Génesis 15:5 - Bible in Tzeltal Bachajón

⁵ Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Bible in Tzeltal de Oxchuc y Tenejapa

⁵ Soc ic'ot loq'uel ta jamalal la yaiy yu'un te Diose: —Ila awil te ch'ulchane, ajtaya jayeb te eq'uetique, teme ya xju' awu'un yajtayele. Jich me yipal ats'umbal ya xc'ot —xi' sc'oplal.

Génesis 15:5 ပူးပေါင်းရင်းမြစ်များ

Génesis 12:2

Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 16:10

Hich halbot xan yu'un te ch'ul a'bat yu'un Jehová: Hich ya jp'ohltesbat ats'umbal te ma xhu' ta ahtayel yu'un yipal, xchi.

Génesis 17:2

Ya jpas chapbil-c'op ta atojol soc ya cac' te c'ax bayel ya xp'ohl ats'umbal, xchi.

Génesis 22:17

ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.

Génesis 32:13

Tey way ta ahc'abal a, soc ta yohlil te bintic ay yu'un la stsabe smahtan te Esaú te sbanquil:

1 Reyes 3:8

Te awa'bat ay ta stojol te pueblo te tsahbil awu'un, ha muc'ul pueblo te ma xhu' ta ahtayel yu'un yipal.

1 Crónicas 27:23

Te David ma ba la yahtay te mach'atic ma to stahojic jtahb (20) ya'bilal, como te Jehová yaloj te ya yac' p'ohluc te Israel hich te bin ut'il eq'uetic ta ch'ulchan.

Nehemías 9:23

La awac' p'ohluc te yal-snich'anic hich te bin ut'il eq'uetic ta ch'ulchan. La awic'ticlan bahel ta q'uinal te awalbeyej te sme'static te yac awa'be yu'untayic.

Job 35:5

Ila mohel te ch'ulchane, na'a me te ha toyol xan awu'un te tocale.

Salmos 147:4

Ha ya yal te jayeb eq'uetic ay, ta jujun ya yic'ticlan ta sbihil.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Isaías 51:2

Ilawil te Abraham te atatic, soc te Sara te la yalatayex; como te c'alal stuquel ay a, la jquic' talel, la jca'be bendición soc la jcac' p'ohluc.

Jeremías 33:22

Hich te bin ut'il ma xhu' ta ahtayel te eq'uetic ta ch'ulchan o te shi'al mar, hich ya cac' te ya xp'ohl te sts'umbal te ca'bat David soc te levitahetic te ya x'a'tejic ta jtojol, xchi.

Romanos 4:18

Aunque hich yilel te tojol ay bin ya smahliy, la sch'uhun yo'tan te Abraham, ha scuentahil te ha tatil c'oht yu'un tsobol nacionetic, hich te bin ut'il halbot: Hich yipal ya xc'oht ats'umbal, te xchihe.

Deuteronomio 1:10

Te Jehová te Dios awu'unic la sp'oltesexix hich yipal te bin ut'il eq'uetic ayic ta ch'ulchan.

Deuteronomio 10:22

Lajuneb schanwinic (70) ta tuhl cohic bahel ta Egipto te ame'atat, pero Jehová la yac' te ya xp'ohlucat hich te bin ut'il eq'uetic ta ch'ulchan.

Hebreos 11:12

Ha yu'un ta scuenta jtuhl winic te c'ax mamalix, tsobol loq'uic a hich te bin ut'il eq'uetic ta ch'ulchan soc hich te bin ut'il shi'al mar te ma xhu' ta ahtayel.

Josué 24:3

La jquic' loq'uel ta jehch muc'ul-ha' te atatic Abraham soc la jquic' tal ta spahmal sq'uinal Canaán; la jcac' p'ohluc te sts'umbal soc la jca'be te Isaac.