Génesis 12:16 - Bible in Tzeltal Bachajón

¹⁶ Lec bin la spasbe te Abram ta scuenta te antse; la ya'be tuminchijetic, wacaxetic, burrohetic, a'bat ants-winiquetic, burrahetic, soc camellohetic.

Bible in Tzeltal de Oxchuc y Tenejapa

¹⁶ Te faraón la xc'uxtay te Abram ta swenta Sarai. La yac'bey ta majt'anil tsobol chijetic, wacaxetic, burroetic soc tsobol winiquetic antsetic te ac'bot smozoine, soc tsobol camelloetic.

Génesis 12:16 ပူးပေါင်းရင်းမြစ်များ

Génesis 13:2

Te Abram ay bayel chambahlametic soc oro soc plata yu'un.

Génesis 13:6

Te q'uinale ma tic'uc ya xnahin schebalic a, yu'un bayel sbiluquic, ha yu'un ma ba hu' ya xnahinic ta junax lugar.

Génesis 16:1

Te Sarai, te yihnam Abram, ma ba alaj; pero ay jtuhl scriada egipcia-ants, Agar sbihil.

Génesis 20:14

Ha yu'un te Abimelec la yic' tal tuminchijetic, wacaxetic soc a'bat ants-winiquetic, la ya'be te Abraham, soc la suhtbe te Sara te yihname.

Génesis 24:35

Bayel bendición a'bibil yu'un Jehová te cajwal, soc muc'ubtesbot sc'oblal yu'un; a'bot tuminchijetic, wacaxetic, plata soc oro, a'bat ants-winiquetic, camellohetic soc burrohetic.

Génesis 26:14

Ay bayel tuminchijetic, wacaxetic soc a'batetic yu'un; hahch ta ti'ti'o'tantayel yu'un te filisteohetique.

Génesis 30:43

Hich bayel p'ohl sc'ulejal te Jacob, ay tsobol tuminchijetic, criadahetic soc a'batetic, camellohetic soc burrohetic yu'un.

Génesis 32:5

Ayix wacaxetic, burrohetic, tuminchijetic soc a'bat ants-winiquetic cu'un. La jticon tal te c'op ini ta stojol te cajwal scuenta yu'un ayuc yutsil awo'tan ta jtojol, xchihex me.

Job 1:3

Ay lajunwinic swaxaclajunbahc' (7,000) tuminchijetic, lajunwinic swaxacbahc' (3,000) camellohetic, ho'winic scha'bahc' (500) ta chahp j'a'tel-wacaxetic, ho'winic scha'bahc' (500) me' burrahetic soc bayel a'batetic yu'un. Ha te winic te c'ax hich muc' sc'oblal a te bin ut'il spisil te yantic ayic ta stojol banti ya xloc' tal c'ahc'al.

Job 42:12

Te Jehová c'ax hich la ya'be bendición a te Job te bin ut'il ay ta nahil to. Ay jpic soc ho'lajunbahc' (14,000) tuminchijetic, ho'lajunbahc' (6,000) camellohetic, lajunwinic yoxbahc' (1,000) ta chahp j'a'tel-wacaxetic, soc lajunwinic yoxbahc' (1,000) me' burrahetic.

San Lucas 12:45

Yan te a'bat te hich ya yal ta yo'tan: Ma xtal ta ora te cajwal, teme xchihe, hich ya xhahch smajticlan te a'batetic soc te criadahetic, soc ya xhahch ta we'el uch'el soc ta yacubel,