Génesis 13:16 - Bible in Tzeltal Bachajón

¹⁶ Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Bible in Tzeltal de Oxchuc y Tenejapa

¹⁶ Jich me yipal ats'umbal ya xc'oat cu'un te bit'il ts'ubil lume. Ma xju' ta ajtayel te ts'ubil lum, soc ja' nix jich ma xju' ta ajtayel te ats'umbale.

Génesis 13:16 ပူးပေါင်းရင်းမြစ်များ

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Génesis 16:10

Hich halbot xan yu'un te ch'ul a'bat yu'un Jehová: Hich ya jp'ohltesbat ats'umbal te ma xhu' ta ahtayel yu'un yipal, xchi.

Génesis 17:16

Ya ca'be bendición, soc ya ca'bat anich'an ta scuenta. Hich, ya ca'be bendición soc ha nanil ya xc'oht yu'un bayel nacionetic; ya xchicnaj ta scuenta bayel ajwaliletic, xchi.

Génesis 17:2

Ya jpas chapbil-c'op ta atojol soc ya cac' te c'ax bayel ya xp'ohl ats'umbal, xchi.

Génesis 17:20

Yan te Ismael, la jca'iy te bin la awal. Ya ca'be bendición, ya cac' p'ohluc bayel sts'umbal; ha stat lahchayeb ajwaliletic ya xc'oht, soc muc'ul nación ya xc'oht cu'un.

Génesis 17:6

Ya cac' te c'ax bayel ya xp'ohlat, bayel ta chahp nacionetic ya xc'ohat soc bayel ajwaliletic ya xchicnaj ta acuenta.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Génesis 21:13

Soc te yal te criada, muc'ul nación ya xc'oht cu'un, como ha'at nix ats'umbal, xchi.

Génesis 22:17

ya me ca'bat bendición soc ya cac' te ya xp'ohl ats'umbal hich yipal te bin ut'il eq'uetic te ay ta ch'ulchan soc te hi' te ay ta sti'il mar; soc te ats'umbal ya me stsal spisil scontratac.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.

Génesis 28:3

Ac'a ya'bat bendición te Dios te spisil ya xhu' yu'un, soc ac'a p'ohlucat, bayeluc me ats'umbal ya xc'oht ha to c'alal bayel ta chahp pueblohetic ya xc'ohat.

Génesis 32:12

Hich awaloj: Ya cac' te lec ya xc'ohat, soc hich yipal ya xc'oht ats'umbal cu'un te bin ut'il shi'al mar te ma xhu' ta ahtayel, xchi ta sc'oponel Dios.

Génesis 32:13

Tey way ta ahc'abal a, soc ta yohlil te bintic ay yu'un la stsabe smahtan te Esaú te sbanquil:

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

1 Reyes 3:8

Te awa'bat ay ta stojol te pueblo te tsahbil awu'un, ha muc'ul pueblo te ma xhu' ta ahtayel yu'un yipal.

1 Reyes 4:20

Te Judá soc Israel mero bayelic, hich te bin ut'il hi' ta ti'mar. Yacalic ta we'el uch'el, soc mero tse'el yo'tanic.

2 Reyes 13:23

Pero te Jehová sts'ujet ta yo'tan ta stojolic, la sna'be yo'bolil sbahic yu'un te chapbil-c'op soc Abraham, Isaac soc Jacob. Ma ba la sc'an la slajinlan soc te la sloq'ues ta stojol c'alal ora.

1 Crónicas 21:5

loc' ta spisil Israel j'ohlil swaxaclajuneb shucwinic ta pic (1,100,000) winiquetic te ya sna'ic yaq'uel guerra, soc ta Judá ay waxaclajuneb yoxwinic ta pic soc ho'lajunbahc' (470,000) ta tuhl.

1 Crónicas 27:23

Te David ma ba la yahtay te mach'atic ma to stahojic jtahb (20) ya'bilal, como te Jehová yaloj te ya yac' p'ohluc te Israel hich te bin ut'il eq'uetic ta ch'ulchan.

2 Crónicas 1:9

Ha yu'un, Jehová Dios, c'ohtesa ta pasel te bin la awalbe te jtat David; como ha'at awac'ojon ta ajwalil ta stojol jun pueblo te hich yipal te bin ut'il ts'u'lum ta q'uinal.

Job 5:25

Soc yac awil te ay bayel ats'umbal, te ats'umbal hich yipal te bin ut'il ha'maletic ta q'uinal.

Éxodo 1:7

Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Éxodo 32:13

Na'a me te Abraham, Isaac, soc Israel, te a'batetic awu'un, te jc'axel awalbeyej ta jamal ta atojol nix, te hich la awalbe: Ya cac' p'ohluc ats'umbalic hich te bin ut'il eq'uetic ta ch'ulchan; soc ya ca'be ats'umbalic spisil te q'uinal ini te la jcalbeyex sc'oblal, ha yu'unic ya xc'oht spisil ora, te xchihate, xchi.

Jeremías 33:22

Hich te bin ut'il ma xhu' ta ahtayel te eq'uetic ta ch'ulchan o te shi'al mar, hich ya cac' te ya xp'ohl te sts'umbal te ca'bat David soc te levitahetic te ya x'a'tejic ta jtojol, xchi.

Números 23:10

¿Mach'a ya xhu' ya yahtay te ts'u'lum yu'un Jacob, o te jun ta schanebal parte yu'un te Israel? Ac'a chamucon hich te bin ut'il ya xcham te mach'atic toj yo'tanic, ha'uc nix hich ya xlaj corahil, xchi.

Deuteronomio 1:10

Te Jehová te Dios awu'unic la sp'oltesexix hich yipal te bin ut'il eq'uetic ayic ta ch'ulchan.

Hebreos 11:12

Ha yu'un ta scuenta jtuhl winic te c'ax mamalix, tsobol loq'uic a hich te bin ut'il eq'uetic ta ch'ulchan soc hich te bin ut'il shi'al mar te ma xhu' ta ahtayel.

Apocalipsis 7:9

Patil la jquil c'ax tsobolic, mayuc mach'a ya xhu' ya yahtay, talemic ta spisil ta chahp nacionetic, ts'umbaliletic, pueblohetic soc c'opiletic; tec'ajtic ta stojol te muc'ul-huctajibal soc ta stojol te Jcolel Tuminchij, slapojic sac sc'u' spaq'uic soc stuchticlanejic xahn ta sc'abic.

Jueces 6:3

Teme ay bin ts'umbil yu'un Israel, mohic tal ta contrahinel yu'un te madianetic, amalequetic soc te mach'atic talemic ta stojol banti ya xloc' tal c'ahc'al.

Jueces 6:5

Talic soc snahilpaq'uic soc schansbahlamic hich te bin ut'il c'ax bayel c'ulubetic. Ma ba hu' ta ahtayel soc scamellohic; ha talic yu'un ya sjinic te q'uinale.