchihan me.

Apocalipsis 2:7

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ya ca'be slo'be sit te te' scuenta cuxlejal te ay ta yutsil ts'unubil q'uinal yu'un Dios, xchi.

Apocalipsis 22:14

Bayel me yutsilic te mach'atic ya sac' sc'u' spaq'uic, scuenta yu'un hich ya xhu' ya slo'beyic sit a te te' scuenta cuxlejal soc hich ya xhu' ya x'och bahel ta ti'ts'ahc yu'un te muc'ul pueblo.

Apocalipsis 22:2

yac ta behel ta yohlil te calle ta muc'ul pueblo. Ta jujujehch sti'il te muc'ul-ha' ay te te' scuenta cuxlejal, te lahchayeb buelta ya sitin ta jun ha'bil, jujun buelta ta jujun u. Te ya'binal te te' ya xtuhun yu'un slecubtesel te nacionetique.