Génesis 11:4 - Bible in Tzeltal Bachajón

⁴ Patil la yalic: Conic, jpastic muc'ul pueblo soc muc'ul toyol ts'ahc te ya xc'oht c'alal ta ch'ulchan; hich muc' ya xc'oht jc'oblaltic soc hich ma ba ya xpuhcotic bahel ta sba te bahlumilal, xchihic.

Bible in Tzeltal de Oxchuc y Tenejapa

⁴ Soc jich la xchajbanic: —La'ic jpastic muc'ul lum, soc ya me jpastic jun muc'ul toyol ts'ajc' te bayal ta caj moel, c'alal ta ch'ulchan ya xc'ot cu'untic. Ja' lec muc' ac'a c'otuc jc'oplaltic, ma me xpujc'otic bael ta spamal balumilal —xiic.

Génesis 11:4 ပူးပေါင်းရင်းမြစ်များ

Génesis 6:4

Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

2 Samuel 8:13

Puhc sc'oblal te David ta bayuc te c'alal suht tal ta stsalel cha'pic soc ho'bahc' (18,000) edometic ta Spamlej Ats'am.

Salmos 107:26

Mohic c'alal ta ch'ulchan, cohic c'alal ta sc'ubulil mar; ch'ay yo'tanic yu'un swocolic.

Salmos 92:9

Li' ay te acontratac, Jehová, ya me xlajic te acontrataque; spisil te mach'atic chopol ya'telic ya me yich'ic puhquel bahel.

Proverbios 10:7

Ha bendición te sna'ojibal te mach'a toj yo'tan, yan te sbihil te mach'a chopol yo'tan, ya me xc'a'.

Jeremías 51:53

Aunque ya xmo bahel c'alal ta ch'ulchan te Babilonia soc te ya ya'be xan yip te ahnibal yu'un te ay ta toyol, ya jticon bahel jlajinwanejetic ta stojol, xchi te Jehová.

Daniel 4:11

Te te' muc'ub bahel soc tulan c'oht, te sni'il c'oht c'alal ta ch'ulchan, chican ta ilel ta spisil te q'uinale.

Daniel 4:22

ha'at nix, ajwalil, te muc'ubat soc te la awich' awip. Te amuc'ul c'ohem c'alal ta ch'ulchan, soc te cuentahinel awu'un c'ohem c'alal ta sti'il te q'uinale.

Daniel 4:27

Ha yu'un, ajwalil, ich'a ta cuenta te bin ya calbat, toja amul ta scuenta spasel te bin toj, soc toja te bin chopol ta scuenta te yac ac'uxultay te mach'atic ayic ta uts'inel, hich wan ya xnahtij te lamal q'uinal yac awa'iy, xchi.

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

San Lucas 1:51

Bayel bintic muc' spasticlanej ta sc'ab; la spucticlan bahel te mach'atic stoyoj sbahic yu'un te bin snopoj ta yo'tanic.

San Juan 5:44

¿Bin ut'il c'an ach'uhunic teme talel c'axel yac awalbel abahic yutsil ac'oblalic, te ma ha'uc yac alehic te yutsil ac'oblalic te ya xtal ta stojol te Dios te stuquel ay?

Deuteronomio 1:28

¿Banti ya xbohotic? Te quermanotactic la spehc'ambotic co'tantic c'alal la yalic: Te ants-winiquetic ini ha muc' xan soc naht xan a te bin ut'il te ho'otique; ha muq'uic te pueblohetic yu'unic soc ay sts'ahculetic c'alal ta ch'ulchan; soc la jquilcotic te sts'umbal Anac, xchihex.

Deuteronomio 4:27

Te Jehová ya me spuquex bahel ta yantic pueblohetic, soc ma me ayuc bayel ya xhilex ta nacionetic te banti ya yiq'uex bahel te Jehová.

Deuteronomio 9:1

A'iya me awa'iy, Israel: yo'tic ya sohlat bahel ta Jordán, yu'un ya x'och aten loq'uel nacionetic te c'ax hich yipalic soc c'ax hich yipic a te bin ut'il ha'ate, ha muc'ul pueblohetic te joytaybilic ta ts'ahc c'alal ta ch'ulchan;