Génesis 12:2 - Bible in Tzeltal Bachajón

² Muc'ul nación ya xc'ohat cu'un, soc ya ca'bat bendición ta atojol, muc' ya xc'oht abihil cu'un, soc ha'at bendición ya xc'ohat.

Bible in Tzeltal de Oxchuc y Tenejapa

² Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Génesis 12:2 ပူးပေါင်းရင်းမြစ်များ

Génesis 13:16

Hich yipal ats'umbal ya xc'oht cu'un te bin ut'il ts'ubil lum. Teme ay mach'a ya xhu' ya yahtay te ts'ubil lum, ha nix hich ya xhu' ya yahtay te ats'umbale.

Génesis 15:5

Hich la yic' loq'uel ta fuera soc la yalbe: Ilawil te ch'ulchan, ahtaya te eq'uetic teme ya xhu' awu'une, xchi. Soc la yalbe xan: Hich yipal ats'umbal ya xc'oht, xchi.

Génesis 17:20

Yan te Ismael, la jca'iy te bin la awal. Ya ca'be bendición, ya cac' p'ohluc bayel sts'umbal; ha stat lahchayeb ajwaliletic ya xc'oht, soc muc'ul nación ya xc'oht cu'un.

Génesis 18:18

te bin ut'il muc'ul nación ya xc'oht te ay bayel yip, soc te bin ut'il spisil te nacionetic ta bahlumilal ya x'a'bot bendición ta scuenta?

Génesis 18:19

Como ya jna' te ya me spas ta mandar te yal-snich'nab soc te mach'atic ay yu'un ta patil te ya me st'unic te be yu'un Jehová, ha te ya spasic te bintic toj soc te bintic lec ta pasel, scuenta yu'un te Jehová ya yac' c'ohtuc ta pasel ta stojol Abraham te bin yalbeyej ta jamal.

Génesis 19:29

Hich te c'alal Dios la slajinlan te pueblohetic ta spamlej, la sna' te Abraham, hich la sticon loq'uel te Lot ta yohlil te jinel te la slajinlan te pueblohetic ta banti nahinem.

Génesis 24:1

Mamalix te Abraham, ayix bayel ya'bilal a; a'botix bayel bendición yu'un Jehová ta stojol spisil.

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 25:11

C'alal chamenix a te Abraham, Dios la ya'be bendición te Isaac te snich'an. Tey nahin ta pozo ‘Te mach'a cuxul te ya yilon’ te xchi sbihile.

Génesis 26:3

Nahinan hich te bin ut'il jbehyom li' ta q'uinal ini. Ya joquinat soc ya ca'bat bendición, yu'un ya ca'bat aq'uinalin soc ats'umbal spisil te q'uinal ini, soc ya cac' c'ohtuc ta pasel te bin caloj ta jamal ta stojol te atat Abraham.

Génesis 26:4

Ya cac' p'ohluc ats'umbal hich yipal te bin ut'il eq'uetic ta ch'ulchan, soc ya ca'be sq'uinalin ats'umbal spisil te q'uinal ini. Ta scuenta ats'umbal ya x'a'botic bendición spisil nacionetic ta bahlumilal,

Génesis 27:29

Ac'a yac' sbahic ta a'batinel awu'un tsobol ants-winiquetic, soc ac'a snijan sbahic ta atojol te nacionetique. Ac'a yajwalinat awermanotac, ac'a snijan sbahic ta atojol te yalatac te anane. Bohlubuc me sc'oblal te mach'a ya sbohlobtesbat ac'oblal, soc lecuc me sc'oblal te mach'a ya ya'bat bendición, xchi.

Génesis 28:14

Hich yipal ats'umbal ya xc'oht te bin ut'il ts'ubil lum, soc ya jpucat bahel ta stojol smahlib c'ahc'al, ta stojol banti ya xloc' tal c'ahc'al, ta stojol norte, soc ta stojol sur; soc ya x'a'bot bendición spisil ants-winiquetic ta swohlol bahlumilal ta acuenta soc ta scuenta ats'umbal.

Génesis 35:11

Soc halbot xan yu'un Dios: Ho'on Dioson te spisil ya xhu' cu'un: nich'najanic soc p'ohla abahic. Jun nación soc bayel ta chahp nacionetic ya xchicnaj ta acuenta, soc bayel ta tuhl ajwaliletic ya xloc' tal ta abaq'uetal.

