Génesis 2:1 - Bible in Tzeltal Bachajón

¹ Hich hu' yu'un te ch'ulchan soc bahlumilal, soc spisil bintic nojel tey a.

Bible in Tzeltal de Oxchuc y Tenejapa

¹ Jich ju' ta chicnantesel te ch'ulchan balumilal, soc spisil te bitic nojel tey ae.

Génesis 2:1 ပူးပေါင်းရင်းမြစ်များ

Génesis 1:1

Ta shahchibal Dios la spas te ch'ulchan soc bahlumilal.

Génesis 1:10

Dios la ya'be sbihil lumq'uinal te q'uinal te taquijemixe. Te banti la stsob sba te ha'e, ‘maretic’ sbihil c'oht yu'un. Lec la yil te Diose.

Génesis 2:4

Hich ay sc'oblal te shahchibal te ch'ulchan soc bahlumilal. Te c'alal pastaj yu'un Jehová Dios te bahlumilal soc te ch'ulchan,

2 Reyes 19:15

Hich la yal ta sc'oponel Jehová te Ezequías: Jehová, Dios yu'un Israel, te huculat ta yohlil te querubinetic, ha'at nax Diosat atuquel ta stojol spisil te ajwaliletic ta bahlumilal, ha'at la apas te ch'ulchan soc te bahlumilal.

2 Crónicas 2:12

Soc hich la yal xan: Bayel me yutsil te Jehová, te Dios yu'un Israel, te la spas te ch'ulchan soc te bahlumilal, soc te la ya'be te ajwalil David jtuhl snich'an te ay sp'ijil yo'tan, te ya sna' soc stsahtayel spisil, te ha ya spas na yu'un te Jehová soc muc'ul na yu'un ajwalil.

Nehemías 9:6

Ha'at nax atuquel Jehová; ha'at la apas te ch'ulchan soc stoyolil te ch'ulchan, soc spisil te bintic ay tey a, te bahlumilal soc spisil bintic ay tey a, te maretic soc spisil bintic ay tey a. Ha'at yac awa'be scuxlejal spisil ini, soc spisil bintic ay ta ch'ulchan ya sch'uhuntayat.

Job 12:9

¿Bintic ta spisilic a ini te ma sna'ic te ta sc'ab Jehová la spas ini?

Salmos 104:2

Te Dios potsbil ta sacal q'uinal hich te bin ut'il c'u'ul; ha ya slim te ch'ulchan hich te bin ut'il pac',

Salmos 146:6

te la spas te ch'ulchan soc te bahlumilal, te mar soc spisil bintic ay tey a; te stalel melel bin ya yal;

Salmos 33:6

Ta scuenta te sc'op te Jehová la yich' pasel te ch'ulchan, spisil te bintic ay tey a pasbilic ta yic'al ye.

Salmos 33:9

como ha c'opoj, hich pastaj; la yal mandar, hich chicnaj.

Éxodo 20:11

Como ta waqueb c'ahc'al te Jehová la spas te ch'ulchan soc bahlumilal, te mar soc spisil te bintic ay tey a, soc la scux yo'tan ta shuquebal c'ahc'al; ha yu'un te Jehová la ya'be bendición te sc'ahc'alel cux-o'tan soc la sch'ultes.

Éxodo 31:17

Sbahtel q'uinal ha me seña ta jtojol soc ta stojol te snich'nab Israel, como ta waqueb c'ahc'al te Jehová la spas ch'ulchan soc bahlumilal, soc ta shuquebal c'ahc'al la squehchan ya'tel soc la scux yo'tan, xchi.

Isaías 34:4

Spisil te bintic ayic ta ch'ulchan ya xtup' bahel soc hich ya yich' balel te ch'ulchan te bin ut'il balbil hun; spisil te bintic ay tey a ya xluhbaj cohel hich te bin ut'il ya'binal ts'usub, hich te bin ut'il ya'binal higuera.

Isaías 42:5

Te Jehová Dios, te la schicnajtes te ch'ulchan soc te la slim bahel, te la slim bahel te bahlumilal soc te bintic ya xcol tey a, te ya ya'be yich' ic' te mach'atic ya xnahinic tey a, soc ya ya'be scuxlejal te mach'atic ya xbehenic tey a, hich ya yal:

Isaías 45:12

Ho'on la jpas te lumq'uinal soc tey la jpas a te ants-winic. Ho'on ta jc'ab la jlim bahel te ch'ulchan, soc ya calbe mandar spisil bintic ay yu'un.

