Génesis 19:9 - Bible in Tzeltal Bachajón

⁹ La sjaq'uic: Loc'an teye, xchihic. Soc la yalic xan: Te jyanlum winic ini tal ta nahinel ta cohliltic, ¿yu'un bal ya sc'an ya x'ochix ta juez? C'ax hich bin chopol ya jpasbatcotic a te bin ut'il te yantique, xchihic. Tulan la stenic ta c'op te Lot, soc nohpojic bahel yu'un ya stop'ic te ti'nahil.

Bible in Tzeltal de Oxchuc y Tenejapa

⁹ Albotic yu'un: —Q'ueja aba. Ma ja'uc ya xtal apasotic ta mandal te jyanlumat atuquel. Te ja'ate ya ac'an ya awac' aba ta ich'el ta muc'. C'ax jich ya awich' yo'tic te bit'il yantic to —xiic. La stenic te Lot, c'an swuyic te ti'naile.

Génesis 19:9 ပူးပေါင်းရင်းမြစ်များ

Génesis 11:6

Hich la yal te Jehová: Junax ay te ants-winiquetic, soc junax sc'opic ta spisilic. Hahchemiquix ta a'tel, mayuc bin ya xhu' ya xcomotic yu'un ta spasel te bintic snopoj ta yo'tanic.

Génesis 13:12

Te Abram hil ta nahinel ta sq'uinal Canaán stuquel, yan te Lot c'oht nahinuc ta pueblohetic ta spamlej, la spasulan bahel snahilpac' ha to c'alal c'oht ta Sodoma.

Éxodo 2:14

La sjac': ¿Mach'a la ya'bat awa'tel ta ajwalil soc ta juez ta jtojolcotic? ¿Yu'un bal yac anop te yac amilon hich te bin ut'il la amil te egipcio-winic? xchi. Ha yu'un te Moisés xiw yo'tan yu'un, hich la yal: Chicnajemix te bin la jpas, xchi.

Proverbios 14:16

Te mach'a p'ij yo'tan ya xi' te bin chopol, ya sq'uej sba ta stojol, yan te mach'a ma sna' q'uinal ya stoy sba soc ma ba ya stsahtay sba.

Proverbios 17:12

Ha lec xan yac ata aba soc me' oso te elc'ambil yalatac te bin ut'il yac ata aba soc te jsohquejol ta sohqueholal.

Proverbios 27:3

Al ta liquel te ton soc te hi', pero c'ax hich yalal ta schebal te yilimba te mach'a ma sna' q'uinale.

Eclesiastés 10:13

Te sc'op ta shahchibal mayuc scuentahil; te slajibal te bin ya yal jc'axel ma xtuhun.

Eclesiastés 9:3

Ta spisil te bin ay ta pasel ta ye'tal ch'ulchan, ha te bin chopol ini: ha te pajal quechel ya xc'oht ta stojol spisilic; soc te yo'tan te ants-winic nojel ta bin chopol soc sonsohil ta spisil scuxlejal, patil ya xbahtic ta banti ay te mach'atic chamenique.

Isaías 65:5

hich ya yalic: Hilan tey a, ma me xnohpojat tal, como c'ax hich ch'ultesbilon a te bin ut'il te ha'ate, xchihic. Te ants-winiquetic ini ha ch'ahil ta jni', ha c'ahc' te ya xtihl sjunal c'ahc'al.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Jeremías 8:12

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Ezequiel 16:49

Te schopolil te awihts'in Sodoma soc te yantsil-alatac hich ay: ha toybahil, c'ax bayel we'elil, soc sch'ajilal yu'un te ay bayel bintic ay yu'unic; ma ba la scoltayic te pobrehetic soc te mach'atic mayuc bin ay yu'unique.

San Mateo 7:6

Ma me xawa'beyic yixtalan ts'i'etic te bin ch'ultesbil, soc ma me xach'ojic bahel perlahetic ta stojol chitametic, scuenta yu'un ma ba ya sts'o'ic ta teq'uel soc te ya suhtic tal sbutsticlanex hilel.

1 Samuel 17:44

Patil hich la yalbe te David: La', ya ca'be sti'bat abaq'uetal te mutetic ya xwihlic ta toyol soc te chambahlametic ta q'uinal, xchi.

1 Samuel 2:16

Teme ya xhalbot yu'un te winic: Ha nahil ya sc'an ya yich' chic'beyel te sjuhp'el, patil ich'a bahel te jayeb yac ac'an, teme xchihe, hich ya yal: Ma'uc, a'bon ta ora; teme ma'uque ya me jtsacbat bahel ta fuersa, xchi.

1 Samuel 25:17

Ha yu'un nopa awa'iy bin ya sc'an yac apas, como chapalix te ay bin chopol ya xc'oht ta stojol te cajwalcotic soc spisil te mach'atic ay yu'une. Como mero chopol winic, mayuc mach'a ya xhu' ya sc'opon, xchi.