Génesis 2:8 - Bible in Tzeltal Bachajón

⁸ Te Jehová Dios la yac' ts'umbil q'uinal ta Edén te ay ta stojol banti ya xloc' tal c'ahc'al. Tey la yac' a te winic te la spase.

Bible in Tzeltal de Oxchuc y Tenejapa

⁸ Te Cajwaltic Dios la yac' awalts'unubil ta stojol sloq'uib c'aal, Edén sbiil te q'uinale. Tey la yac' a te winic pastaj yu'une.

Génesis 2:8 ပူးပေါင်းရင်းမြစ်များ

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 3:23

Ha yu'un te Jehová la sloq'ues ta ts'umbil q'uinal Edén yu'un ya schahpan te lumq'uinal te ha nix yich'oj pasel a.

Génesis 3:24

Hich la sten loq'uel ta ts'umbil q'uinal te winic, la yac' querubinetic ta stojol banti ya xloc' tal c'ahc'al yu'un te ts'umbil q'uinal Edén, soc la yac' espada te yac ta tihlel te ya sjimulan sba yu'un ya smacbe sbehlal te te' scuenta cuxlejal.

Génesis 4:16

Hich loc' ta stojol Dios te Caín, baht ta nahinel ta sq'uinal Nod te ay ta stojol banti ya xloc' tal c'ahc'al yu'un Edén.

2 Reyes 19:12

¿Yu'un bal te diosetic yu'unic la scoltayic te nacionetic te lajinotic yu'un te tatiletic cu'un, hich te bin ut'il te Gozán, Harán, Resef soc te snich'nab Bet-edén te nahinemic ta Telasar?

Isaías 51:3

Te Jehová ya me smuc'ubtesbe q'uinal ya'iy te Sión, ya smuc'ubtesbe q'uinal ya'iy spisil te bintic jihnem yu'un. Ya me yac' te hich ya xc'oht te bin ut'il Edén te jochol taquin q'uinal yu'un, te hich ya xc'oht te bin ut'il t'ujbil ts'umbil q'uinal yu'un Jehová te jochol q'uinal yu'un. Tey ay yutsil q'uinal a soc tse'el-o'tanil, yalel wocol soc c'ayoj.

Ezequiel 27:23

La ya'iyic mambajel chombajel ta atojol te Harán, Cane, Edén soc te jmambajel jchombajeletic ta Sabá, ta Asiria soc Quilmad.

Ezequiel 28:13

Ayat ta Edén, ta ts'umbil-te'etic yu'un Dios; ch'albilat ta spisil ta chahp t'ujbil tonetic: chicmulmul, c'anmulmul, sts'aylajan-ton, yax-el'el, yaxcancan, ónice, yaxts'ajts'aj, granate, yaxal-ton; te ch'ahlelaletic soc te staq'uinal chiquiniletic awu'un pasticlambilic ta oro; la yich'ic chahpanel ta acuenta te bin c'ahc'alil pasotat.

Ezequiel 31:16

La jcac' nihcuc te nacionetic yu'un te xnilet te yahl cohel, te c'alal pajal la jcac' cohel ta stsobojibal mach'atic chamenic soc te mach'atic ya xcohic bahel ta muquenal. Spisil te tsahbil te'etic yu'un Edén, te t'ujbil te'etic yu'un Líbano, spisilic te ya yuch'ic ha', muc'ub q'uinal la ya'iyic ta sc'ubulil te q'uinale.

Ezequiel 31:18

Te te'etic ta Edén ¿bin pajal soc amuc'ul soc awutsil? Pajal me ya xcohat bahel soc te te'etic yu'un Edén ta sc'ubulil te q'uinale; ya me xhilat ta yohlil te mach'atic ma ba yich'ojic circuncisión, te mach'atic lajic ta espada. Ha te faraón ini soc spisil te pueblo yu'une, xchi te Jehová, te Ajwalil.

Joel 2:3

Spisil ya xlaj ta c'ahc' ta stojolic, soc ya xlaj ta yat c'ahc' ta spatic. Te q'uinal hich yilel te bin ut'il ts'umbil q'uinal Edén te c'alal ma to ba c'axemic a, ta spatic hich ya xc'oht te bin ut'il jochol taquin q'uinal; mayuc bin ya xcol hilel ta stojolic.