Génesis 14:7 - Bible in Tzeltal Bachajón

⁷ Tey suhtic a, c'ohtic ta En-mispat, ha te Cades, la sjimbeyic spisil te sq'uinal te amalequetic soc te amorreohetic te nahinemic ta Hazezon-tamar.

Bible in Tzeltal de Oxchuc y Tenejapa

⁷ Sujt'ic tel te Quedorlaomer soc te mach'atic sjoinej sba soc, c'otic ta Enmispat, te Cades yan sbiile. La sjinic te c'alal c'axic tel spisil te sq'uinal amalequetic, soc te sq'uinal amorreoetic te nainemic ta lum Hazezón-tamar.

Génesis 14:7 ပူးပေါင်းရင်းမြစ်များ

Génesis 16:14

Ha yu'un la ya'be sbihil te pozo: Pozo yu'un te Mach'a Cuxul te ya yilon, xchi. Ay ta ohlil yu'un Cades soc Bered.

Génesis 20:1

Te Abraham loc' bahel tey a, baht ta sq'uinal Neguev; c'oht spas snahil-pac' ta Gerar te ay ta ohlil yu'un Cades soc Shur. Nahin ta Gerar hich te bin ut'il jyanlum.

Génesis 36:12

Ay yan ants la yic' te Elifaz te snich'an Esaú, Timna sbihil, ha Amalec te yale. Hich ay te yalatac Ada te yihnam Esaú.

Génesis 36:16

Coré, Gatam soc Amalec. Ha'ic te jtsobawetic yu'un te sts'umbal Elifaz ta sq'uinal Edom; ha'ic te yalatac Ada.

2 Crónicas 20:2

Ay mach'atic tal yalbeyic te Josafat: C'ax bayelic yac ta talel ta atojol ta jehch Mar Muerto, ta Edom; tey ayiquix a ta Hazezon-tamar, ha te En-gadi, xchihic.

Ezequiel 47:10

Ay jtsac-chayetic ta sti'il, c'alal En-gadi c'alal ta En-eglaim tey ya st'imic a te stsaco-chayique. Bayel ta chahp chayetic, hich te bin ut'il te chayetic ta Muc'ul Mar.

Ezequiel 48:28

Ta sti'il sq'uinal Gad ta stojol sur, ya xhahch ta Tamar ya xc'oht c'alal ta ha'etic yu'un Meriba-cades, ya xc'ax ta Uc'um yu'un Egipto c'alal ta Muc'ul Mar.

Números 13:26

C'ohtic ta stojol te Moisés, Aarón soc spisil te pueblo yu'un te snich'nab Israel ta Cades ta jochol taquin q'uinal Parán. La yalbeyic te Moisés, Aarón soc spisil te pueblo bin la yilic, soc la ya'be yilic te sit ts'unub-awalil yu'un te q'uinale.

Números 14:43

Como te amalequetic soc te cananeohetic tey ya xc'oht atahic a, ya me xlajex ta espada yu'unic. Ta scaj te la awihquitayic st'unel te Jehová, hich ma ba ya sjoquinex, xchi.

Números 14:45

Hich cohic tal te amalec soc te cananeo te nahinemic tey ta wits, la yehchentesic te israeletic soc la slajinic, la snutsic bahel c'alal ta Horma.

Números 20:1

C'ohtic spisil te pueblo yu'un te snich'nab Israel ta jochol taquin q'uinal Zin ta shahchel u, la spas scampamentohic ta Cades. Tey cham a te María, soc tey la yich' muquel a.

Números 24:20

Te Balaam la yil te Amalec, hich la yal ta sc'op-jalwanej: Te Amalec ha jolal yu'un te nacionetic, pero ta patil jc'axel jimbil ya xc'oht, xchi.

Deuteronomio 1:19

Loc'otic tal ta Horeb, la jbehentaytic spisil te xiweltic sba muc'ul jochol taquin q'uinal te awilojic, ta sbehlal te witsiltic yu'un amorreohetic, hich te bin ut'il la spasotic ta mandar te Jehová te Dios cu'untic, hich c'ohotic ta Cades-barnea.

Deuteronomio 1:46

Ha scuentahil te bayel c'ahc'al hilex ta Cades.

Josué 15:62

Nibsán, Pueblo yu'un Ats'am, soc En-gadi; waqueb pueblohetic soc te tut pueblohetic yu'unique.