Génesis 15:9 - Bible in Tzeltal Bachajón

⁹ Halbot yu'un te Jehová: Ic'bon tal jcoht wacax te oxeb ya'bilal, jcoht yantsilel tentsun te oxeb ya'bilal, jcoht tat tuminchij te oxeb ya'bilal, jcoht xpuliwoc soc jcoht stsuhmut, xchi.

Bible in Tzeltal de Oxchuc y Tenejapa

⁹ Te Diose jich la yalbey: —Tsabon tel chambalametic te ox'oxeb ya'wilalique: jcojt' me' wacax, jcojt' tentsun soc jcojt' tat chij, soc lebon tel jcojt' puliwoc soc jcojt' stsumut te alal toe —xi' sc'oplal yu'un.

Génesis 15:9 ပူးပေါင်းရင်းမြစ်များ

Génesis 15:10

Hich te Abram la yic' tal spisil, la sjaticlan ta ohlil; te jujujaht jujuchohl la yac', jamal hil ta ohlil. Yan te mutetic ma ba la sjaticlan stuquel.

Génesis 15:8

Hich la sjac' te Abram: Cajwal Jehová ¿bin ut'il ya jna' teme ya quich' te q'uinale? xchi.

Génesis 22:13

Hich te Abraham la shach sit, la yil ta spat ay tat tuminchij ipajem xulub ta ch'ixiletic. Baht stsac talel te tat tuminchij, ha la smil scuenta scohtol chic'bil mahtanil te ha sjelol c'oht te snich'ane.

Salmos 50:5

Hich la yal: Tsobahic te mach'atic cu'un te ch'uhltesbilic, ha te mach'atic la schap sc'opic ta jtojol ta scuenta milbil mahtanil, xchi te Diose.

Cantares 2:12

T'ohmenix nichimetic ta lumq'uinal, c'ohtix yorahil c'ayoj, chicnajix ta a'iyel ta jlumaltic te sc'ayoj te xpuliwoc.

Isaías 15:5

Ya x'awon co'tan ta scuenta Moab; te mach'atic yu'un te loq'uic ta ahnel, ya xbahtic c'alal ta Zoar, c'alal ta Eglat-selisiya. Ta mohel q'uinal yu'un Luhit ya xmohic bahel ta oq'uel; ta sbehlal bahel Horonaim ya x'awonic yu'un te jinele.

Levítico 1:10

Teme ya yac' tuminchij o tentsun scuenta scohtol chic'bil mahtanil, ya me yac' te stat te mayuc bin jihnem yu'une.

Levítico 1:14

Teme mutetic ya x'a'bot scuenta scohtol chic'bil mahtanil te Jehová, ya me yac' xpuliwoc o jcolel stsuhmut.

Levítico 1:3

Teme ya yac' wacax scuenta scohtol chic'bil mahtanil, ha me stat te mayuc bin jihnem yu'un; ya me yac' ta yochibal Nahilpac' Templo yu'un tahojibal scuenta yu'un ya x'ich'ot ta cuenta yu'un Jehová.

Levítico 12:6

Te c'alal ya sts'acay te jayeb c'ahc'al ya xlecub sc'oblal, teme ya x'ayin querem o ach'ix, ya me yic' talel ta yochibal Nahilpac' Templo yu'un tahojibal jcoht jcolel tuminchij te jun ya'bilal scuenta scohtol chic'bil mahtanil, soc jcoht jcolel stsuhmut o jcoht xpuliwoc scuenta mahtanil yu'un mulil; ha ya ya'be te sacerdote.

Levítico 12:8

Teme ma xhu' yu'un ya yac' jcoht jcolel tuminchij, ya xhu' ya yac' cha'coht xpuliwoc o cha'coht jcolel stsuhmut, jcoht scuenta scohtol chic'bil mahtanil, jcoht scuenta mahtanil yu'un mulil; te sacerdote ya spasbe te stojel smul, hich ya xlecub sc'oblal a.

Levítico 14:22

soc cha'coht xpuliwoc o cha'coht jcolel stsuhmut, chican jayeb ya xhu' yu'un yaq'uel; jcoht yu'un mahtanil yu'un mulil, jcoht yu'un scohtol chic'bil mahtanil.

Levítico 14:30

Patil ya yac' ta mahtanil jcoht xpuliwoc o jcoht stsuhmut, chican te jayeb ya xhu' yu'un yaq'uel;

Levítico 3:1

Teme ha ya yac' milbil mahtanil scuenta lamal q'uinal, teme ya yac' wacax, teme stat o yantsilel, ya me yac' ta stojol Jehová te mayuc bin jihnem yu'un.

Levítico 3:6

Yan teme ya ya'be Jehová milbil mahtanil scuenta lamal q'uinal jcoht tuminchij o tentsun, teme stat o yantsilel, ya me yac' te ban mayuc bin jihnem yu'une.

Levítico 9:2

hich la yalbe te Aarón: Ic'a tal jcoht jcolel toro scuenta mahtanil yu'un mulil, soc jcoht tat tuminchij te mayuc bin jihnem yu'un, scuenta scohtol chic'bil mahtanil; ya me awac'ticlan ta stojol Jehová.

Levítico 9:4

soc jcoht toro soc jcoht tat tuminchij scuenta milbil mahtanil yu'un lamal q'uinal, te yac amilic ta stojol Jehová, soc ich'ahic tal mahtanil harina wots'bil ta aceite, como ya xchicnaj ta atojolic yo'tic te Jehová, xchi.

San Lucas 2:24

soc talic yu'un ya ya'beyic smahtan Dios hich te bin ut'il ya yal ta Ley yu'un te Cajwaltic: Cha'coht xpuliwoc o cha'coht stsuhmut, te xchihe.