Génesis 10:9 - Bible in Tzeltal Bachajón

⁹ Mero jnutsojel winic ta stojol Jehová, ha scuentahil te hich ay ta halel: Hich te bin ut'il Nimrod, te mero jnutsojel winic ta stojol Jehová, te xchihe.

Bible in Tzeltal de Oxchuc y Tenejapa

⁹ Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie.

Génesis 10:9 ပူးပေါင်းရင်းမြစ်များ

Génesis 10:10

Te Babel, Erec, Acad soc Calne, ha te capitaletic ta sq'uinal Sinar te banti scuentahinej.

Génesis 10:8

Ayin snich'an Cus, ha te Nimrod, ha te mach'a te bayel yip ta q'uinal.

Génesis 13:13

Pero te mach'atic nahinemic ta Sodoma c'ax chopol yo'tanic, la spasic mero chopol muliletic ta stojol Jehová.

Génesis 25:27

Muc'ubic te alaletique. Te Esaú la sna' ta lec nutsojel, la smulan behel ta ha'maltic. Yan te Jacob, jlamal-o'tan winic, la smulan ayinel ta nahilpac'.

Génesis 27:30

Lajel to yo'tan te Isaac ta ya'beyel bendición a te Jacob, loq'uel to bahel a te Jacob ta stojol te stat, hul tal ta nutsojel te Esaú te sbanquile.

Génesis 6:11

Mero bohlob te bahlumilal ta stojol Dios, ha nojel ta uts'inwanej.

Génesis 6:4

Ha yorahil a te ay muc'ul nahtil ants-winiquetic ta bahlumilal, soc nix ta patil te c'alal la sta sbahic te snich'nab Dios soc te yantsil-nich'nab ants-winiquetic, te ayin yal-snich'nabic. Ha'ic te mach'atic ich'bilic ta muc' te puhquem sc'oblalic ta namey.

2 Crónicas 28:22

Te bin ora ay swocol te Acaz, la to sta xan smul ta stojol Jehová;

Salmos 52:7

Ha te mach'a ma ha'uc ahnibal c'ohem yu'un te Diose, te ha la smuc'ulin yo'tan te bayel sc'ulejal, soc te la yich' yip ta bin chopol, xchihic.

Isaías 18:2

te ya sticon bahel jal-c'opetic ta mar ta barcohetic pasbilic ta jalal! Bahanic, jal-c'opetic te tulan ya xbahex, bahanic ta nación yu'un nahtil winiquetic te xch'ulet snuhculelic, ta pueblo te xi'bilic ta bayuc, ta nación te ay yip soc te ya ya'iy tsalaw, te stsaloj sq'uinalic ta muc'ul-ha'etic.

Jeremías 16:16

Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.

Ezequiel 13:18

Hich me xawalbe: Hich yaloj te Jehová, te Ajwalil: ¡Ay me swocolic te antsetic te ya sts'isic tut pac' te ay bin ya xhu' ya spasic a ta sc'opic, te ya yaq'uic ta spisil snuc' sc'abic, soc te ya spasic smahquil sjolic ta chahpalchahp ya'bilal, yu'un ya xhu' yu'unic stsacbel scuxlejal ants-winiquetic! ¿Ya bal atsacbe scuxlejal te pueblo cu'un scuenta yu'un hich cuxul ya xhilex te ha'exe?

Miqueas 7:2

Mayuquix ta q'uinal te mach'a ay sc'uxul yo'tan, mayuc hilem ta yohlil te ants-winiquetic te mach'a toj yo'tan; spisilic ya xmacliywanic yu'un ya xmilawanic, jujutuhl ya schahpambe syacol te yermanohe.