Génesis 15:1 - Bible in Tzeltal Bachajón

¹ Ta patil te c'ohtix ta pasel ini, tal te sc'op Jehová ta stojol Abram ta scuenta nahalsitil, hich la yal: Ma xiwat, Abram, ho'on jcanantaywanejon awu'un, mero muc' ya xc'oht amahtan, xchi sc'oblal.

Bible in Tzeltal de Oxchuc y Tenejapa

¹ Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 15:1 ပူးပေါင်းရင်းမြစ်များ

Génesis 15:2

La sjac' te Abram: Cajwal Jehová, ¿bin yac awa'bon te bin ut'il mayuc jnich'an? Te mach'a ya yich'bon te bintic ay cu'un, ha te Eliezer te talem ta Damasco, xchi.

Génesis 15:4

Patil tal sc'op te Jehová ta stojol, hich halbot: Ma ha'uc te ya yich'bat hilel abiluc, ha ya yich'bat hilel abiluc te mero anich'an, xchi.

Génesis 21:17

Dios la ya'iybe yoq'uel te querem. Hich te ch'ul a'bat yu'un Dios la yawtay te Agar c'alal ta ch'ulchan: ¿Bin la apas, Agar? Ma xiwat, yu'un Dios a'iybotix te yoq'uel te querem te banti ay.

Génesis 22:1

Ta patil te Dios la stsaj te Abraham, hich la yalbe: Abraham, xchi. Li' ayoni, xchi te Abraham.

Génesis 22:20

Patil la yich' halbeyel te Abraham: Te Milca la yalataybe snich'nab te awihts'in Nacor:

Génesis 26:24

Te Jehová tey la yac' sba ta ilel ta ahc'abal ta stojol, hich la yalbe: Ho'on Dioson yu'un te atat Abraham, ma me xiwat, yu'un joquinejat, ya ca'bat bendición, ya cac' p'ohluc ats'umbal ta scuenta bin ut'il c'ux ta co'tan te ca'bat Abraham, xchi.

Génesis 31:7

pero la slo'loyon, lajuneb buelta la syanijtesbon te jtojole. Pero Dios ma ba la yac' te ya yuts'inon.

2 Samuel 22:3

ha Dios cu'un, ha muc'ul ton cu'un ta banti ya jnac' jba; ha jmahquil soc ha yip te jcolele, ha toyol ahnibal cu'un soc jcoltaywanej cu'un, la acoltayon ta uts'inel.

2 Reyes 1:15

Te ch'ul a'bat yu'un Jehová hich la yalbe te Elías: Cohan bahel soc, ma me xaxi', xchi sc'oblal. Hich hahch, co bahel soc te capitán ta stojol te ajwalil.

1 Crónicas 28:20

Te David la yalbe xan te Salomón te snich'ane: Ac'a fuersa soc ayuc me yip awo'tan, pasa te a'tele. Ma me xiwat, ma me xpehc'aj awo'tan, como te Jehová te Dios cu'un ya me sjoquinat. Ma ba ya yihquitayat soc ma ba ya spihtesat ha to c'alal ya xhu' ta pasel spisil te a'teletic te ya xtuhun ta sna Jehová.

Salmos 115:10

Sna Aarón, ¡ac'a smuc'ulin awo'tanic te Jehová! Ha jcoltaywanej soc ha mahquilal awu'unic.

Salmos 119:114

Ha'at ahnibalat soc jmahquilalat cu'un; ha smuc'ulinej co'tan te ac'ope.

Salmos 142:5

Ya cawtayat, Jehová; hich ya cal: Ha'at ahnibalat cu'un soc te bin ay cu'un ta yohlil te mach'atic cuxulic, xchihon.

Salmos 18:2

Te Jehová ha muc'ul ton cu'un soc ahnibal cu'un, ha j'ac'aw ta libre cu'un; ha Dios cu'un, ha toyol ch'entiquil cu'un te banti ya jnac' jba; ha jmahquil soc yip te colel cu'un, ha toyol ahnibal cu'un.

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 3:3

Pero ha'at, Jehová, jmahquilalat ta joyobal, ha cutsilalat soc ha'at yac ahachbon te jole.

Salmos 3:4

Awonon ta stojol Jehová, ha la sjac'bon jc'op c'alal ta ch'ul wits yu'un. Selah

Salmos 5:12

Ha'at, Jehová, yac awa'be bendición te mach'a toj yo'tan; hich te bin ut'il mahquilal yac ajoytay a ta yutsil awo'tan ta stojol.

