Génesis 17:8 - Bible in Tzeltal Bachajón

⁸ Ya ca'bat aq'uinalin soc ats'umbal ta patil bahel te q'uinal ta banti ayat ta nahinel, spisil te sq'uinal Canaán, stalel awu'unic ya xc'oht, soc Ho'on Dioson yu'unic ya xc'ohon, xchi.

Bible in Tzeltal de Oxchuc y Tenejapa

⁸ Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Génesis 17:8 ပူးပေါင်းရင်းမြစ်များ

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 13:15

Yu'un spisil te q'uinal te yac awile, ya ca'bat aq'uinalin soc ats'umbal sbahtel q'uinal.

Génesis 13:17

Hahchan, ocliya te q'uinal, bin yilel te snahtil soc te sjamalil, yu'un ha ya ca'bat aq'uinalin, xchi sc'oblal.

Génesis 23:4

Ho'on jyanlumon soc jmelmonelon ta awohlilic. A'bon q'uinal yu'un muquenal, yu'un tey ya jmuc a te mach'a chamen cu'un, xchi.

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 28:4

Ac'a ya'bat te bendición yu'un Abraham soc ats'umbal, scuenta yu'un yac aq'uinalin te q'uinal banti yacat melmonel, te a'bot yu'un Dios te Abraham, xchi.

Génesis 35:27

Te Jacob baht yil te Isaac te stat te ay ta Mamre, ta Quiriat-Arba, (ha te Hebrón), te banti nahinic te Abraham soc Isaac.

Génesis 36:7

como bayel sbiluquic schebalic, ma ba hu' la sjoquin sbahic, soc te q'uinal ta banti ayic ma tic'uc ya xwe'ic a te schansbahlamique.

Génesis 37:1

Te Jacob nahin ta sq'uinal Canaán tey nix ta banti nahin te state.

Génesis 48:4

soc hich la yalbon: Ya cac' xmuc'ubat soc ya cac' xp'ohlat, ya cac' te bayel ta chahp nación ya xc'ohat, soc ya ca'be te patil ats'umbal te q'uinal ini, ha yu'unic ya xc'oht spisil ora, xchi.

2 Samuel 23:5

Ha scuentahil te yich'oj yip ta stojol Dios te jna; Dios schapoj sc'op ta jtojol scuenta sbahtel q'uinal; chapal ta lec soc canantaybil, aunque ma to la yac' nichinuc spisil te jcolel soc te bin ya sc'an co'tan.

1 Crónicas 16:18

te hich la yal: Ya ca'bat te sq'uinal Canaán, ha te bin ya x'a'botat awich', te xchihe.

Salmos 103:17

Yan te sc'uxul yo'tan Jehová sbahtel q'uinal ay ta stojol te mach'atic ya yich'ic ta muc', soc stojil bin ya spas ta stojol te cajalcaj yal-snich'nabic,

Salmos 105:11

te hich la yal: Ya ca'bat te sq'uinal Canaán ha te bin ya xc'oht ta acuenta te yac awich' hilel, te xchihe.

Salmos 105:9

ha te c'op la schap soc Abraham, ha te bin yaloj ta jamal ta stojol Isaac.

Éxodo 13:11

C'alal ya yic'at ochel te Jehová ta sq'uinal te cananeohetic, hich te bin ut'il jc'axel yalbeyejat ta jamal soc te antiguo ame'atatic, te c'alal la ya'batix ta ac'ab te sq'uinale,

Éxodo 21:6

ha yu'un te yajwal ya yic' bahel ta stojol te juecetic, soc ya ya'be stehc'an sba ta ti'nahil o ta smarcohil, ya shotbe schiquin ta shotojbil; hich stalel ya xhil ta a'bat yu'un.

Éxodo 29:45

Ya xnahinon ta yohlil te snich'nab Israel, soc ho'on Dioson yu'unic ya xc'ohon.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Éxodo 40:15

ya me amal ta aceite hich te bin ut'il la amal ta aceite te static, scuenta yu'un sacerdotehetic cu'un ya xc'oht a. Te ya yich'ic malel ta aceite hich me ya x'ochic ta sacerdotehil te ma xlaj sc'oblal ta cajalcaj sts'umbalic, xchi.

Éxodo 6:4

Soc la jchap jc'op soc, ha te ya ca'be sq'uinalin te sq'uinal Canaán, ha te q'uinal banti hich nahinic te bin ut'il jbehyometic.

Éxodo 6:7

Ya quiq'uex yu'un pueblo cu'un ya xc'ohex, soc ho'on Dioson ya xc'ohon awu'unic. Hich yac ana'ic a te ho'on Jehovahon te Dioson awu'unic te la jcoltayex loq'uel ta tulan a'tel ta Egipto.

Jeremías 25:5

Hich la yalic: Ihquitayahic hilel te chopol be awu'unic soc te chopol a'teliletic awu'unic, hich ya xhu' ya x'ayinex ta q'uinal te la ya'beyex awu'untayic sbahtel q'uinal te Jehová, ha'ex soc te ame'atatique.

Jeremías 31:1

Ta hich ora, xchi te Jehová, ho'on Dioson ya xc'ohon yu'un spisil ta chahp sts'umbal Israel, soc ha pueblo cu'un ya xc'ohtic, xchi.

Ezequiel 11:20

scuenta yu'un ya st'unic te mandariletic cu'un soc ya sch'uhunic spasel te chapbil mandariletique. Ha pueblo cu'un ya xc'ohtic, soc ho'on Dioson yu'unic ya xc'ohon.

