Génesis 2:17 - Bible in Tzeltal Bachajón

¹⁷ yan te te' yu'un sna'el te bintic lec soc te bintic ma lecuc ma me xalo'be sit stuquel, como te bin ora yac alo'be te site, ya me xchamat yu'un, xchi.

Bible in Tzeltal de Oxchuc y Tenejapa

¹⁷ ja' nax te te' swenta sna'el te bila lec soc te bila ma lecuque, ma me xalo'bey sit stuquel, melel teme ya alo'bey te site, ya me xlajat yu'un —xi'.

Génesis 2:17 ပူးပေါင်းရင်းမြစ်များ

Génesis 2:9

Te Jehová Dios la yac' coluc ta lumq'uinal spisil ta chahp te'etic te t'ujbil ta ilel soc te lec ta lo'beyel sit. Soc ta yohlil te ts'umbil q'uinal ay te te' scuenta cuxlejal soc te te' scuenta sna'el te bintic lec soc te bintic ma lecuque.

Génesis 20:7

Ha yu'un ticona bahel te ants ta stojol te smamalal, como ha jalwanej, ya xc'opoj awu'un ta jtojol scuenta yu'un cuxul ya xhilat. Yan teme ma ba yac aticon bahel, na'a me te ya xlajat soc spisil mach'atic ay awu'un, xchi.

Génesis 3:11

La yal te Diose: ¿Mach'a la yalbat te mayuc ac'u' apac'? ¿Yu'un bal la alo'be sit te te' la jcalbat te ma me xalo'be te site? xchi.

Génesis 3:17

Soc la yalbe te winique: Te bin ut'il la ach'uhumbe sc'op te awihnam, te la alo'be sit te te' te la jcalbat: Ma me xalo'be sit, te xchihone, bohlobix sc'oblal te lumq'uinal ta acuenta, wocol yac ata awe'el ta lumq'uinal te jayeb c'ahc'al cuxulat.

Génesis 3:19

Ta scuenta achic' yac ata awe'el, ha to c'alal ya xc'atp'ujat ta lum, como tey chicnajemat talel a; ta ts'ubil lum pasbilat, ta ts'ubil lum ya suhtat, xchi te Diose.

1 Reyes 2:37

como te bin c'ahc'alil ya xloc'at bahel, te ya sohlat bahel ta jehch uc'um Cedrón, ya me xlajat. Ha'at nix yac amulin te ach'ich'el, xchi.

1 Reyes 2:42

Ha yu'un te ajwalil la sticon ta iq'uel tal te Simei, hich la yalbe: ¿Ma bal lajuc cac'at ta yalel ta jamal ta stojol Jehová soc te hich la jca'bat ana': Te bin c'ahc'alil ya xloc'at bahel, bayuc ya xbahat, ya me ana' te ya xlajat yu'un, ma bal xhihon? Soc ha'at la awalbon: Lec te bin yac awal, ya jch'uhun, te xchihate.

Jeremías 26:8

C'alal laj yo'tan te Jeremías ta yalel spisil bintic halbot ta mandar yu'un Jehová, te sacerdotehetic, te jalwanejetic soc spisil te pueblo la stsaquic, hich la yalic: ¡Ya me xlajat!

Ezequiel 18:13

ya sc'ambe sjol te staq'uin ya yac' ta majanel; ¿ya bal xcuxaj te winic ini? ¡Ma ba ya xcuxaj! La spasticlan spisil te bintic ilobtic sba ini, ya me xcham; ha nix ta scuenta ya xc'oht te sch'ich'ele.

Ezequiel 18:32

Como ma jc'an te ay mach'a ya xlaj. Suhtesa awo'tanic, hich ya xcuxajex, xchi te Jehová, te Ajwalil.

Ezequiel 18:4

Ho'on cu'un spisil ch'uhlelal: te scuxlejal te me'iltatil soc te scuxlejal te al-nich'anil. Te mach'a ya sta smul, ha me ya xlaj.

Ezequiel 33:14

Te c'alal ya calbe te mach'a chopol yo'tan te ya me xlaj, pero teme ya suhtes yo'tan yu'un te smul soc ya spas te bin lec soc te bin stojil ta pasele,

Ezequiel 33:8

C'alal hich ya calbe te mach'a chopol: ¡Ha'at te chopolat, ya me xlajat! ya cut, teme ma ba yac awalbe te yacuc xhil te be yu'une, te mach'a chopol ya me xlaj yu'un te smule, pero ya ca'bat amulimbe te sch'ich'ele.

Números 26:65

como te Jehová hich la yalbe sc'oblal: Ya me xchamic hilel ta jochol taquin q'uinal, xchi. Mayuc jtuhluc hil yu'unic, ha nax te Caleb snich'an Jefone, soc te Josué snich'an Nun.

Romanos 1:32

Aunque sna'ojic te yaloj ta jamal te Dios te ya x'ac'otic ta lajel yu'un te mach'atic hich ya spasic, ma ha'uc nax ya spasic, ha lec yo'tanic yu'un te mach'atic hich ya spasique.

Romanos 6:16

¿Ma bal ana'ojic teme yac awac' abahic ta mosohil yu'un yan scuenta yu'un yac ach'uhumbeyic smandar, te ha smosohex te mach'a yac ach'uhumbe smandar, teme ha te mulil te ya yac' lajel o teme sch'uhunel mandar te ya yac' te toj ya x'ilot yu'un Dios?