Salmos 58:11

Hich me ya yal te winiquetic: Melel nix a ay spremio te mach'a toj yo'tan; melel ay Dios te stojil ya xchahpanwan ta q'uinal, xchihic.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Salmos 84:9

Ilawil, Dios cu'untic, mahquilalat cu'uncotic, ilbeya sit yelaw te mach'a tsahbil awu'une.

Salmos 91:4

Ya me sluts'at ta ye'tal sc'uc'umal, ta ye'tal xic' yac ata canantayel; te bin ut'il stalel jun yo'tan ha amahquil soc ats'ahcul.

Éxodo 14:13

Te Moisés hich la yalbe te pueblo: Ma xiwex, ayuc me yip awo'tanic, ya me awilic te colel te ya ya'botic yo'tic te Jehová; como te egipciohetic te yac awilique mayuc bin ora yac awilic xan.

Proverbios 11:18

Te mach'a chopol yo'tan, ya sta stojol ya'tel te ma stojiluc, yan te mach'a ya sts'un bin stojil ta pasel, ya me yich' smahtan.

Proverbios 30:5

Ha melel spisil te sc'op te Diose; ha mahquilal yu'un te mach'atic ya snac' sbahic ta stojol.

Isaías 35:4

Hich xawalbeyic te mach'atic ya xiw yo'tanic: ¡Ayuc me yip awo'tanic, ma me xiwex! Te Dios awu'unic ya xtal ya'be spacol; ha nix Dios ya xtal scoltayex, xchihan me.

Isaías 40:10

Ilawil, tal soc yu'el te Jehová, ya xcuentahinwan ta scuenta yip sc'ab. Ilawil, ya xtal soc smahtan, joquimbil tal soc te stojole.

Isaías 41:10

Ma me xiwat, como joquinejat; ma me xamel awo'tan, como ho'on te Dioson awu'une; ya ca'bat awip, ya jcoltayat, ya jtsacat ta jwa'el-c'ab te ya xtsalawane.

Isaías 41:14

¡Ma me xiwat, yolat Jacob, ha'ex te mayuc tsobolex yu'un Israel! Ho'on ya jcoltayat, xchi te Jehová; te Ch'ul Dios yu'un Israel, ha te J'ac'aw ta libre awu'unique.

Isaías 43:1

Pero yo'tic, hich ya yal te Jehová, te mach'a la schicnajtesat, Jacob, te mach'a la spasat, Israel: Ma xiwat, como ho'on la jcac'at ta libre; la jquic'at ta abihil, ha'at cu'unat.

Isaías 43:5

Ma me xiwat, como joquinejat; ya quic'bat tal awal-anich'nabic ta stojol banti ya xloc' tal c'ahc'al soc ya jtsobat tal c'alal ta smahlib c'ahc'al.

Isaías 44:2

Te Jehová, te Jpaswanej awu'un, te mach'a la schahpanat ta yawil alal, te ya scoltayat, hich ya yal: Ma xiwat, Jacob, a'batat cu'un, ha'at, Jesurún, te tsahbilat cu'une.

Isaías 44:8

Ma me xnihc awo'tanic, ma me xiwex. ¿Ma bal lajuc calbeyex awa'iyic, ma bal lajuc calbe sc'oblal c'alal ta namey? Ha'ex testigohex cu'un. ¿Ay bal yan dios ta jtojol? ¡Mayuc yan Muc'ul Ton! ¡Mayuc yan te ya jna'be sba! xchi.

Isaías 51:12

Ho'on, ho'on te ya jmuc'ubtesbat q'uinal yac awa'iyic. ¿Mach'ahat a te yac axi' te ants-winiquetic te ya xchamic, te ants-winiquetic te hich ayic te bin ut'il ac?

Jeremías 39:17

Pero ta hich ora ya me cac'at ta libre, xchi te Jehová, ma ba ya x'ochat ta sc'abic te mach'atic yac axi'e.

Lamentaciones 3:24

Hich ya cal ta co'tan: Te bin ay cu'un, ha te Jehová; ha yu'un ha smuc'ulinej co'tan stuquel, xchihon.

Ezequiel 1:1

Ta yo'ebal c'ahc'al ta schanebal u, ta slajunebal scha'winic (30) ha'bil te ayon ta yohlil te mach'atic ayic ta chuquel, ayon ta ti' muc'ul-ha' Quebar a, la sjam sba te ch'ulchan, la jquil nahalsitetic yu'un Dios.

