Génesis 2:14 - Bible in Tzeltal Bachajón

¹⁴ Hidekel sbihil te yoxebale, ha te ya x'oquin c'axel ta stojol banti ya xloc' tal c'ahc'al yu'un te sq'uinal Asiria. Éufrates sbihil te schanebale.

Bible in Tzeltal de Oxchuc y Tenejapa

¹⁴ Tigris sbiil te yoxebale, ja' te ya x'oquin c'axel ta stojol sloq'uib c'aal ta sq'uinal Asiria. Éufrates sbiil te xchanebale.

Génesis 2:14 ပူးပေါင်းရင်းမြစ်များ

Génesis 10:11

Loc' bahel tey a baht ta Asiria, c'oht spas te Nínive, te Rehobot-Ir, Cala,

Génesis 10:22

Te snich'nab Sem, ha te Elam, Asur, Arfaxad, Lud soc Aram.

Génesis 15:18

Ha yorahil a te la schap sc'op soc Abram te Jehová, hich la yal: Ya ca'be ats'umbal te q'uinal ini, ya xhahch ta muc'ul-ha' yu'un Egipto c'alal ta muc'ul-ha' Éufrates;

Génesis 2:13

Gihón sbihil te schebale, ha te ya sjoytay spisil te q'uinal yu'un Cus.

Génesis 2:15

Te Jehová Dios la yac' te winic ta yohlil te ts'umbil q'uinal Edén scuenta yu'un ya schahpan te lumq'uinal soc ya scanantay.

Génesis 25:18

Te sts'umbalic nahinic ta Havila c'alal ta Shur te ay ta stojol Egipto ta sbehlal Asiria. Tey nahinic a soc la scontrahinic te yermanotac.

Ezequiel 23:23

ha te babiloniahetic, spisil te caldeohetic, te mach'atic talemic ta Pecod, Soa, Coa, soc spisil te asiriahetic, ha jcolel winiquetic te mulantic sba, jcuentahinwanejetic soc capitanetic, te mach'atic tulan ya'telic soc te ich'bilic ta muc', spisilic mohemic ta cawu.

Daniel 10:4

Ta chaneb scha'winic (24) c'ahc'al ta shahchel u, ayon ta sti'il te muc'ul-ha' Tigris.

Deuteronomio 1:7

Bahanic ta witsiltic yu'un te amorreohetic soc spisil te q'uinaletic ta sjoyobal, ta Arabá, ta witsiltic, ta spamlejetic, ta Neguev, ta sti'il mar, ta sq'uinal te cananeohetic soc ta Líbano, c'alal ta muc'ul-ha' Éufrates.

Deuteronomio 11:24

Spisil te lugar banti yac ateq'uic, ha awu'unic ya xc'oht; ta jochol taquin q'uinal c'alal ta Líbano, ta muc'ul-ha' Éufrates c'alal ta mar ay ta stojol banti ya xmahl c'ahc'al, ha aq'uinalic ya xc'oht.

Apocalipsis 9:14

Hich la yalbe te swaquebal ch'ul a'bat te yich'oj te corneta: Tila te chaneb ch'ul a'batetic chuculic ta sti'il te muc'ul-ha' Éufrates, xchi sc'oblal.