Génesis 15:7 - Bible in Tzeltal Bachajón

⁷ Hich halbot yu'un te Jehová: Ho'on Jehovahon te la jquic'at loq'uel tal ta Ur yu'un te caldeohetic yu'un ya ca'bat aq'uinalin te q'uinal ini, xchi.

Bible in Tzeltal de Oxchuc y Tenejapa

⁷ Soc jich la yalbey xan yaiy: —Jo'on Awajwalon te la quic'at loq'uel tel ta Ur te ay ta sq'uinal caldeoetique, swenta yu'un ya cac'bat aq'uinalin in q'uinal to —xi' sc'oplal yu'un.

Génesis 15:7 ပူးပေါင်းရင်းမြစ်များ

Génesis 12:1

Te Jehová yalbeyejix te Abram: Loc'an bahel ta aq'uinal, ta stojol te mach'atic ay awu'un soc ta sna atat, bahan ta q'uinal te ya ca'bat awil.

Génesis 12:7

Te Jehová la yac' sba ta ilel ta stojol Abram, hich la yalbe: Ya ca'be sq'uinalin ats'umbal te q'uinal ini, xchi. Hich te Abram tey la spasbe scajtajib ta chiq'uel smahtan a te Jehová, ha te mach'a la yac' sba ta ilel ta stojol.

Génesis 28:4

Ac'a ya'bat te bendición yu'un Abraham soc ats'umbal, scuenta yu'un yac aq'uinalin te q'uinal banti yacat melmonel, te a'bot yu'un Dios te Abraham, xchi.

Génesis 50:24

Te José hich la yalbe ya'iyic te yermanotac: Te ho'one ya xchamonix; pero Dios me ya xtal scoltayex, ya me yiq'uex loq'uel li' ta q'uinal ini, ya me yiq'uex bahel tey ta q'uinal te yaloj ta jamal te ya ya'be te Abraham, te Isaac soc te Jacob, xchi.

Salmos 105:11

te hich la yal: Ya ca'bat te sq'uinal Canaán ha te bin ya xc'oht ta acuenta te yac awich' hilel, te xchihe.

Salmos 105:42

como la sna' te sch'ul c'op te yaloj ta stojol te Abraham te a'bat yu'une.

Salmos 105:44

La ya'be te sq'uinalic te nacionetic, la yich'beyic hilel te ya'telic te ants-winiquetic,

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Números 33:53

Ya me atenic loq'uel te yajwal te q'uinale, ha'ex ya xnahinex tey a, como la jca'beyex te q'uinal yu'un awu'unic ya c'oht.

Romanos 4:13

Ma ha'uc ta scuenta te Ley te halbot yu'un Dios te Abraham soc te sts'umbal te ya x'a'bot yich'ic te bahlumilal, pero ta scuenta bin ut'il ilot te toj ay ta scuenta sch'uhunel yo'tan;

Deuteronomio 3:18

Ta hich ora hich la jcalbeyex: Te Jehová te Dios awu'unic la ya'beyex hilel te q'uinal ini; pero chapaluc yu'un guerra a ya me xbahtic spisil mach'atic ma xiwic, ya me xnahilijic bahel yu'un te awermanotac, te snich'nab Israel.

Deuteronomio 9:5

Ma yu'unuc ta scaj stojil awa'tel o ta scaj stojil awo'tan te yac awu'untaybe te sq'uinalique, ha ta scaj chopol ya'telic te nacionetic ini te Jehová te Dios awu'un ya stenticlan loq'uel ta atojol, soc scuenta yu'un ya sc'ohtes ta pasel te bin jc'axel la yalbe ta jamal te atatic Abraham, Isaac soc Jacob.