Génesis 17:13 - Bible in Tzeltal Bachajón

¹³ Te mach'a ya x'ayin ta ana soc te mach'a mambil awu'un ta ataq'uin, ya me yich' te circuncisión. Ha seña ta abaq'uetalic te chapbil-c'op cu'un te stalel ay.

Bible in Tzeltal de Oxchuc y Tenejapa

¹³ Te mach'a ya x'ayin ta ana, soc te mach'atic manbil ta ataq'uin, ya me yich' circuncisión ta puersa. Ja' seña ta abaq'uetalic te trato cu'un ya xc'ot sbajt'el q'uinal.

Génesis 17:13 ပူးပေါင်းရင်းမြစ်များ

Génesis 14:14

C'alal la ya'iy te Abram te ic'ot bahel ta chuquel te snich'ajun, la schahpambe ya'tejib yu'un guerra waxaclajuneb swaclajunwinic (318) ta tuhl a'batetic yu'un te ayinemic ta sna, la scholic bahel c'alal ta Dan.

Génesis 15:3

Soc la yal xan te Abram: Ilawil, ma ba awa'beyejon jnich'an, ha yu'un te mach'a ya yich'bon te jbiluque ha te jtuhl a'bat te ayin ta jna, xchi.

Génesis 17:7

Ya jchahp jc'op soc ha'at soc ats'umbal ta cajalcaj bahel, ha chapbil-c'op te mayuc bin ora ya xlaj sc'oblal: te Ho'on Dioson awu'un soc yu'un jayeb ats'umbal ta patil bahel.

Génesis 37:27

Ya jchombetic bahel te ismaeletic, ma ba ya jmiltic, como quihts'intic, jun jtatic soc, xchi. Lec la ya'iyic te yantique.

Génesis 37:36

Te madianetic c'oht schonic te José ta Egipto ta sc'ab Potifar te ay ya'tel ta stojol faraón, ha capitán yu'un te soldadohetic te ya scanantayic ajwalil.

Génesis 39:1

Ic'ot bahel ta Egipto te José. Te Potifar te egipcio-winic te ay ya'tel ta stojol faraón, te capitán yu'un te soldadohetic te ya scanantayic ajwalil, la smambe te ismaeletic te yic'ojic bahel tey a.

Génesis 9:16

C'alal ya xchicnaj te xojob ta yohlil te tocal, ya me quil soc ya me jna' te chapbil-c'op te ma xlaj sc'oblal ta stojol Dios soc ta stojol spisil bintic cuxajtic ta bahlumilal, xchi.

Nehemías 5:5

Junax jts'umbaltic soc te quermanotactic, te cal-jnich'nabcotic pajal soc te yal-snich'nabic; pero la jcac'cotiquix ta mosohil te queremetic soc ach'ixetic cu'uncotic, ay bahemiquix ta mosohil ach'ixetic cu'uncotic. Mayuc bin ut'il ya jcoltaycotic loq'uel a, como yan mach'atic yich'ojiquix te jq'uinalcotic soc te ts'usubiletic cu'uncotique, xchihic.

Nehemías 5:8

hich la jcalbeyic: Te ho'otcotic, te ban c'alal hu'em cu'uncotic, la jloq'uescotic ta sbetic te quermanotactic judiohetic te la yich'ic chonel ta stojol yantic nacionetic. ¿Yo'tic ha'ex bal yac achombelic te awermanotac scuenta yu'un te ho'otcotic ya jmancotic loq'uel? la jcut. Ch'abic, yu'un ma ba weht bin la yalic yu'un.

Éxodo 12:44

Pero spisil te a'batetic te mambilic ya xhu' ya swe'ic stuquelic, teme nahil la awa'be circuncisión.

Éxodo 21:16

Te mach'a ya yelc'an loq'uel yan, teme ya schon o teme ay to ta sc'ab a ya xtahote, ya me yich' milel.

Éxodo 21:2

Teme yac aman jtuhl hebreo-winic scuenta awa'bat, waqueb ha'bil ya x'a'tej, ta shuquebal ha'bil ya me xcol ta libre, mayuc bin ya stoj.

Éxodo 21:4

Teme ha a'bot yihnam yu'un te yajwal, teme ya x'ayin queremetic o ach'ixetic yu'un, te ants soc te yalatac ya xhilic ta stojol te yajwal, stuquel ya xloc' bahel te winique.

Levítico 22:11

Yan teme ya sman jtuhl ya'bat te sacerdote, ya xhu' ya swe' stuquel, hich nix te bin ut'il te mach'a ayinem ta sna ya xhu' ya swe' te we'elil yu'une.

San Mateo 18:25

Te bin ut'il ma ba hu' yu'un stojel te sbete, la yal mandar te yajwal te ya yich' chonel soc yihnam soc yal-snich'nab soc spisil bintic ay yu'un scuenta stojel te sbete.