Génesis 19:5 - Bible in Tzeltal Bachajón

⁵ La yawtayic te Lot, hich la yalic: ¿Banti ay te winiquetic te talic ta atojol ha'i ahc'abal ini? Loq'uesa tal, yu'un ya xwayotcotic soc, xchihic.

Bible in Tzeltal de Oxchuc y Tenejapa

⁵ La yawtayic te Lot: —¿Banti ay te winiquetic ochic tel ta anae? Ticuna loq'uel tel, yu'un ya jmejts'an jbajtic soc —xiic.

Génesis 19:5 ပူးပေါင်းရင်းမြစ်များ

Génesis 19:6

Ha yu'un te Lot loc' bahel ta stojolic, la smac hilel te puerta ta spat,

1 Reyes 14:24

Ha nix hich ay sodoma-winiquetic ta q'uinal. La spasic spisil ta chahp muliletic te ilobtic sba te la spasic te nacionetic te tenotic loq'uel yu'un Jehová ta stojol Israel.

1 Reyes 22:46

La sloq'ues bahel ta q'uinal te sodomita-winiquetic te ay to hilic ta yorahil te Asa te state.

Isaías 1:9

Te manchuc la yihquitaybotic jtut chahp te Jehová te scuentahinej spisil, hich c'ohotic te bin ut'il Sodoma, hich te bin ut'il Gomorra, te hichuque.

Isaías 3:9

Ha nix ya xchicnaj ta sit yelawic te smulique; hich te bin ut'il Sodoma ya spuquic ta halel te smulique, ma ba ya smuquic. ¡Ay me swocolic! Ha nix ta scuentahic te ay swocolique.

Jeremías 3:3

Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 6:15

¿Q'uexawic bal yu'un te bin ihlaybil te spasojique? Ma'uc, jc'axel ma xq'uexawic; ma sna'ic bin a te q'uexlale. Ha yu'un ya xyahlic ta yohlil te mach'atic ya xyahlique; ya me xyahlic te c'alal ya ca'be castigo, xchi te Jehová.

Ezequiel 16:49

Te schopolil te awihts'in Sodoma soc te yantsil-alatac hich ay: ha toybahil, c'ax bayel we'elil, soc sch'ajilal yu'un te ay bayel bintic ay yu'unic; ma ba la scoltayic te pobrehetic soc te mach'atic mayuc bin ay yu'unique.

Ezequiel 16:50

Nojel ta toybahil soc la spasic te bintic ilobtic sba ta jtojol; c'alal hich la jquil, la jloq'ueslan.

Ezequiel 16:51

Pero te smul te Samaria ma sta j'ohlil te mulil awu'une; c'ax hich p'ohl awu'un te bintic ilobtic sba te bin ut'il te Samaria, soc ta scaj spisil te bintic ilobtic sba apasoj, hich yilel te ha toj yo'tanic te awihts'inabe.

Levítico 18:22

Ma me xwayat soc winic hich te bin ut'il ya xwayat soc ants; ihlaybil me.

Levítico 20:13

Teme ay mach'a ya xway soc smohlol ta winiquil hich te bin ut'il ya xway soc ants, mero ilobtic sba te bin la spasic; ya me xlajic schebalic, ha nix ta scuentahic te ya xlajique.

1 Corintios 6:9

¿Ma bal ana'ojic te ma ba ya x'a'bot yich'ic te cuentahinel yu'un Dios te mach'atic chopolique? Ma me slo'loybeyex awo'tanic: te jpas-muliletic, te mach'atic sch'uhunejic lotil diosetic, j'antsiwejetic, mach'atic smohlol sba ta winiquil o ta antsil te ya sjoquin sbahic,

Deuteronomio 23:17

Ma me ayuc j'antsinel-ants ta yohlil te yantsil-nich'nab Israel, soc ma me ayuc ta yohlil Israel winic te ya xway soc yan winic.

1 Timoteo 1:10

j'antsiwejetic soc j'antsineletic, te mach'atic smohlol nix ta winiquil te ya sjoquin sbahic soc, te mach'atic ya snaq'uic ants-winiquetic, jlotetic soc mach'atic ya spasic lot ta stojol Dios, soc biluc yan te ya scontrahin te lequil nohptesel,

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

2 Pedro 2:2

Ay tsobolic te ya me st'unic te bintic q'uexlaltic sba, soc ha nix ta scuentahic te ya xbohlob sc'oblal te be yu'un te smelelil c'ope.

2 Pedro 2:7

Pero la scoltay loq'uel te Lot, te toj ta winiquil, te bayel la smel yo'tan yu'un te bintic chopol la spasic te mach'atic chopol yo'tanic,

Judas 1:7

Hich te bin ut'il te Sodoma soc Gomorra soc te pueblohetic ta sjoyobal, ha nix hich la ya'iyic chijil-o'tanil soc la spasic te bin ya scontrahin te stalel te baq'uete. Yich'oq'uehlic c'oht te bin ut'il c'ax swocolic yu'un castigo ta c'ahc' sbahtel q'uinal.

Jueces 19:22

Pero c'alal tse'el yo'tanic a, te winiquetic yu'un te pueblo te mero chopol yo'tanic la sjoytayic te na, tulan la stijic te ti'nahil soc hich la yalbeyic te mamal, te yajwal na: Loq'uesa tal te winic te ochem ta ana, scuenta yu'un ya joquin jbahcotic ta wayel soc, xchihic.