Génesis 46:3

La yal te Diose: Ho'on Dioson, te Dioson yu'un te atate. Ma me xaxi' te ya xcohat bahel ta Egipto, yu'un tey ya cac' a te muc'ul nación ya xc'ohat.

2 Samuel 7:9

Joquinejat ta bayuc behenat, la jlajimbat ta atojol spisil te acontratac, soc la jtoybe sc'oblal abihil, hich te bin ut'il sbihilic te mach'atic muc' sc'oblalic ta bahlumilal.

1 Reyes 1:47

Soc te a'batetic yu'un te ajwalil talic ta yalbeyel yutsilal te David te ajwalil cu'untic, hich la yalic: Dios ac'a yac' muc'ubuc xan ta halel sbihil te Salomón te bin ut'il te abihile, soc muc' xan ac'a c'ohtuc te shuctajib te bin ut'il te awu'une, xchihic. Soc te ajwalil la sch'uhuntay Dios ta swayib,

Job 35:8

Te bin chopol yac apas, ha nax yac awuts'in a te ants-winic te pajalat soque, soc te bin stojil yac apas, ha nax ay bin ya sta a te snich'nab winic.

Salmos 107:38

Dios ya ya'be bendición, c'ax bayel ya xp'ohlic, soc ma ba ya yac' te ya xpehc'aj te wacaxetic yu'unique.

Éxodo 1:7

Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Éxodo 32:10

Ha yu'un ihquitayawon yu'un ya cac' tihluc hahchel quilimba ta stojolic, ya jlajinlan. Yan te ha'ate muc'ul nación ya xc'ohat cu'un, xchi.

Isaías 51:2

Ilawil te Abraham te atatic, soc te Sara te la yalatayex; como te c'alal stuquel ay a, la jquic' talel, la jca'be bendición soc la jcac' p'ohluc.

Ezequiel 34:26

Ya ca'be bendición ta stojolic soc ta sjoyobal te tsehl cu'un, soc ya cac' te ya xtal ha'al ta yorahil; ha'al yu'un bendición ya xc'oht.

Miqueas 7:20

Stalel junuc me awo'tan ta stojol Jacob, soc ya me ac'uxultay te Abraham, hich te bin ut'il la awal ta jamal ta namey ta stojol te me'iltatiletic cu'uncotique.

Zacarías 8:13

Hich te bin ut'il bohloben c'oblalil c'ohemex ta yohlil te nacionetic, pueblohex Judá soc pueblohex Israel, ha nix hich ya jcoltayex soc ha bendición ya xc'ohex. ¡Ma me xiwex! ¡A'beyahic yip ac'abic! xchi.

Números 14:12

Ya quehchenteslan ta jmilawal-chamel soc ya jlajinlan; yan te ha'ate jun nación ya xc'ohat cu'un te c'ax hich smuc'ul soc c'ax hich yip a, xchi.

Números 22:12

Pero halbot yu'un Dios te Balaam: Ma me xbahat soc, ma me xabohlobtesbe sc'oblalic, como yich'ojic bendición, xchi.

Números 23:20

Ilawil, pasbilon ta mandar ta sc'anel bendición; ha la yac' bendición, ma xhu' ya jlajimbe sc'oblal.

Romanos 4:11

Ha la yich' circuncisión scuenta seña, ha sello c'oht yu'un te toj ay yu'un te sch'uhunel yo'tan te c'alal ma to ba yich'oj circuncisión a. Ha scuentahil te ha tatil yu'un spisil mach'atic ay sch'uhunel yo'tanic te ma ba yich'ojic circuncisión, scuenta yu'un ha nix hich toj ya x'ilotic yu'un Dios te bin ut'il ay sch'uhunel yo'tanic.

Gálatas 3:14

scuenta yu'un ta scuenta Cristo Jesús ya xc'oht ta stojol te jyanlumetic te bendición yich'oj te Abraham, scuenta yu'un ta scuenta sch'uhunel co'tantic ya xhu' ya quich'tic te Espíritu te yaloj Dios te ya ya'botique.

Gálatas 3:7

Ha yu'un na'ahic me te ha yal-snich'nab Abraham te mach'atic ay sch'uhunel yo'tanique.

Deuteronomio 26:5

Hich yac awal ta stojol te Jehová te Dios awu'un: Jbehyomal arameo te jtat te co bahel ta Egipto banti c'oht ta nahinel, mayuc tsobolic a. Tey c'atp'uj ta muc'ul nación a te bayel yip soc tsobolic.