Génesis 16:12 - Bible in Tzeltal Bachajón

¹² Ha c'ahc'al winic ya xc'oht, ya me scontrahin spisilic, soc ya xcontrahinot yu'un spisilic, ma ba lamal q'uinal ya x'ayin ta stojol spisil te yermanotac, xchi sc'oblal.

Bible in Tzeltal de Oxchuc y Tenejapa

¹² C'ajc' me yo'tan ya xc'ot, ya me scontroin spisil yantic, soc ya me xcontroinot yu'unic. Ja'uc me to, muc' me ya xc'ot ta yolilic, manchuc me ma jichuc yo'tan te yermanotaque —xi' sc'oplal yu'un.

Génesis 16:12 ပူးပေါင်းရင်းမြစ်များ

Génesis 21:20

Te querem joquinot yu'un Dios; muc'ub, soc nahin ta jochol taquin q'uinal; la sna' yaq'uel t'ihmalte'.

Génesis 25:18

Te sts'umbalic nahinic ta Havila c'alal ta Shur te ay ta stojol Egipto ta sbehlal Asiria. Tey nahinic a soc la scontrahinic te yermanotac.

Génesis 27:40

Ta scuenta te espada awu'un ya xcuxajat, soc yac awac' aba ta a'batinel yu'un te awihts'ine; pero te bin ora awich'ojix awip a, yac aloq'ues ta anuc' te yugo yu'une, xchi.

Génesis 37:25

Patil la shuhcan sbahic ta we'el. La yilic yacalic ta talel ismaeletic hahchemic tal ta Galaad, te scamellohic scuchojic bin sumet yic', bálsamo-te', soc mirra, te yac yich'belic bahel ta Egipto.

Job 11:12

Ya me sta sp'ijil yo'tan te sonso winic te bin ora te ha'mal burra ya yayintes jtuhl winic.

Job 24:5

Hich te bin ut'il ha'mal burrohetic ta jochol taquin q'uinal, ya xloc' sle swe'elic te pobrehetic. Ta jochol taquin q'uinal ya stahbe swe'el te yal-snich'nabic.