Génesis 14:2 - Bible in Tzeltal Bachajón

² la ya'beyic guerra te Bera ajwalil yu'un Sodoma, te Birsa ajwalil yu'un Gomorra, te Sinab ajwalil yu'un Adma, te Semeber ajwalil yu'un Zeboim, soc te ajwalil yu'un Bela, ha te Zoar.

Bible in Tzeltal de Oxchuc y Tenejapa

² Te chaneb muc' ajwaliletic la yac'beyic guerra te jo'eb muc' ajwaliletic, ja' te muc' ajwalil yu'un te lum Sodoma te Bera sbiil, soc te muc' ajwalil yu'un te lum Gomorra te Birsa sbiile, soc Sinab te muc' ajwalil yu'un lum Adma, soc Semeber te muc' ajwalil yu'un lum Zeboim soc te muc' ajwalil yu'un lum Bela, ja' te Zoar yan sbiile.

Génesis 14:2 ပူးပေါင်းရင်းမြစ်များ

Génesis 10:19

Te sti'sts'ahcan te cananeohetic hahch ta Sidón, c'ax ta stojol Gerar c'alal Gaza; c'ax ta stojol Sodoma, Gomorra, Adma, Zeboim, c'alal ta Lasa.

Génesis 13:10

Te Lot la shach sit, la yil spisil te spamlej yu'un Jordán te ay bayel ha'etic tey a, hich yilel te bin ut'il sts'unub-yawal Jehová, hich yilel te bin ut'il te sq'uinal Egipto ta stojol Zoar. Hich ay a te c'alal ma to ba sjinoj Jehová te Sodoma soc te Gomorra.

Génesis 13:12

Te Abram hil ta nahinel ta sq'uinal Canaán stuquel, yan te Lot c'oht nahinuc ta pueblohetic ta spamlej, la spasulan bahel snahilpac' ha to c'alal c'oht ta Sodoma.

Nehemías 11:34

Hadid, Seboim, Nebalat,

Isaías 15:5

Ya x'awon co'tan ta scuenta Moab; te mach'atic yu'un te loq'uic ta ahnel, ya xbahtic c'alal ta Zoar, c'alal ta Eglat-selisiya. Ta mohel q'uinal yu'un Luhit ya xmohic bahel ta oq'uel; ta sbehlal bahel Horonaim ya x'awonic yu'un te jinele.

Jeremías 48:34

Te aw yu'un Hesbón ya xc'oht c'alal ta Eleale; c'alal Jahaza awonic, ta Zoar c'alal ta Horonaim soc Eglat-selisiyá, como taquijiquix te ha'etic yu'un Nimrim.

Oseas 11:8

¿Bin ut'il ya xhu' ya quihquitayat, Efraín? ¿Bin ut'il ya xhu' ya cac'at ta c'abal, Israel? ¿Bin ut'il ya xhu' te hich ya jpasbat te bin ut'il Adma, o te hich ya cac'at te bin ut'il Zeboim? Bayel ya xc'opoj co'tan, hahchemix spisil te c'uxultaywanej cu'une.

Deuteronomio 29:23

Spisil te q'uinal ha azufre soc ats'am, c'ahq'uem spisil te lum, mayuc bin ya yich' ts'unel soc mayuc bin ya sitin, ni junuc ha'mal ya xch'ihy tey a, hich te bin ut'il c'oht ta pasel c'alal laj te Sodoma, Gomorra, Adma soc Zeboim, te la slajinlan te Jehová ta scuenta sc'ahc'al yo'tan soc yilimba.

Deuteronomio 34:3

te Neguev, te spamlej yu'un Jericó, ha te pueblo yu'un xanetic, c'alal ta Zoar.

1 Samuel 13:18

jchahp baht ta Bet-horón, te yoxebal baht ta sti'il q'uinal te ya yil cohel ta spamlej yu'un Zeboim, ta stojol te jochol taquin q'uinal.