Génesis 13:2 - Bible in Tzeltal Bachajón

² Te Abram ay bayel chambahlametic soc oro soc plata yu'un.

Bible in Tzeltal de Oxchuc y Tenejapa

² Ay bayal sc'ulejal te Abram, ay bayal xchamsbalam, soc ay bayal oro soc plata yu'un.

Génesis 13:2 ပူးပေါင်းရင်းမြစ်များ

Génesis 12:16

Lec bin la spasbe te Abram ta scuenta te antse; la ya'be tuminchijetic, wacaxetic, burrohetic, a'bat ants-winiquetic, burrahetic, soc camellohetic.

Génesis 13:6

Te q'uinale ma tic'uc ya xnahin schebalic a, yu'un bayel sbiluquic, ha yu'un ma ba hu' ya xnahinic ta junax lugar.

Génesis 24:1

Mamalix te Abraham, ayix bayel ya'bilal a; a'botix bayel bendición yu'un Jehová ta stojol spisil.

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 26:14

Ay bayel tuminchijetic, wacaxetic soc a'batetic yu'un; hahch ta ti'ti'o'tantayel yu'un te filisteohetique.

Génesis 30:43

Hich bayel p'ohl sc'ulejal te Jacob, ay tsobol tuminchijetic, criadahetic soc a'batetic, camellohetic soc burrohetic yu'un.

Job 1:10

¿Ma bal ajoytayej soc te mach'atic ay yu'un soc te bintic ay yu'une? Awa'beyej bendición spisil te ya'tel, ha yu'un te bayel p'ohlem te bintic ay yu'un ta q'uinal.

Job 1:3

Ay lajunwinic swaxaclajunbahc' (7,000) tuminchijetic, lajunwinic swaxacbahc' (3,000) camellohetic, ho'winic scha'bahc' (500) ta chahp j'a'tel-wacaxetic, ho'winic scha'bahc' (500) me' burrahetic soc bayel a'batetic yu'un. Ha te winic te c'ax hich muc' sc'oblal a te bin ut'il spisil te yantic ayic ta stojol banti ya xloc' tal c'ahc'al.

Proverbios 10:22

Te bendición yu'un Jehová ya yac' c'ulejalil, soc ma ba ya yac' mel-o'tan.

San Mateo 6:33

Ha nahil xalehic te cuentahinel yu'un Dios soc te bin stojil ta pasel yu'un, hich me ya x'a'botex spisil a ini.

Deuteronomio 8:18

Pero ya me ana' te Jehová te Dios awu'un, como ha nax stuquel te ya ya'bat awip ta stahel te c'ulejaliletic, scuenta yu'un hich ya xc'oht ta pasel yu'un a te chapbil-c'op te jc'axel la yalbe ta jamal te ame'atatic, hich te bin ut'il ta ora ini.

1 Timoteo 4:8

aunque ay stuc te slecubtesel baq'uet, ha bayel xan stuc te slecubtesel o'tanil, yu'un ay bin ya jtahtic yu'un ta cuxlejal ini soc ta patil te ya xtale.

1 Samuel 2:7

Te Jehová ya x'ac'awan ta pobre soc ya x'ac'awan ta jc'ulej; ya spehc'ambe sc'oblal soc ya stohytesbe sc'oblal.