Génesis 1:21 - Bible in Tzeltal Bachajón

²¹ Dios la spas muc'ul schanul ha' soc spisil te bintic cuxajtic, jujuchahp te ya xchicnaj ta ha', soc spisil ta chahp mutetic. Lec la yil te Diose.

Bible in Tzeltal de Oxchuc y Tenejapa

²¹ Ja' nix jich Dios la xchicnantes muc'ul xchanul ja', soc spisil te bitic ya xcuxinic ta ja' te ya x'ainic tey a te juju-jchajbe, soc spisil ta jchajp mutetic te ya xwilique. Lec la yil te Diose,

Génesis 1:21 ပူးပေါင်းရင်းမြစ်များ

Génesis 1:18

soc yu'un ya scuentahin te c'ahc'alel soc te ahc'abal, soc yu'un ya sjel sba te sacal q'uinal soc te yihc'al q'uinale. Lec la yil te Diose.

Génesis 1:20

La yal te Diose: Ac'a chicnajuc bintic ya xcuxajic ta ha', soc mutetic te ya xwihlic ta sba te bahlumilal, ta yohlil te sjamalil te ch'ulchane, xchi. Hich c'oht yu'un.

Génesis 1:22

Dios la yac'ticlambe bendición, hich la yal: Sitinanic soc p'ohla abahic, nojesahic te ha'etic ta maretic soc ac'a sp'ohl sbahic te mutetic ta bahlumilal, xchi.

Génesis 1:25

Dios la spas te chambahlametic, te alaq'uil chambahlametic soc spisil te bintic ya stas sbahic ta lumq'uinal, chican bintic yilel te jujuchahpe. Lec la yil te Diose.

Génesis 1:31

Dios la yil spisil te bintic la spas, mero lec c'oht. Te yihc'ubel q'uinal soc te sacubel q'uinal, ha swaquebal c'ahc'al.

Génesis 2:19

Spisil te chambahlametic ayic ta q'uinal soc spisil te mutetic ya xwihlic ta toyol pasticlambil ta lum yu'un te Jehová Dios. La yic'ticlambe tal ta stojol Adán scuenta yu'un ya yil bin sbihil ya yac'ticlambe stuquel. Te bin sbihil ac'ticlambot yu'un Adán te chambahlametic, hich nix sbihil c'oht a.

Génesis 6:20

Spisil ta chahp mutetic, spisil ta chahp chambahlametic soc spisil ta chahp bintic ya stas sbahic ta lum, cha'cha'coht ta jujuchahp ya sjoquinat ochel scuenta yu'un cuxul ya xhilic.

Génesis 7:14

soc spisil te ha'mal chambahlametic, alaq'uil chambahlametic ta jujuchahp, soc spisil bintic staslajan ya xbehen ta lumq'uinal ta jujuchahp, soc spisil ta chahp te mutetique.

Génesis 8:17

Soc ya me aloq'ues spisil te chambahlametic te sjoquinejat, spisil ta chahp mutetic, chambahlametic, soc te bintic staslajan ya xbehenic ta lumq'uinal; behenanic ta q'uinal, sitinan soc p'ohla abahic ta bahlumilal, xchi.

Génesis 8:19

Spisil te chambahlametic, mutetic, soc bintic staslajan ya xbehenic, spisil ta chahp te bintic ya xbehenic ta lumq'uinal loq'uic ta barco.

Génesis 9:2

Ya me xnihquic soc ya me xiwic ta atojolic spisil chambahlametic ayic ta q'uinal, spisil mutetic ayic ta sjamalil ch'ulchan, spisil bintic ya xbehenic ta lumq'uinal, soc spisil te chayetic ayic ta mar; ay ta ac'abic.

Génesis 9:7

Te ha'exe sitinan soc p'ohla abahic, al-nich'anajanic, nojesahic te bahlumilal, xchi te Diose.

Job 12:7

Joc'obeya te chambahlametic, ha'ic me ya xp'ijubtesex, joc'obeya te mutetic te ya xwihlic ta toyol, ha'ic me ya ya'beyex ana'ic;

Job 26:5

Ta sc'ubulil mar ya xnihquic te sch'uhlelic mach'atic chamenic, ya xnihquic te mar soc te mach'atic tey ayic a.

Job 7:12

¿Yu'un bal ho'on mar c'ohemon, o muc'ul chambahlamon bal yu'un mar, te hich yac awac'on ta ilel?

Salmos 148:7

Halbeyahic yutsil sc'oblal Jehová c'alal ta bahlumilal, muc'ul chambahlametic ta mar soc spisil sc'ubulil te mar,

Éxodo 1:7

Pero te snich'nab Israel hahchic ta p'ohlel, mero tsobolic soc bayel yipic, noj yu'unic te q'uinale.

Éxodo 8:3

Te muc'ul-ha' ya xnoj ta xch'uch'etic te ya xmohic tal soc ya x'ochic ta ana soc ta banti ya xwayat, ta snahic te a'batetic soc te pueblo awu'un, ta hornohetic soc ta swots'ojibal pan awu'unic.

Ezequiel 32:2

Snich'anat winic, c'ayojtaybeya c'ayoj yu'un mel-o'tan te faraón ajwalil yu'un Egipto, hich yac awalbe: Pajalat soc choj ta stojol nacionetic, hichat te bin ut'il dragón ta maretic; yac atijulan aba ta muc'ul-ha', yac atijulan ta awoc te ha'etic soc yac atatubtes te yacan ha'.

Jonás 1:17

Pero te Jehová ay schahpanej jcoht muc'ul chay te ya sbic' te Jonás. Oxeb c'ahc'al soc oxeb ahc'abal ay ta sch'uht te chay te Jonás.

Jonás 2:10

Te Jehová la yalbe mandar te muc'ul chay, hich la xehtay loq'uel ta lumq'uinal te Jonás.

San Mateo 12:40

Como hich te bin ut'il oxeb c'ahc'al soc oxeb ahc'abal ay ta sch'uht muc'ul chay te Jonás, ha nix hich te Nich'anil ay ta scuenta winic oxeb c'ahc'al soc oxeb ahc'abal ya x'ayin ta ye'tal lum.