Ezequiel 33:24

Snich'anat winic, te mach'atic nahinemic ta banti jihnem te sq'uinal Israel, hich ya yalic: Jtuhl nax te Abraham, pero la yu'untay te q'uinale; te ho'otic tsobolotic, a'bibilotic cu'untaytic te q'uinale, xchihic.

Levítico 14:34

Te c'alal ochemexix ta sq'uinal Canaán a, ha te ya ca'beyex awu'untayic, teme ay ya jticon tal stotol ta na tey ta aq'uinalique,

Levítico 16:34

Ha mandar awu'unic te ma xlaj sc'oblal scuenta spasel stojel mulil jun buelta ta jujun ha'bil, yu'un spisil smul te Israel, xchi te Jehová. Te Moisés hich la spas te bin ut'il halbot yu'un Jehová.

Levítico 26:12

Ya xbehenon ta awohlilic, ho'on Dioson awu'unic ya xc'ohon soc ha'ex pueblohex cu'un ya xc'ohex.

Zacarías 8:8

ya quic'ticlan tal yu'un ya xnahinic ta Jerusalén. Ha pueblo cu'un ya xc'ohtic, soc ho'on Dioson yu'unic ya xc'ohon ta smelelil soc ta scuenta spasel bin toj.

Números 10:29

Te Moisés hich la yalbe te Hobab snich'an Reuel, te madian-winic, ha te snihal-mamal: Te ho'otcotic ya xbohotcotic ta banti hich yaloj te Jehová: Ha ya ca'beyex, te xchihe. Con, joquinawotcotic, lec bin ya jpasbatcotic, como te Jehová yaloj ta jamal te lec bin ya xc'oht ta stojol Israel, xchi.

Números 25:13

Ha yu'un ya xc'oht soc sts'umbal te chapbil-c'op scuenta sacerdotehil te ma xlaj sc'oblal, ta scaj te xut'et yo'tan yu'un te Dios yu'un, soc te la yac' te stojel mulil yu'un te snich'nab Israel, xchi sc'oblal.

Números 27:12

Te Jehová la yalbe te Moisés: Mohan bahel ta wits Abarim ini, ya me awil bahel te q'uinal la jca'beyix te snich'nab Israel.

Hechos 7:5

Ma ba la ya'be sq'uinal tey a, ni jxeht'uc banti ya xc'oht te yoque; pero halbot yu'un Dios te ha ya x'a'bot sq'uinalin soc sts'umbal ta patil te q'uinal, aunque ma to ayuc snich'an a.

Deuteronomio 14:2

Como te ha'ate ch'ul pueblohat yu'un te Jehová te Dios awu'un, soc te Jehová la stsahat loq'uel ta yohlil spisil te pueblohetic ta q'uinal scuenta yu'un ha'at nax atuquel pueblohat yu'un ya xc'ohat.

Deuteronomio 26:18

Te Jehová la yalix ta jamal yo'tic te ha'at pueblohat yu'un, te ha mero yu'unat stuquel, hich te bin ut'il la yalbatix ta jamal, scuenta yu'un yac ach'uhumbe spisil te mandariletic yu'une;

Deuteronomio 29:13

yu'un ya yac' ta na'el yo'tic te ha'at pueblohat yu'un soc te ha Dios awu'un ya xc'oht, hich te bin ut'il la yalbat soc hich te bin ut'il jc'axel la yalbe ta jamal te atatic Abraham, Isaac soc Jacob.

Deuteronomio 32:49

Mohan bahel li' ta wits Abarim, ha te wits Nebo te ay ta sq'uinal Moab, te snuhp'usitayej sba soc Jericó, ila awil te sq'uinal Canaán te ya ca'be yu'untay te snich'nab Israel.

Deuteronomio 32:8

Te Mach'a Toyol, c'alal la ya'be sq'uinalic te nacionetic, c'alal la ya'be sjat sbahic te yal-snich'nab ants-winiquetic, la yac'ticlambe smojonil te pueblohetic, chican hich yipalic te snich'nab Israel.

Deuteronomio 34:4

Hich halbot yu'un te Jehová: Ha te q'uinal ini te jc'axel la jcalbe ta jamal te Abraham, Isaac soc Jacob: Ya ca'be ats'umbal, te xchihone. La jca'bat awil ta asit, pero ma ba ya x'ochat bahel tey a, xchi sc'oblal.

Deuteronomio 4:37

Te bin ut'il c'ux la ya'iy ta yo'tan te ame'atatic, la stsahbe te patil al-nich'anetic yu'unic, la sloq'uesat tal ta Egipto ta scuenta te sjoquinejat soc ta scuenta te smuc'ul yu'el,

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.

Hebreos 9:15

Ha scuentahil te ha Jc'asesej-c'op yu'un yach'il chapbil-c'op te Cristo, scuenta yu'un te mach'atic ic'bilic ya x'a'bot yich'ic sbahtel q'uinal te bin yaloj te Diose. Hich ya xc'oht ta pasel yu'un te laj te Cristo yu'un ya yac'ticlan ta libre yu'un te mulil spasojic c'alal cuentahimbilic to yu'un te nahil chapbil-c'op.

Josué 1:2

Chamix te ca'bat Moisés, ha yu'un hahchan, sohlan bahel ta muc'ul-ha' Jordán, ha'at soc spisil te pueblo ini, tey ta q'uinal te ya ca'be te snich'nab Israel.

Apocalipsis 21:7

Te mach'a ya ya'iy tsalaw ya me x'a'bot yu'untay spisil ini, soc Ho'on Dioson yu'un ya xc'ohon soc ha cal-jnich'an ya xc'oht.