Ezequiel 11:24

Te espíritu la slicon hahchel, ta scuenta nahalsitil yu'un te espíritu yu'un Dios la scha'ic'on xan bahel ta sq'uinal te caldeohetic, ta banti ay te mach'atic bahemic ta chuquel. Hich ch'ay bahel te nahalsitil te la jquile.

Ezequiel 3:4

Hich la yalbon: Snich'anat winic, bahan ta stojol te sna Israel, halbeya te jc'ope.

Números 12:6

Hich halbotic yu'un te Jehová: A'iya awa'iyic te jc'ope: Teme ay jalwanej yu'un Jehová ta awohlilic, ya cac' jba ta ilel yu'un ta snahalsit, ya jc'opon ta swayich.

Números 18:20

Te Jehová la yalbe te Aarón: Mayuc q'uinal yac awich' ta banti sq'uinalic te yantique, soc mayuc binti yac awich' ta yohlilic. Ho'on me te bin yac awich' soc ho'on aq'uinalon ta yohlil te snich'nab Israel.

Números 24:4

te mach'a ya ya'iy bin ya yal te Diose, te ya yil te nahalsitil yu'un te Mach'a spisil ya xhu' yu'une; yahlem ta lum, pero wiq'uil sit:

San Mateo 28:5

Pero te ch'ul a'bat hich la yalbe te antsetic: Ma xiwex, jna'oj te yac alehic te Jesús te laj ta cruz.

San Mateo 8:26

Halbotic yu'un: ¿Bin yu'un ya xiwex, winiquetic te mayuc lec sch'uhunel awo'tanic? xchi sc'oblalic. Hich la stehc'an sba te Jesús, tulan la scom te ic' soc te mar, mero lamal hil te q'uinale.

San Lucas 1:13

Pero hich halbot yu'un te ch'ul a'bat: Ma xiwat, Zacarías, yu'un a'iyotix ac'op ta stojol Dios; ya me x'ayin jtuhl squerem-al te awihnam Elisabet, Juan sbihil ya me xc'oht awu'un.

San Lucas 1:30

Ha yu'un hich halbot yu'un te ch'ul a'bat: Ma xiwat, María, bayel yutsil yo'tan awu'un te Diose.

San Lucas 12:32

Ma me xiwex, tut jtsohb tuminchijex, como te Atatic lec ya ya'iy te ya ya'beyex te cuentahinel yu'une.

Hechos 10:22

La sjaq'uic: Te Cornelio, te capitán-soldado te lec yo'tan ta winiquil soc yich'oj ta muc' te Dios, soc te lec sc'oblal ta stojol spisil te nación yu'un te judíohetic, pasot ta mandar yu'un jtuhl ch'ul a'bat te ya me xtalat ta sna scuenta yu'un ya ya'iybat ac'op, xchihic.

1 Corintios 3:22

teme ha te Pablo, o Apolos, o Cefas, o bahlumilal, cuxlejal, lajel, te bin ay ta ora ini o te bin ya xc'oht ta pasel ta patil. Spisil awu'unic,

Deuteronomio 18:2

Mayuc bin ya x'a'bot yu'untayic ta yohlil te yermanotac; ha sq'uinalic c'ohem te Jehová, hich te bin ut'il halbotic yu'un.

Deuteronomio 31:6

Ac'a me fuersa soc ayuc me yip awo'tanic, ma me xiwex, ma me xnihc awo'tanic ta stojolic, como ha te Jehová te Dios awu'un te ya sjoquinat bahel; ma ba ya yihquitayat soc ma ba spihtesat, xchi te Moisés.

Hebreos 1:1

Te Dios bayel buelta soc bayel bin ut'il la sc'opon te antiguo jme'jtatic ta namey ta scuenta te jalwanejetic;

Apocalipsis 1:17

Te c'alal la jquile, puch'on ta ye'tal yoc, hich c'ohon te bin ut'il chamenon. La scajambon swa'el-c'ab ta jtojol, hich la yalbon: Ma me xiwat. Ho'on te shahchibalon soc te slajibalon,

Rut 2:12

Te Jehová ac'a stojat yu'un te bintic la apas, soc yacuc x'a'botat amahtan yu'un Jehová te Dios yu'un Israel, te tal awac' aba ta ye'tal xic' yu'une, xchi.

1 Samuel 15:10

Tal sc'op Jehová ta stojol te Samuel:

1 Samuel 9:9

(Ta namey ta Israel, mach'ayuc a te ay bin ya sc'an ya sjoc'obe te Diose, hich ya yal: Con quiltic te j'il-q'uinal, xchihic; como te mach'a jalwanej sbihil ta ora ini, ha j'il-q'uinal sbihil ta hich ora.)