Romanos 6:23

Como te stojol te mulil, ha te lajele, yan te mahtanil yu'un Dios, ha te cuxlejal sbahtel q'uinal ta scuenta te Cajwaltic Cristo Jesús.

Romanos 8:2

como te ley yu'un te Espíritu te ya yac' cuxlejal ta scuenta Cristo Jesús la yac'onix ta libre yu'un te ley yu'un te mulil soc te lajele.

1 Corintios 15:22

Hich te bin ut'il ta scuenta Adán te ya xcham spisilic, ha nix hich ta scuenta Cristo spisilic ya xcha'cuxajic.

1 Corintios 15:56

Como te sc'uxul te lajel ha te mulile, soc te yip te mulil ha te Ley.

Gálatas 3:10

Spisil te mach'atic te ayic ta scuenta spasel bin ya yal te Ley, ayic ta scuenta chopol c'oblalil, como hich ts'ihbabil: Chopol sc'oblalic spisil mach'atic ma ba ya spasic spisil bintic ts'ihbabil ta libro yu'un te Ley, xchi.

Efesios 5:14

Ha scuentahil te hich ay ta halel: Wic'a asit, ha'at te wayalate, hahchan tal ta yohlil te mach'atic chamenic, ya me sacubtes q'uinal ta atojol te Cristo, te xchihe.

Deuteronomio 27:26

Chopol sc'oblal te mach'a ma ba ya sch'uhun spasel te mandariletic ini, xchihic. Hichuc, xchihic me spisil te pueblo.

Deuteronomio 30:15

Ilawil, yo'tic la jca'bat atsa cuxlejal soc te bin lec, te lajel soc te bin chopol,

Deuteronomio 30:19

Yo'tic ya cac' ta testigo ta atojolic te ch'ulchan soc te bahlumilal te la jca'beyex atsahic te cuxlejal soc te lajel, te bendición soc te chopol c'oblalil. Tsaha hiche te cuxlejal, scuenta yu'un ya xcuxajat soc te patil al-nich'aniletic awu'un,

Colosenses 2:13

Te ha'exe, te c'alal chamenex yu'un amulic soc te c'alal ma ba yich'oj circuncisión te apoco'-talelic yu'un mulil, Dios la yac' te pajal la awich' acuxlejalic soc Cristo, ha la spasbeyex perdón yu'un spisil amulic.

1 Timoteo 5:6

Yan te ants te ya yac' sba ta spasel te bin mulantic sba, cuxul pero chamenix c'ohem.

Santiago 1:15

C'alal hahchemix te bin chopol ya sc'an yo'tan, ya yayintes mulil; c'alal yich'ojix yip a te mulile, ya yayintes lajel.

1 Juan 5:16

Teme ay mach'a ya yil te yermano te yac ta slehel smul te ma ha'uc scuenta lajel, ac'a sc'opombe Dios yu'un, hich ya x'a'bot scuxlejal yu'un te Diose; ha sc'oblal te mach'atic ya sta smulic te ma ha'uc scuenta lajel. Ay mulil scuenta lajel; ma ba ya cal te ya yich' c'oponel Dios yu'un stuquel.

Apocalipsis 2:11

Te mach'a ay schiquin, ac'a me ya'iy te bin ya xhalbot yu'un te Espíritu te iglesiahetique. Te mach'a ya ya'iy tsalaw, ma ba ya ya'iybe sc'uxul te schebal buelta lajel, xchi.

Apocalipsis 20:14

Te lajel soc te stsobojibal mach'atic chamenic ch'ojotic ochel ta banti yac ta tihlel pamal c'ahc'. Ha schebal buelta lajel abi.

Apocalipsis 20:6

Bayel yutsilic soc ch'uhltesbilic te mach'atic ya xcha'cuxajic ta primera buelta cha'cuxajel; ma ba ya xcuentahinotic yu'un te schebal buelta lajel, sacerdotehetic yu'un Dios soc yu'un Cristo ya xc'ohtic soc ya sjoquinic ta cuentahinwanej lajunwinic yoxbahc' (1,000) ha'bil.

Apocalipsis 21:8

Yan te mach'atic ay xiwel ta yo'tanic, te ma sch'uhunic, te chopolic, jmilawetic, j'antsiwejetic, j'antsineletic, j'ilojeletic, mach'atic sch'uhunejic loc'ombahetic soc spisil jlotetic ha yu'unic ya xc'oht te banti yac ta tihlel pamal c'ahc' soc azufre. Ha te schebal buelta lajel abi, xchi te Diose.

Jueces 3:2

ha nax la yihquitay hilel yu'un ya snopic yaq'uel guerra te cajalcaj snich'nab Israel, te ya ya'be snopic mach'atic ma to sna'ic:

1 Samuel 14:39

¡Yiloj Jehová te ya scoltay Israel, aunque ha'uc te jnich'an Jonatán, ya me xlaj! xchi. Mayuc mach'a la sjac' ta spisil te pueblo.

1 Samuel 14:44

La sjac' te Saúl: Hich me ac'a spasbon te Dios, soc c'ax to xan hich a, teme ma ba ya xlajat, Jonatán, xchi.

1 Samuel 20:31

Como te jayeb c'ahc'al cuxul ta bahlumilal te snich'an Isaí, mayuc awip yac ata soc ma ba ya x'ochat ta ajwalil. ¡Ticombon ta iq'uel tal, yu'un ya sc'an ya yich' milel! xchi.

1 Samuel 22:16

Pero la yal te ajwalil: Ya me xlajat, Ahimelec, soc spisil mach'atic ay yu'un te atate, xchi.