Génesis 19:2 - Bible in Tzeltal Bachajón

² hich la yal: Jtatiquetic, awocoluc conic ta sna te a'bat awu'un, yu'un yac apoc awoquic soc ya xwayex tey a, ta sab pajel ya xhahchex xan bahel, xchi. La sjaq'uic: Ma'uc, ya xwayotcotic ta calle ha'i ahc'abal ini, xchihic.

Bible in Tzeltal de Oxchuc y Tenejapa

² jich la yal: —Jtatiquetic, ya cal wocol ta atojolic te ya me xbaex ta jna te awabatone. Tey me ya xc'o apoc awacanic a, soc tey me ya xwayex a. Sab pajel ya xjajch'ex, ya xbaex —la yut. Ja'uc me to, albot yu'un: —Manchuc, wocol la awal. Tey ya xwayotic ta calle yo'tic —xiic.

Génesis 19:2 ပူးပေါင်းရင်းမြစ်များ

Génesis 18:4

Ya jc'an tal jtebuc ha' yu'un yac apoc awoquic a, patil yac acux awo'tanic ta ye'tal te'.

Génesis 19:1

Yaquix ta ihc'ubel q'uinal a c'ohtic ta Sodoma te cheb ch'ul a'batetique. Te Lot hucul ta yochibal te Sodoma. C'alal la yilbe sitic, hahch spatbe yo'tanic, la spahcan sba ta lum,

Génesis 19:3

Pero te bin ut'il ma ba laj yo'tan ta c'op te Lot ta stojolic, bahtic soc ta sna. La spasbe we'elil, la spas pan te ma ba yich'oj levadura, hich we'ic.

Génesis 24:31

Hich c'oht yalbe: Conic, ha'at te awich'oj bendición yu'un te Jehová. ¿Bin yu'un te teq'uelat li'i? La jchahpanix te jna soc banti ya x'ayin te camellohetic awu'un, xchi.

Génesis 43:24

Te winic la yic' ochel ta sna te José, la yich'be tal ha' yu'un ya spoc yoquic a, soc a'bot swe'el te sburrohique.

2 Samuel 11:8

Patil la yalbe te Urías: Bahan ta ana, poca awoc, xchi. Te c'alal loc' bahel ta sna ajwalil te Urías, ticombot mahtanil yu'un te ajwalil.

Job 31:32

(yu'un mayuc jtuhl jbehyom te c'ax ahc'abal yu'un ta calle, yu'un jamal te ti'nahiletic cu'un yu'un te jbeheletique);

Proverbios 25:17

Ma me bayeluc buelta ya x'ochat ta sna te apat-axuhc, ya wan xc'ax yo'tan awu'un, hich ya yihlayat.

Cantares 5:3

Hich la jcal: La jloq'uesix te jc'u' jpac'; ¿ya to bal jcha'lap xan? La jpoquix coc; ¿bin ut'il ya c'an yich' xan abac? xchihon.

San Lucas 7:44

Hich la sut sit ta stojol te antse, la yalbe te Simón: ¿La bal awilix te ants ini? C'alal ochon ta ana, ma ba la awa'bon ha' jpoc coc a. Yan te ants ini la spocbon coc ta ya'lel sit soc la scusbon ta stsotsel sjol.

San Juan 13:5

Patil, la yac' ha' ta jahy, hahch spocticlambe yoc te jnopojeletic yu'un, soc la scusticlambe ta toalla te bech'el ta sch'uyomba.

Hechos 16:15

C'alal a'bot yich' ha' soc te mach'atic ay yu'une, hich la yalbotcotic wocol: Teme ana'ojic te jun co'tan jch'uhunej te Cajwaltic, ochanic ta jna, ayinanic tey a, xchi. Tulan la yal te ya me xhilotcotic ta sna.

Hebreos 13:2

Ma me xch'ay ta awo'tanic te ya x'otseswanex ta anahic, como ay mach'atic hich la spasic te ma ba la sna'ic te la yic' ochel ta snahic ch'ul a'batetic.