Génesis 16:6 - Bible in Tzeltal Bachajón

⁶ Te Abram la sjac'be sc'op te Sarai: Ay ta ac'ab te acriada, ha chican bin yac ac'an yac apasbe, xchi. Ha yu'un te Sarai bayel hahch yuts'in, hich te Agar loc' ta ahnel ta stojol.

Bible in Tzeltal de Oxchuc y Tenejapa

⁶ Jich yu'un te Abram la yalbey te Sarai: —Ay ta ac'ab te acriada, chican awo'tan bi ya ac'an ya apasbey —la yut. Jich yu'un te Sarai bayal jajch' yilbey yo'tan te Agar, jich loc' ta anel ta stojol.

Génesis 16:6 ပူးပေါင်းရင်းမြစ်များ

Génesis 16:9

Hich halbot yu'un te ch'ul a'bat yu'un Jehová: Suhtan bahel ta stojol awajwal, ac'a xan aba ta cuentahinel yu'un, xchi.

Génesis 24:10

Te a'bat la yic' lajuncoht camello yu'un te yajwal, hich baht, soc yich'oj bahel bayel ta chahp tsahbil mahtaniletic yu'un te yajwale. C'oht ta pueblo yu'un Nacor ta Mesopotamia.

Job 2:6

Te Jehová la yalbe te Satanás: Ilawil, ay ta ac'ab, pero ma me xalajimbe scuxlejal, xchi.

Éxodo 2:15

Te c'alal hich la ya'iy te faraón, la sc'an la smil te Moisés. Pero te Moisés loc' ta ahnel ta stojol faraón, baht ta nahinel ta sq'uinal Madián; la shuhcan sba ta ti' pozo.

Proverbios 14:29

Te mach'a ma orahuc ya x'ilin, ya sna' q'uinal ta lec; yan te mach'a ma xcuhch yu'un, ya yac' ta ilel te ma sna' q'uinal.

Proverbios 15:1

Te t'ujbil suhtib c'op ya slahmajtes ilimba, yan te tulan suhtib c'op ya yac' tohyuc xan te ilimba.

Proverbios 27:8

Hich te bin ut'il ha'mal mut te ya yihquitay hilel te spechech, hich ay te mach'a ya yihquitay hilel te slumale.

Proverbios 29:19

Ma ba ya xtojob ta c'op nax te a'bate; aunque ya xc'oht ta yo'tan, ma ba ya yich' ta cuenta.

Eclesiastés 10:4

Teme ya x'ilin ta atojol te ajwalil, ma me xawihquitay te alugare; como te lamal-o'tanil ya slajin te bintic muc' te ma stojiluque.

Jeremías 38:5

La sjac' te ajwalil Sedequías: Ay ta ac'abic, mayuc bin ya xhu' ya spas te ajwalil yu'un ya scomex, xchi.

Josué 9:25

Ha yu'un ayotcotiquix ta ac'ab; pasa te bin lec soc te bin toj yac awa'iy te yac apasbotcotique, xchihic.

1 Pedro 3:7

Ha nix hichex, winiquetic, socuc sp'ijil awo'tanic ya x'ayinex soc te awihnamique; ich'ahic ta muc' te ants hich te bin ut'il jun vaso te ora ya xwuy, soc te bin ut'il pajal yac awich'ic te cuxlejal te ay yutsil. Hich me xapas scuenta yu'un mayuc bin ya smaquex a te yac ac'oponic te Diose.