Génesis 17:3 - Bible in Tzeltal Bachajón

³ Ha yu'un te Abram la spahcan sba la ya'be sta lum te yelaw, c'oponot yu'un Dios, hich halbot:

Bible in Tzeltal de Oxchuc y Tenejapa

³ Jich te Abram la stinan sba coel c'alal ta lum ta stojol Dios, jich c'oponot xan yu'un:

Génesis 17:3 ပူးပေါင်းရင်းမြစ်များ

Génesis 17:17

Te Abraham la spahcan sba la ya'be sta lum yelaw ta stojol te Diose, hahch ta tse'ej, hich la yal ta yo'tan: ¿Ya to bal xhu' ya x'ayin snich'an te winic te ayix ho'winic (100) ya'bilal? Soc ¿bin ut'il c'an alajuc te Sara te ayix lajuneb yo'winic (90) ya'bilal? xchi ta yo'tan.

Génesis 18:2

Te Abraham la shach sit, la yil oxtuhl winiquetic te tec'ajtic ta stojol. C'alal la yil, ahnimal loc' bahel ta sti'il snahilpac', baht sta tal, la spahcan sba ta lum,

1 Reyes 18:39

C'alal la yilic spisil te pueblo, la squejan sbahic c'alal ta lum, soc la yalic: ¡Ha Dios te Jehová, ha Dios te Jehová! xchihic.

Éxodo 3:6

Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Ezequiel 1:28

Hich te bin ut'il xojob te ay ta tocal te c'alal ay ha'al, hich yilel te sts'anabul ta sjoyobal. Hich yilel te nahalsitil yu'un te bin yilel te yutsilal te Jehová. Te c'alal la jquil, la jpahcan jba c'alal ta lum, soc la jca'iybe sc'op te mach'a c'opoje.

Ezequiel 3:23

Hich hahchon bahel, loc'on bahel ta spamlej. Tey ay a te yutsilal te Jehová, hich te bin ut'il te yutsilal la jquil ta sti'il te muc'ul-ha' Quebar; la jpahcan jba c'alal ta lum, la jca'be sta lum te jti'bahe.

Ezequiel 9:8

Te c'alal yacalic ta smilticlanel a, te jtuquel xanix hilon, la jpahcan jba c'alal ta lum soc awonon, hich la jcal: ¡Cajwal, Jehová! ¿ya bal ajin spisil te mach'atic hilemic yu'un Israel, ha te yac amal cohel ta Jerusalén te awilimba? xchihon.

Daniel 10:9

C'alal la jca'iybe sc'op, ch'ay q'uinal, hilon ta lum yu'un.

Números 14:5

Te Moisés soc Aarón la spahcan sbahic c'alal ta lum ta stojol spisil te pueblo yu'un te snich'nab Israel.

Números 16:22

Pero te Moisés soc Aarón la spahcan sbahic c'alal ta lum, hich la yalic: ¡Diosat, Diosat yu'un te scuxlejal spisil ch'ich'-baq'uet! ¿ma bal jtuhluc nax winic te la sta smul? ¿Bin yu'un ilinat ta stojol spisil te pueblo? xchihic.

Números 16:45

Loc'anic bahel ta stojol te pueblo ini, ya me jlajin ta ora, xchi. La spahcan sbahic ta lum yu'un.

San Mateo 17:6

C'alal hich la ya'iyic te jnopojeletic, la spahcan sbahic ta lum, bayel xiwic yu'un.

Josué 5:14

La sjac': Ma'uc, ha talemon scuenta jtsobaw yu'un te soldadohetic yu'un Jehová, xchi. Ha yu'un te Josué la spahcan sba ta lum, la sch'uhuntay soc hich la yalbe: ¿Bin yac awalbe te a'bat awu'un, Cajwal? xchi.

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Jueces 13:20

Te c'alal tihl mohel c'ahc' ta stojol ch'ulchan ta scajtajib ta chiq'uel mahtanil, te Manoa soc te yihnam la yilic te mo bahel te ch'ul a'bat yu'un Jehová ta sc'ahc'al te scajtajib ta chiq'uel mahtanil; hich la spahcan sbahic ta lum.