Génesis 1:27 - Bible in Tzeltal Bachajón

²⁷ Hich Dios la spas te ants-winic, la slop'tay sba a, hich yilel te bin ut'il Dios la spas; winic soc ants la spas.

Bible in Tzeltal de Oxchuc y Tenejapa

²⁷ Jich pastaj yu'un Dios te winique, jich yilel te bit'il Diose, jtul winic soc jtul ants la spas.

Génesis 1:27 ပူးပေါင်းရင်းမြစ်များ

Génesis 2:18

La yal te Jehová Dios: Ma lecuc te stuquel ay te winique, ya jpasbe snuhp' te ya scoltay sba soque, xchi.

Génesis 2:7

Dios la spas te winic ta ts'ubil lum, la shuhxibe sni' ta ic' yu'un cuxlejal, hich cuxaj.

Génesis 9:6

Te mach'a ya smalbe sch'ich'el winic, winic nix ya xmalbot sch'ich'el yu'un; como pajal yilel soc Dios la yich' pasel te winique.

Salmos 139:14

Ya calbat yutsil ac'oblal como c'ax bayel yutsil pasbilon; c'ax t'ujbil te awa'tel, sna'oj ta lec te jch'uhlele.

Eclesiastés 7:29

Ha nax jtahoj ini: ha te toj yo'tan pasot yu'un Dios te ants-winic, pero ha la sle bayel ta chahp bintic ma lecuc.

Isaías 43:7

spisil te mach'atic yich'beyejonic te jbihile, te la jchicnajtes yu'un ya xchicnaj a te cutsilale, ha te mach'atic la jpas soc te la jchahpan, xchihon.

Jeremías 29:6

Nuhpunanic soc ayuc me aquerem-nich'nabic soc awantsil-nich'nabic; nuhpuntesahic aquerem-nich'nabic soc awantsil-nich'nabic scuenta yu'un ha nix hich ay squerem-nich'nabic soc yantsil-nich'nabic. P'ohla abahic tey a, ma me xpehc'aj awahtalulic.

Malaquías 2:15

¿Ma bal junuc nax pasbil yu'un Dios, te ha sbaq'uetal soc sch'uhlel? ¿Soc bin ya sle? Ha ya sle ts'umbalil te jun yo'tanic ta stojol Dios. Canantaya awo'tanic, ma me xch'ay te jun awo'tan ta stojol awihnam te la ata c'alal queremat to ahe.

San Mateo 19:4

La sjac' te Jesús: ¿Yu'un bal mayuc awilojic ta Shun Dios te ta shahchibal Dios la spas jtuhl winic soc jtuhl ants,

San Marcos 10:6

pero ta shahchel spisil bintic ay, Dios la spas winic soc ants.

Efesios 2:10

Ha ya'telotic te Diose, pasbilotic ta scuenta Cristo Jesús yu'un ya jpastic te lequil a'teliletic te schahpanej ta nahil to te Dios te ya jpastique.

Efesios 4:24

soc lapahic me te yach'il cuxlejal, te hich pasbil te bin ut'il ay te Diose, te toj bin ya spas soc te ch'ultesbil ta smelelil.

Deuteronomio 4:32

Joc'oya awa'iy sc'oblal te bin c'axemix tal, te c'alal ma to ayucat a, te c'alal Dios la spas te ants-winic ta bahlumilal, teme ta jehch sti'il ch'ulchan c'alal ta yan sti'il, te hich c'ohem ta pasel te bintic muc' c'ohemix ta pasel, o teme ay hich ay ta a'iyele.

Colosenses 1:15

Te Cristo ha sloc'omba te Dios te ma chicanuc ta ilel, ha ba-alalil yu'un spisil bintic pasticlambil.

Colosenses 1:26

ha te bin mayuc ta na'el ta namey te muquen ay, pero yo'tic a'botix sna'ic te mach'atic ch'ultesbilic yu'une.

Colosenses 3:10

la alapiquix te yach'il acuxlejalic, te xquechet ta ach'ubel te hich yilel ya xc'oht te bin ut'il te Jpaswanej yu'une, scuenta yu'un ts'acal yac ana'beyic sba ta lec a.

Jueces 21:22

Teme ya xtal sc'oponotcotic te static o sbanquiltac te ach'ixetic, ya calbecotic: Awocoluc, a'botcotic te ach'ixetic, yu'un ma ba la jtahbecotic yihnamic spisil te winiquetic te c'alal ay guerra. Soc ma ha'uquex te la awa'beyic, hich mayuc amulic ya xc'oht, xchihotcotic.