Génesis 17:10 - Bible in Tzeltal Bachajón

¹⁰ Ha ini te chapbil-c'op cu'un te yac ach'uhun spasel soc ats'umbal ta patil bahel: Spisil winiquetic ta awohlilic ya me yich'ic circuncisión.

Bible in Tzeltal de Oxchuc y Tenejapa

¹⁰ Jich ay te trato cu'un te ya awich'bon ta muc' ja'at soc jayeb ats'umbal ta patil: Ya me awich' circuncisión ta abaq'uetal soc spisil te winiquetic awu'une.

Génesis 17:10 ပူးပေါင်းရင်းမြစ်များ

Génesis 17:11

Yac ajoybe loq'uel ta bojel te snuhculel sjol sc'unilic, ha seña ya xc'oht yu'un te chapbil-c'op cu'untic.

Génesis 17:23

Ha yu'un te Abraham la yic' tal te Ismael te snich'an, soc spisil te a'batetic te ayinemic ta sna soc spisil te mach'atic smanoj ta staq'uin, spisil te winiquetic te ay ta sna, la ya'be yich'ic circuncisión, hich te bin ut'il halbot yu'un Dios.

Génesis 17:27

soc spisil te winiquetic ayic ta sna, ha te a'bat te ayin ta sna soc te jyanlum te smanoj ta staq'uin, pajal la yich'ic circuncisión soc.

Génesis 21:4

Ta swaxaquebal c'ahc'al yayinel a te Isaac la ya'be yich' circuncisión te Abraham, hich nix te bin ut'il pasot ta mandar yu'un Dios.

Génesis 34:15

Pero ya xhu' ya jpascotic teme hich yac apasic: teme pajal ya xc'ohotic, ha te ya yich'ic circuncisión spisil winiquetic ta awohlilic.

Génesis 34:22

Pero ha nax ya sjoquinotic ta nahinel te winiquetic ini yu'un junax jlumaltic ya xc'ohotic soc, teme ya yich'ic circuncisión spisil winiquetic ta cohliltic, hich te bin ut'il yich'ojic circuncisión.

Éxodo 12:48

Teme ay jyanlum te sjoquinejex te ya sc'an ya spas te Q'uin Pascua yu'un Jehová, ya me yich' circuncisión spisil te winiquetic, hich ya xhu' ya spas te Q'uin Pascua, como hich ya xc'oht te bin ut'il alumal. Pero te mach'a ma ba yich'oj circuncisión ma xhu' ya swe' stuquel.

Éxodo 4:25

Ha yu'un te Séfora te yihnam la stsac tulan ton te ay ye, la sbojbe loq'uel snuhculel sni'il sc'unil te yale, la sch'ojbe ta ye'tal yoc Moisés, hich la yal: Melel jmamalalat ta scuenta ch'ich', xchi.

Jeremías 4:4

Ich'ahic circuncisión ta stojol Jehová, a'beyahic circuncisión ta awo'tanic, ha'ex winiquex yu'un Judá soc Jerusalén, manchuc hich ya xloc' quilimba te bin ut'il c'ahc', te ya xtihl soc mayuc mach'a ya xhu' ya stup' ta scaj schopolil awa'telic.

San Juan 7:22

Melel te Moisés la ya'beyex circuncisión (aunque ma ha'uc te Moisés, ha to la shachic te namey tatiletic), pero ta sc'ahc'alel cux-o'tan yac awaq'uic circuncisión.

Hechos 7:8

Soc la ya'be Abraham te chapbil-c'op yu'un circuncisión. Ha yu'un c'alal ayin te snich'an Abraham, ha te Isaac, la ya'be yich' circuncisión ta swaxaquebal c'ahc'al yayinel a; te Isaac la ya'be te Jacob, soc Jacob la yac'ticlambe te lahchaytuhl tatiletique.

Romanos 2:28

Ma ha'uc mero judío te mach'a hich ay ta scuenta ch'ich'-baq'uet, soc ma ha'uc te mero circuncisión te yich'oj ta sbaq'uetal;

Romanos 3:25

Dios la yac' te ha la stojbotic jmultic te Jesús teme jch'uhunejtic te la smal sch'ich'el cu'untic. Tey la yac' ta ilel a te stojil bin ya spas, como cuhch yu'un te ma ba la yich' ta cuenta te muliletic ta namey,

Romanos 3:28

Como ya caltic te ha halbil te toj te ants-winic ta scuenta sch'uhunel yo'tan, ma ha'uc ta scuenta spasel bin ya yal te Ley.

Romanos 3:30

como jtuhl nax Dios ay, soc ha me ya yal te toj ay ta scuenta sch'uhunel yo'tanic te mach'atic yich'ojic circuncisión soc ha nix hich ta scuenta sch'uhunel yo'tanic te mach'atic ma ba yich'ojic circuncisión.

Gálatas 3:28

Mayuquix judío o griego; mayuc moso o mach'a ay ta libre; mayuc winic o ants, como junax c'ohemex ta apisilic ta scuenta Cristo Jesús.

Gálatas 6:12

Te mach'atic ya sc'anic te ya x'ich'otic ta muc' ta scuenta sbaq'uetalic, ha yac sujbelex ta yich'el circuncisión, ha nax yu'un te manchuc ya yich'ic uts'inel ta scaj te cruz yu'un te Cristo,

Efesios 2:11

Ha yu'un na'ahic me bin ut'il ayex ta nahil to, ha'ex jyanlumex ta scuenta ch'ich'-baq'uet, te halbil te ma ba awich'ojic circuncisión, xchi ac'oblalic yu'un te mach'atic yich'ojic circuncisión, ha te bin pasbil ta c'abal ta sbaq'uetalic.

Deuteronomio 10:16

Pasahic circuncisión ta awo'tanic, ma me xawac' tonobuc xan awo'tanic.

Deuteronomio 30:6

Te Jehová te Dios awu'un ya ya'bat circuncisión ta awo'tan soc ta yo'tanic te patil al-nich'aniletic awu'un, scuenta yu'un c'ux yac awa'iy ta awo'tan te Jehová te Dios awu'un ta spisil awo'tan soc ta spisil ach'uhlel, scuenta yu'un hich ya xcuxajat a.

Filipenses 3:3

Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet;

Josué 5:2

Ha nix ta yorahil a te Jehová la yalbe te Josué: Pasa cuchillohetic ta tulan ton, ya me xhahchat xan ta ya'beyel circuncisión te snich'nab Israel, xchi.

Josué 5:4

Hich ay scuentahil te la ya'be yich'ic circuncisión: como chamiquix ta be ta jochol taquin q'uinal spisil te winiquetic yu'un te pueblo te loq'uic tal ta Egipto, ha spisil te winiquetic te ya xhu' ya yaq'uic guerra.