Isaías 45:18

Como hich ya yal te Jehová, te la spas te ch'ulchan, te ha Dios stuquel, te la spas te lumq'uinal soc la schahpan, la ya'be yich' yip. Ma tojoluc la spas, ha la spas scuenta yu'un ay mach'atic ya xnahinic tey a: Ho'on Jehovahon, mayuc yan.

Isaías 48:13

Te jc'ab la ya'be te yich'o-ip te bahlumilal, te jwa'el-c'ab la slim bahel te ch'ulchane; te c'alal ya calticlambe sbihilic, pajal ya stehc'an sbahic.

Isaías 55:9

Hich te bin ut'il toyol yiloj sba soc te bahlumilal te ch'ulchan, hich te behetic cu'un c'ax toyol yiloj sba soc te behetic awu'unic, soc te snopojibal cu'un c'ax hich a te bin ut'il te snopojibal awu'unique.

Isaías 65:17

Ilawil, ya jpas yach'il ch'ulchan soc yach'il bahlumilal. Te bin ay ta nahil mayuquix ta na'el, jc'axel ma xna'otix.

Jeremías 10:12

Dios la spas ta yu'el te lumq'uinal, ta scuenta sbihil la ya'be yich' yip te bahlumilal soc ta scuenta sp'ijil yo'tan la slim bahel te ch'ulchane.

Jeremías 10:16

Ma hichuc ay te Mach'a yu'un Jacob, como ha Jpaswanej yu'un spisil te bintic ay, soc te Israel, te ha mero yu'un stuquel; ¡Jehová te scuentahinej spisil, xchi te sbihile!

Jeremías 8:2

Limil ya xhilic ta stojol te c'ahc'al, te u soc spisil te eq'uetic, te c'ux la ya'iyic ta yo'tanic soc te la yac' sbahic ta a'batinel yu'unic, te la st'unic bahel, te ay bin la sjoc'obeyic soc te la squejan sbahic ta stojolique. Ma ba ya yich'ic tsobel o muquel, hich ya xc'ohtic te bin ut'il stsa' chambahlam ta sba te lumq'uinale.

Zacarías 12:1

Ha ini te sc'op Jehová sc'oblal Israel. Te Jehová te la slim bahel te ch'ulchan soc te la ya'be yich'o-ip te q'uinal, te ya ya'be sch'uhlel te ants-winiquetic, hich ya yal:

San Lucas 2:13

Ora nax chicnaj xan tsobol ch'ul a'batetic talemic ta ch'ulchan te yac yalbelic bayel yutsil te Diose, hich yac yalbelic:

Hechos 4:24

C'alal hich la ya'iyic, pajal hahchic ta sc'oponel Dios, hich la yalic: Ajwalilat yu'un spisil, ha'at te Diosat te la apas ch'ulchan, bahlumilal, mar soc spisil bintic ay tey a;

Hechos 7:42

Ha yu'un pihtesotic yu'un Dios, ac'ot te la sch'uhuntayic te bintic ayic ta ch'ulchan; hich te bin ut'il ts'ihbabil hilel ta shun te jalwanejetic: Israeletic, ¿la bal awa'bonic milbil mahtaniletic soc mahtaniletic te cha'winic (40) ha'bil te ayex ta jochol taquin q'uinal?

Deuteronomio 17:3

teme baht sch'uhuntay yantic diosetic soc la squejan sba ta stojolic, o ta stojol te c'ahc'al, u, o spisil bintic ay ta ch'ulchan, ha te la jcal te ma hichuc ay ta pasele;

Deuteronomio 4:19

Soc ma me xatoy mohel asit ta ch'ulchan, te c'alal yac awil te c'ahc'al, u, eq'uetic, spisil te bintic ayic ta ch'ulchan, te ya yu'untaybat awo'tan, te yac aquejan aba ta stojolic soc te yac ach'uhuntay, como ta spisil ini te Jehová te Dios awu'un la yac'ticlambe spisil te nacionetic ta ye'tal te ch'ulchane.

Hebreos 4:3

Yan te jayebotic te jch'uhunejtiquix ya xhu' ya x'ochotic ta banti ay te cux-o'tanil, hich te bin ut'il yaloj te Diose: Ha yu'un la jcal ta jamal ta scuenta quilimba: Mayuc bin ora ya x'ochic ta banti ay te cux-o'tanil cu'une, xchi, aunque hu'emix ya'tel c'alal to ta shahchibal te bahlumilale,