Génesis 18:4 - Bible in Tzeltal Bachajón

⁴ Ya jc'an tal jtebuc ha' yu'un yac apoc awoquic a, patil yac acux awo'tanic ta ye'tal te'.

Bible in Tzeltal de Oxchuc y Tenejapa

⁴ Ya me jc'an tel jtebuc ja' te ya apoc awacanic ae. Cuxa awo'tanic ta yaxinal te te'e.

Génesis 18:4 ပူးပေါင်းရင်းမြစ်များ

Génesis 18:3

hich la yal: Tatic, teme ay yutsil awo'tan ta jtojol, awocoluc, ma xc'axat bahel ta stojol te awa'bate.

Génesis 19:2

hich la yal: Jtatiquetic, awocoluc conic ta sna te a'bat awu'un, yu'un yac apoc awoquic soc ya xwayex tey a, ta sab pajel ya xhahchex xan bahel, xchi. La sjaq'uic: Ma'uc, ya xwayotcotic ta calle ha'i ahc'abal ini, xchihic.

Génesis 24:32

Hich tal ta sna te winique, te Labán la scohtesbe yihcats te camellohetic, la yac'ticlambe ac soc ha'mal, soc la ya'be ha' yu'un ya spoc yoc a te winic soc te smohloltac te sjoquinejique.

Génesis 43:24

Te winic la yic' ochel ta sna te José, la yich'be tal ha' yu'un ya spoc yoquic a, soc a'bot swe'el te sburrohique.

San Lucas 7:44

Hich la sut sit ta stojol te antse, la yalbe te Simón: ¿La bal awilix te ants ini? C'alal ochon ta ana, ma ba la awa'bon ha' jpoc coc a. Yan te ants ini la spocbon coc ta ya'lel sit soc la scusbon ta stsotsel sjol.

1 Timoteo 5:10

te lec sc'oblal yu'un te lec ya'tel: ha teme ay scoltesej yalatac, teme bayel yutsil yo'tan ya x'otseswan ta sna, teme ay la spocticlambe yoc mach'atic ch'uhltesbilic, teme ay la sc'uxultaylan mach'atic ay swocolic, teme ya'telinej spasel spisil lequil a'teliletic.

Jueces 19:21

Hich la yic'ticlan bahel ta sna soc la ya'be swe'el te burrohetic yu'une; la spocbe yoquic, hahchic ta we'el uch'el.

1 Samuel 25:41

Hahch te Abigail, la snijan sba ta lum, hich la yal: Li' ay te a'bat awu'un te ya spocbe yoc te a'batetic yu'un te cajwal, xchi.