Génesis 17:14 - Bible in Tzeltal Bachajón

¹⁴ Yan te mach'a ma ba yich'oj circuncisión ya yich' loq'uesel ta alumal, como la sc'axuntaybon te chapbil-c'op cu'un, xchi.

Bible in Tzeltal de Oxchuc y Tenejapa

¹⁴ Yan te mach'a ma xyich' circuncisión, ya me yich' loq'uesel ta stojol alumal, yu'un ya xc'axintaybon te trato cu'une —xi'.

Génesis 17:14 ပူးပေါင်းရင်းမြစ်များ

Éxodo 12:19

Huqueb c'ahc'al ma me ayuc levadura ta anahic. Mach'ayuc a te ya swe' te bin yich'oj levadura, teme jyanlum o teme alumal, ya me yich' loq'uesel ta pueblo yu'un Israel.

1 Corintios 11:29

Como te mach'a mayuc scuentahil ta yo'tan te ya swe' soc te ya yuch', te ma ba ya sna'be scuentahil te sbaq'uetal te Cajwaltic, ha smul ya xc'oht te ya swe' soc ya yuch'.

1 Corintios 11:27

Ha yu'un te mach'a mayuc scuentahil ta yo'tan te ya swe' te pan soc te ya yuch' te bin ay ta copa ini, ha me smul ya xc'oht ta stojol te sbaq'uetal soc te sch'ich'el te Cajwaltique.

Jeremías 31:32

Ma hichuc te bin ut'il te chapbil-c'op la jpas soc te sme'static c'alal la jnit loq'uel ta sc'abic ta sq'uinal Egipto; como la sc'axuntaybonic te chapbil-c'op cu'un, aunque ha smamalal c'ohon, xchi te Jehová.

Jeremías 11:10

Suhtemiquix bahel ta spasel te bintic chopol la spasic te sme'static, te mach'atic ma ba la sc'an la ya'iybonic te jc'ope. La st'unic bahel yantic diosetic yu'un ya yac' sbahic ta a'batinel yu'unic. Te sna Israel soc te sna Judá la sc'axuntaybonic te chapbil-c'op la jchap soc te sme'statique.

Isaías 33:8

Te muc'ul behetic jochol ayic, mayuc mach'a ya xbehenic tey a; lajix sc'oblal te chapbil c'op, p'ajbil te pueblohetic, ma xyich' ta cuenta winiquetic.

Isaías 24:5

Bohloben sc'oblal te q'uinal ta scaj te mach'atic nahinemic tey a, como la sc'axuntayic te mandariletic, la slajimbeyic sc'oblal te chahpambil mandariletic, la sjinic te chapbil-c'op te sbahtel q'uinal ay.

Salmos 55:20

Te mach'a chopol ya shach sc'ab ta scontrahinel te mach'atic pajal lamal yo'tan sbahic soc; ya slajimbe sc'oblal te chapbil-c'op yu'unique.

Levítico 19:8

Te mach'a ya swe', scuchoj smul yu'un la yac' bohlobuc sc'oblal te bin ch'ultesbil yu'un Jehová. Te mach'a hich ya spas ya me yich' loq'uesel ta yohlil te pueblo yu'une.

Levítico 18:29

Como mach'ayuc a te ya spas te bin mero ilobtic sba ini, ya me yich' loq'uesel ta yohlil te slumale.

Levítico 7:27

Mach'ayuc a te ya swe' ch'ich', ya me yich' loq'uesel ta stojol te slumal, xchi.

Levítico 7:25

Mach'ayuc a te ya swe'be sjuhp'el te chambahlam te a'bot scuenta chic'bil mahtanil ta stojol Jehová, ya me yich' loq'uesel ta stojol te slumale.

Éxodo 30:38

Mach'ayuc a te ya spas yan te pajal soc yu'un ya smulambe yic', ya me yich' loq'uesel ta yohlil te pueblo yu'un, xchi.

Éxodo 30:33

Mach'ayuc a te ya spas yan aceite te pajal soc, o teme ya smal mach'ayuc a, ya me yich' loq'uesel ta yohlil te pueblo yu'un, xchi.

Éxodo 12:15

Huqueb c'ahc'al yac awe'ic pan te ma ba yich'oj levadura. Ta sba c'ahc'alil ya me aloq'uesic spisil levadura ta anahic, yu'un mach'ayuc a te ya swe' te bin yich'oj levadura ta sba c'ahc'alil ha to ta shuquebal c'ahc'al ya me yich' loq'uesel ta Israel.

Génesis 17:15

Soc hich halbot xan yu'un Dios te Abraham: Te awihnam Sarai, ma xawalbeyix Sarai, ha Sara sbihil ya c'ohtix.

Génesis 34:14

Hich la yalbeyic: Ma xhu' te hich ya jpascotic, te ya ca'becotic te quihts'incotic te winic te ma ba yich'oj circuncisión, yu'un ha ihlaybil cu'uncotic.

Levítico 23:29

Spisil mach'a ma ba ya scom swe'el a, ya me yich' loq'uesel ta stojol te slumale.

Números 9:13

Yan te mach'a lec sc'oblal soc te ma namaluc yac ta behel, teme ma ba ya spas te Q'uin Pascua, ya me yich' loq'uesel ta yohlil te slumale. Ha ya scuch smul ta scaj te ma ba la ya'be smahtan te Jehová ta yorahil.

Ezequiel 44:7

La awaq'uic ochel jyanlumetic ta ch'ul awilal cu'un, ha te mach'atic ma ba yich'ojic circuncisión ta yo'tanic soc ta sbaq'uetalic, la abohlobtesbeyic sc'oblal te ch'ul awilal cu'un c'alal yac awa'bonic jmahtanin we'elil, sjuhp'el soc ch'ich', soc la ajimbonic te chapbil-c'op cu'un ta scuenta spisil te bintic ilobtic sba awu'unique.