Génesis 16:7 - Bible in Tzeltal Bachajón

⁷ Te ch'ul a'bat yu'un Jehová la sta te Agar ta banti sloq'uib-ha' ta jochol taquin q'uinal, ha te sloq'uib-ha' ay ta sbehlal Shur.

Bible in Tzeltal de Oxchuc y Tenejapa

⁷ Taot yu'un te ch'ul abat yu'un Dios ta jochol taquin q'uinal, nopol ta sloq'uibja' ay ta sbelal Shur.

Génesis 16:7 ပူးပေါင်းရင်းမြစ်များ

Génesis 20:1

Te Abraham loc' bahel tey a, baht ta sq'uinal Neguev; c'oht spas snahil-pac' ta Gerar te ay ta ohlil yu'un Cades soc Shur. Nahin ta Gerar hich te bin ut'il jyanlum.

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 21:18

Hahchan, nita hahchel te querem, tsaca ta ac'ab, yu'un muc'ul nación ya xc'oht cu'un, xchi.

Génesis 21:19

Hich Dios la sjambe sit te Agar, la yil sloq'uib-ha'; hich baht sbut'be ya'lel te nuhcul, la ya'be yuch' te quereme.

Génesis 22:11

Pero te ch'ul a'bat yu'un Jehová hich la yawtay c'alal ta ch'ulchan: Abraham, Abraham, xchi. Li' ayoni, xchi te Abraham.

Génesis 22:15

Te ch'ul a'bat yu'un Jehová la scha'c'opon xan tal c'alal ta ch'ulchan te Abraham,

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 25:18

Te sts'umbalic nahinic ta Havila c'alal ta Shur te ay ta stojol Egipto ta sbehlal Asiria. Tey nahinic a soc la scontrahinic te yermanotac.

Génesis 31:11

Ta jwayich la sc'oponon te ch'ul a'bat yu'un Dios: Jacob, xchi. Hich la jac'be sc'op: Li' ayoni, xchihon.

Éxodo 15:22

Te Moisés la yic' loq'uel bahel ta Mar Rojo te Israel, bahtic ta jochol taquin q'uinal Shur. Behenic bahel oxeb c'ahc'al, ma ba la stahic ha'.

Éxodo 3:2

Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Proverbios 15:3

Te sit Jehová ay ta stojol swohlol bahlumilal, yac ta yilel te mach'atic chopol yo'tanic soc te mach'atic lec yo'tanic.

1 Samuel 15:7

Te Saúl la ya'be guerra te amalequetic c'alal Havila ha to ta Shur te ay ta stojol banti ya xloc' tal c'ahc'al yu'un Egipto.