Génesis 12:1 - Bible in Tzeltal Bachajón

¹ Te Jehová yalbeyejix te Abram: Loc'an bahel ta aq'uinal, ta stojol te mach'atic ay awu'un soc ta sna atat, bahan ta q'uinal te ya ca'bat awil.

Bible in Tzeltal de Oxchuc y Tenejapa

¹ Te Cajwaltic la yalbey te Abram: —Loc'an tel ta alumal soc ta sna atat, ijq'uitaya jilel te mach'atic ay awu'une, baan ta q'uinal te ya cac'bat awile.

Génesis 12:1 ပူးပေါင်းရင်းမြစ်များ

Génesis 15:7

Hich halbot yu'un te Jehová: Ho'on Jehovahon te la jquic'at loq'uel tal ta Ur yu'un te caldeohetic yu'un ya ca'bat aq'uinalin te q'uinal ini, xchi.

Génesis 20:13

Te c'alal Dios la yic'on loq'uel tal ta sna jtat, hich la jcalbe: Hich me xac'uxultayon: Bayuc ya xbohotic ya me awal te ho'on abanquilon, xchihon.

Génesis 24:38

Ya me xbahat ta sna te jtat soc te quermanotac, tey me xalehbon yihnam a te jnich'ane, xchi.

Génesis 24:4

Ya me xbahat ta jlumal ta banti ay quermanotac, tey ya xc'oht alehbon yihnam a te jnich'an Isaac, xchi.

Génesis 24:7

Te Jehová, te Dios yu'un te ch'ulchan, te la yic'on loq'uel tal ta sna te jtat soc ta slumal te quermanotac, te la sc'oponon soc te hich la yalbon ta jamal: Ya ca'be ats'umbal te q'uinal ini, te xchihe, ya sticon te ch'ul a'bat yu'un te ya xnahilij bahel awu'un, yu'un tey ya xc'oht alehbe yihnam a te jnich'ane.

Génesis 26:2

Te Jehová la yac' sba ta ilel ta stojol, hich la yalbe: Ma me xcohat bahel ta Egipto, nahinan ta q'uinal banti ya calbat.

Nehemías 9:7

Ha'at, Jehová, te Dios te la stsa te Abram, la awic' loq'uel tal ta Ur yu'un te caldeohetic soc la awa'be sbihilin Abraham.

Isaías 37:12

¿Coltayotic bal yu'un te diosetic yu'un te nacionetic te jinotic yu'un te jme'jtat, ha te Gozán, Harán, Resef, soc te mach'atic yu'un Edén te nahinemic ta Telasar?

Isaías 41:9

yu'un la jloq'uesat tal c'alal ta sti'il te q'uinale, la jquic'at loq'uel tal ta namal q'uinal, hich la jcalbat: Ha'at a'batat cu'un, la jtsahat, ma ba la jch'ojat bahel.

Isaías 51:2

Ilawil te Abraham te atatic, soc te Sara te la yalatayex; como te c'alal stuquel ay a, la jquic' talel, la jca'be bendición soc la jcac' p'ohluc.

Ezequiel 33:24

Snich'anat winic, te mach'atic nahinemic ta banti jihnem te sq'uinal Israel, hich ya yalic: Jtuhl nax te Abraham, pero la yu'untay te q'uinale; te ho'otic tsobolotic, a'bibilotic cu'untaytic te q'uinale, xchihic.

Números 10:30

Ma xbohon; ya suhton bahel ta jq'uinal soc ta stojol te jmohlol-ts'ahquil, xchi te Hobab.

2 Corintios 6:17

Ha yu'un loc'anic tal ta yohlilic, parte me xawac' abahic, xchi te Cajwaltique. Ma me xapiquic te bin bohloben sc'oblal, hich ya quiq'uex ta jtojol a.

Hebreos 11:8

Ta scuenta sch'uhunel yo'tan te Abraham, c'alal ic'ot yu'un Dios, la sch'uhun mandar te ya xbaht ta yan lugar te ya x'a'bot yich'; hich loc' bahel, ma ba sna'oj te banti yac ta bahele.

Apocalipsis 18:4

La jca'iy yan mach'a c'opoj tal ta ch'ulchan, hich la yal: Loc'anic tal ta stojol, pueblo cu'un, scuenta yu'un ma pajaluc yac ata amulic soc, scuenta yu'un ma pajaluc yac awich'ic castigo soc a.